༢༠༢༢ལོའི་མཚོ་སྐོར་ལྕགས་རྟ་འགྲན་སྡུར་གྱི་དུས་ཚོད་ཁྱབ་སྒྲོག་བྱས།

        སྐབས་འདིའི་མཚོ་སྐོར་ལྕགས་རྟ་འགྲན་སྡུར2022ལོའི་ཟླ7པའི་ཚེས26ཉིན་ནས་ཟླ8པའི་ཚེས3ཉིན་བར་མཚོ་སྔོན་ཞིང་ཆེན་མངའ་ཁོངས་སུ་བསྡུ་རྒྱུ་ཡིན་པ་དང་། ཟླ7པའི་ཚེས26ཉིན་མཚོ་སྔོན་ལུས་རྩལ་ལྟེ་གནས་སུ་འགོ་ཚུགས་མཛད་སྒོ་བསྡུ་རྒྱུ་ཡིན་ཞིང་། ཟླ8པའི་ཚེས3ཉིན་མཚོ་ནུབ་སོག་རིགས་བོད་རིགས་རང་སྐྱོང་ཁུལ་ན་གོར་མོ་གྲོང་ཁྱེར་དུ་མཇུག་བསྡུས་མཛད་སྒོ་བསྡུ་རྒྱུ་རེད།

        ཐེངས་འདིའི་འགྲན་སྡུར་ལ་བསྡོམས་པའི་འགྲན་ཚིགས8ཡོད་ཅིང་། ཟི་ལིང་གྲོང་ཁྱེར་དང་། མཚོ་ཤར་གྲོང་ཁྱེར། མཚོ་ལྷོ་ཁུལ། མཚོ་ནུབ་ཁུལ་བཅས་ལ་བརྒྱུད་དགོས། སྤྱིའི་ལམ་ཐག་ལ་སྤྱི་ལེ1488ཙམ་ཡོད་ལ། དེའི་ཁྲོད་འགྲན་སྡུར་གྱི་ལམ་ཐག་ལ་སྤྱི་ལེ1105དང་། བསྐོར་ལམ་གྱི་ལམ་ཐག་ལ་སྤྱི་ལེ383ཙམ་ཡོད། འགྲན་ཚིགས་ཀྱི་རིགས་ལ་ལམ་བདེ་མོ་དང་། རི་མ་ཐང་། རི་མཐོ་སོགས་ས་དབྱིབས་སྣ་ཚོགས་ཡོད་ཅིང་། རྒྱལ་ཡོངས་ཀྱི་རུ་ཁག21གི་ལུས་རྩལ་པ147ཐེངས་འདིའི་འགྲན་བསྡུར་ནང་ཞུགས་རྒྱུ་རེད།