ཐེངས་འདིར་ཆོས་དབྱིངས་སྐྱིད་ལ་ཨང་གསུམ་པ་ཐོབ་འདུག

        པེ་ཅིང་གི་དུས་ཚོད་ཚེས23ཉིན་གྱི་ཐོ་རེངས་སྐབས་སུ། 2022ལོའི་ཨི་ལེ་ཀང་མཆོང་རྒྱུག་འཕེན་གསུམ་འགྲན་བསྡུར་གྱི་འགྲན་ཐེངས་བརྒྱད་པར་སླེབས་པ་དང་། སྐྱེས་མའི་སྤྱི་ལེ35ཡི་འདུར་རྒྱུག་འགྲན་བསྡུར་ཁྲོད་ཀྲུང་གོའི་འགྲན་ཞུགས་པ་ཆོས་དབྱིངས་སྐྱིད་ལ་ཆུ་ཚོད2དང་སྐར་མ40སྐར་ཆ37གྱི་གྲུབ་འབྲས་ཐོག་ནས་ཨང་གསུམ་པ་བླངས། དེ་ནི་ཐེངས་འདིའི་འགྲན་བསྡུར་ཁྲོད་མི་སྒེར་གྱི་གཟེངས་བསྟོད་རྟགས་མ་གཉིས་པ་དང་ཁོ་མོའི་འཛམ་གླིང་འགྲན་བསྡུར་གྱི་གཟེངས་བསྟོད་རྟགས་མ་བཞི་བ་དེ་ཡིན།

        སྐྱེས་མའི་སྤྱི་ལེ35ཡི་འདུར་རྒྱུག་འགྲན་བསྡུར་ནི་ད་ལོའི་འགྲན་བསྡུར་གྱི་ལས་གཞི་གསར་བ་ཞིག་ཡིན་ལ། ཁྱོན་རྒྱལ་ཁབ་དང་ས་ཁུལ20ཡི་འགྲན་ཞུགས་པ41གིས་འགྲན་བསྡུར་ནང་ཞུགས་རྒྱུའི་མིང་ཐོ་བཀོད་ཡོད། ཀྲུང་གོའི་མཆོང་རྒྱུག་འཕེན་གསུམ་རུ་ཁག་གིས་ཆོས་དབྱིངས་སྐྱིད་དང་ཀླུ་མོ་མཚོ། དབྱིན་ཧྲི་མའེ་བཅས་མི་གསུམ་འགྲན་བསྡུར་ནང་མངག་གཏོང་བྱས། ཆོས་དབྱིངས་སྐྱིད་ཀྱིས་གཟའ་འཁོར་གཅིག་གི་གོང་དུ་སྤེལ་བའི་སྐྱེས་མའི་སྤྱི་ལེ20ཡི་འདུར་རྒྱུག་འགྲན་བསྡུར་གྱི་རྟིང་རྩོད་འགྲན་བསྡུར་ནང་ཨང་གསུམ་པ་ཐོབ་ཡོད་པ་རེད།