མཚོ་ལྷོ་ཁུལ་དུ2023ལོའི་ཞིང་ཆེན་རིམ་པའི་རྐང་རྩེད་སྤོ་ལོའི་འགྲན་སྡུར་སྤེལ།
རྩོམ་པ་པོ།：དྲ་བའི་རྩོམ་སྒྲིག་པ།
ཡོང་ཁུངས།：མཚོ་སྔོན་པོ་དྲ་བ།
དུས་ཚོད།：2023-08-22
ཀློག་གྲངས།：
ཟླ8པའི་ཚེས21ཉིན། ད་ལོའི་མཚོ་སྔོན་རྐང་རྩེད་སྤོ་ལོའི་རིམ་འདས་མཉམ་འགྲན་དང་མཚོ་སྔོན་ཞིང་ཆེན་རྐང་རྩེད་སྤོ་ལོའི་མཐུན་ཚོགས་ཀྱི་ཚོགས་མིའི་མཐུན་ཚོགས་ཀྱི་ཨང་དང་པོའི་འགྲན་བསྡུར་དེ་མཚོ་ལྷོ་ཁུལ་མི་རིགས་ལུས་རྩལ་ར་བར་སྤེལ། ཐེངས་འདིའི་འགྲན་བསྡུར་ནི་ཞིང་ཆེན་ལུས་རྩལ་ཅུའུ་དང་མཚོ་ལྷོ་ཁུལ་སྲིད་གཞུང་གིས་གཙོ་སྒྲུབ་བྱས་པ་དང་། ཞིང་ཆེན་རྐང་རྩེད་སྤོ་ལོ་མཐུན་ཚོགས། ཁུལ་རིག་གནས་ལུས་རྩལ་ཡུལ་སྐོར་རྒྱང་སྒྲོག་བརྙན་འཕྲིན་ཅུའུ་ཡིས་འགན་སྒྲུབ་བྱས། ཁུལ་སྲིད་གཞུང་གི་ཁུལ་དཔོན་གཞོན་པ་དགེ་འདུན་རྒྱལ་འགོ་རྩོམ་མཛད་སྒོར་ཞུགས་ནས་ཤིས་ཚིག་ཕུལ།
རྒྱུས་ལོན་བྱས་པ་ལྟར་ན། ཐེངས་འདིའི་འགྲན་བསྡུར་ལ་རང་ཞིང་གི་ཁུལ་དྲུག་དང་གྲོང་ཁྱེར་གཉིས་ཀྱི་འགྲན་ཞུགས་རུ་ཁག་བརྒྱད་ཞུགས་ཡོད་པ་དང་། ཚན་ཆུང་གི་འགྲན་བསྡུར་དང་བླང་དོར་གྱི་འགྲན་བསྡུར་སོགས་རིམ་པ་དུ་མ་བརྒྱུད་དེ་ཨང་དང་པོའི་འགྲན་རྩོད་ལ་ཞུགས་དགོས་འདུག དེ་མིན་ཐེངས་འདིའི་འགྲན་བསྡུར་ནི་རང་ཞིང་གི་གཞི་ཁྱོན་ཆེ་ཤོས་དང་ཆུ་ཚད་མཐོ་ཤོས། འགྲན་བསྡུར་ཁྱབ་ཁོངས་ཆེ་ཤོས། ཤུགས་རྐྱེན་ཐེབས་ཚད་ཆེ་ཤོས་བཅས་ཀྱི་རྐང་རྩེད་སྤོ་ལོའི་འགྲན་བསྡུར་ཞིག་ཡིན་པ་དང་འཐུས་མི་རུ་ཁག་སོ་སོས་རྐང་རྩེད་སྤོ་ལོའི་རྩལ་ནུས་ངོམ་པའི་སྟེགས་བུ་བཟང་པོ་ཞིག་ཡིན་པས། བརྩོན་ལེན་ཧུར་ཐག་བྱས་པ་བརྒྱུད་ད་ལོ་ནས་བཟུང་མཚོ་ལྷོ་ཁུལ་གྱིས་བསྟུད་མར་ལོ་བཞིའི་རིང་མཚོ་སྔོན་ཞིང་ཆེན་གྱི་རྐང་རྩེད་སྤོ་ལོའི་རིམ་འདས་མཉམ་འགྲན་ལ་འགན་སྒྲུབ་གནང་རྩིས་ཡོད།
འབྲེལ་ཡོད་འོས་སྦྱོར།
