ཀོས་ནན་རྫོང་གིས་མི་རིགས་མཐུན་སྒྲིལ་རྟགས་མའི་སྤོ་ལོ་འགྲན་བསྡུར་གྱི་བྱ་འགུལ་སྤེལ།
རྩོམ་པ་པོ།：
ཡོང་ཁུངས།：ཀོས་ནན་སྲིད་དོན།
དུས་ཚོད།：2023-07-11
ཀློག་གྲངས།：
ཉིན་འགའི་སྔོན་ལ། ལོ་ངོ་བདུན་ཅུར་བསྟོད་བསྔགས་བྱེད། རྒྱང་སྐྱོད་ལམ་བུ་གསར་པར་བསྐྱོད་ཅེས་པའི་མཚར་སྡུག་ཀོས་ནན་གྱི་མི་རིགས་མཐུན་སྒྲིལ་རྟགས་མའི་སི་ཁྲོན་དང་ཀན་སུའུ། མཚོ་སྔོན་གསུམ་གྱི་གདན་ཞུའི་སྤོ་ལོ་འགྲན་བསྡུར་གཟབ་རྒྱས་ངང་མགོ་བརྩམས། རྫོང་ཨུ་དང་། རྫོང་མི་དམངས་འཐུས་ཚོགས། རྫོང་སྲིད་གཞུང་བཅས་ཀྱི་གཞིས་སྡོད་མགོ་ཁྲིད་ཁག་ཅིག་མགོ་ཚུགས་མཛད་སྒོར་ཞུགས་པ་དང་། རྫོང་སྲིད་གཞུང་གི་རྫོང་དཔོན་གཞོན་པ་གཡང་དཀར་སྐྱིད་ཀྱིས་མགོ་ཚུགས་མཛད་སྒོར་ཤིས་ཚིག་ཕུལ། རྫོང་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་ཡུས་ཅུན་མིན་གྱིས་འགྲན་བསྡུར་དངོས་སུ་བྱེད་མགོ་ཚུགས་པ་ཁྱབ་བསྒྲགས་བྱས།
ཐེངས་འདིའི་འགྲན་བསྡུར་ནི་ཀོས་ནན་རྫོང་གི་དམངས་ཡོངས་ཀྱི་ལུས་སྦྱོང་བྱེད་སྒོ་རབ་དང་རིམ་པ་སྤེལ་བའི་ཁྲོད་ཀྱི་བྱ་འགུལ་གཟབ་རྒྱས་ཤིག་ཡིན་ལ། རྒྱ་ཆེའི་ལུས་རྩལ་པས་ཕན་ཚུན་ཤེས་རྟོགས་དང་། ཕན་ཚུན་སྤེལ་རེས། ཕན་ཚུན་སློབ་སྦྱོང་། ཕན་ཚུན་སྐུལ་འདེད་བཅས་ཀྱི་གོ་སྐབས་མཁོ་འདོན་བྱས་པ་དང་ལུས་རྩལ་པའི་གཟུགས་པོའི་བྱང་ཚད་དང་བསམ་པའི་ཉམས་འགྱུར་ལ་གཟིགས་ཞིབ་བྱེད་པ་ཞིག་ཡིན་ལ་འགྲན་བསྡུར་ནང་ཞུགས་མཁན་རུ་ཁག་དག་གི་ཚོགས་པའི་འདུ་ཤེས་དང་འགྲན་རྩོད་འདུ་ཤེས་བསྐྱེད་བསྲིངས་བྱེད་པའི་འགྲན་བསྡུར་ཞིག་ཀྱང་རེད། ལུས་རྩལ་པ་ཡོངས་ཀྱིས་སྔར་ལས་མཐོ་བ་དང་། སྔར་ལས་མགྱོགས་པ། སྔར་ལས་སྟོབས་ལྡན་བཅས་ཀྱི་སྙིང་སྟོབས་དར་སྤེལ་བཏང་སྟེ་ཕན་ཚུན་མཉམ་ལས་དང་། དཔའ་ངར་ཆེན་པོས་སྔོན་ལ་བརྩོན་ལེན་བྱེད་པ། བློ་བརྟན་འགྱུར་མེད་ངང་འབད་བརྩོན་བྱེད་པ། ཆུ་ཚད་འགྲན་པ། ཉམས་འགྱུར་འགྲན་པ། མཛའ་བརྩེ་གཙིགས་སུ་འཛིན་པ་བཅས་བྱས་ནས་དུས་སྐབས་གསར་པའི་གཞོན་ནུ་ཚོའི་རྣམ་པ་གསར་བ་བཏོད་ཡོད། ཤན་འབྱེད་པ་རྣམ་པས་སྒྲིག་སྲོལ་ནན་སྲུང་དང་། ཁྲིམས་གཅོད་དྲང་གཞག་བཅས་ཀྱི་སྒོ་ནས་ཞབས་འདེགས་ཞུས་ཏེ་ཐེངས་འདིའི་སྤོ་ལོའི་འགྲན་བསྡུར་དེ་ཡ་རབས་དང་། སྤྲོ་སེམས་ཆེ་བ། ངོ་མཚར་ཆེ་བ། ཕུན་སུམ་ཚོགས་པ་བཅས་ཀྱི་བྱ་འགུལ་ཡག་པོ་ཞིག་གཉེར་བར་བརྩོན་ལེན་བྱས། མགོ་ཚུགས་མཛད་སྒོའི་ཐོག་རྫོང་རིག་གནས་ཁང་གི་འཁྲབ་སྟོན་རུ་ཁག་གིས་ཚོགས་ར་ཡོངས་ཀྱི་ལྟད་མོ་བ་ཚོར་ངོ་མཚར་ཆེ་བའི་གླུ་གར་འཁྲབ་སྟོན་བྱས་པ་དང་རྒྱ་ཆེའི་ལྟད་མོ་བ་ཚོའི་ཐལ་མོའི་རྡེབ་སྒྲ་ལུས་རྩལ་ཁང་ཧྲིལ་བོར་ཁྱབ།
མགོ་ཚུགས་མཛད་སྒོ་མཇུག་སྒྲིལ་རྗེས་འགྲན་བསྡུར་དངོས་སུ་མགོ་ཚུགས་ཤིང་། ཀན་ལྷོའིM2རུ་ཁག་དང་ཀོས་ནན་སྤོ་ལོའི་མཐུན་ཚོགས་ཀྱི་ངོ་མཚར་ཆེ་བའི་འགྲན་བསྡུར་ལ་ལྟད་མོ་བ་ཚོའི་ཐལ་མོའི་རྡེབ་སྒྲ་དང་ཀི་སྒྲས་ཁེངས་ནས་བྱེད་སྒོའི་རྣམ་པ་འཁྲུག་ཆ་དོད་དུ་ཕྱིན།
ཛ་དྲག་ཆེ་བའི་འགྲན་སྡུར་གྱི་ཡུལ་དངོས།
ཛ་དྲག་ཆེ་བའི་འགྲན་སྡུར་གྱི་ཡུལ་དངོས།
ཡུལ་དངོས་སུ་ཐོན་པའི་ལྟད་མོ་བ།
འབྲེལ་ཡོད་འོས་སྦྱོར།
