མཚོ་སྔོན་གྱི་འདུར་རྒྱུག་ལུས་རྩལ་པ་ཉིག་སྒྲོལ་མ་གཡང་སྐྱིད་ཀྱིས་ལྗར་པན་དུ་ཨང་དང་པོ་བླངས།

       གསར་འགོད་པས་མཚོ་སྔོན་ཞིང་ཆེན་ལུས་རྩལ་ཅུས་ནས་ཤེས་རྟོགས་བྱུང་བ་ལྟར་ན། ཟླ3པའི་ཚེས19ཉིན་ལྗར་པན་གྱི་ཏུང་ཅིན་ཞའོ་སུང་དུ་སྤེལ་བའི2023ལོའི་ཨེ་ཤ་ཡའི་འདུར་རྒྱུག་གཟེངས་རྟགས་འགྲན་སྡུར་དང་ཡོངས་བསྒྲགས་གདན་ཞུའི་འགྲན་སྡུར་ཁྲོད་ཀྲུང་གོའི་འགྲན་ཞུགས་པའི་ཚབ་བྱས་ནས་འགྲན་སྡུར་ལ་ཞུགས་པའི་མཚོ་སྔོན་ཞིང་ཆེན་ལུས་རྩལ་ལས་དོན་རུ་ཆེན་དང་པོའི་འདུར་རྒྱུག་ལུས་རྩལ་པ་ཉིག་སྒྲོལ་མ་གཡང་སྐྱིད་ཀྱིས་ཆུ་ཚོད1དང་སྐར་མ30སྐར་ཆ09ཡི་གྲུབ་འབྲས་ཐོག་ནས་སྐྱེས་མའི་ཡོངས་བསྒྲགས་ཚན་ཆུང་གི་སྤྱི་ལེ20ཡི་འདུར་རྒྱུག་འགྲན་སྡུར་ཁྲོད་ཨང་དང་པོ་བླངས་ཤིང་སྤྱིའི་གྲུབ་འབྲས་ཀྱི་ཨང་གཉིས་པ་བླངས།