བཀྲ་ཤིས་ཚེ་རིང་གིས་རྒྱང་རྒྱུག་ཁྲོད་ཨང་དང་པོའི་འབྲས་བཟང་བླངས།

       སྤྱི་ལོ2024ལོའི་རྒྱལ་ཡོངས་ཀྱི་ལམ་ཐག་ཕྱེད་ཀའི་མར་སུན་འགྲན་རྒྱུག་གི་ས་ཚིགས་དང་པོ་སྟེ་སྤྱི་ལོ2024ལོའི་མེ་ཧྲན་རེན་ཧྲོའུ་ཡི་ལམ་ཐག་ཕྱེད་ཀའི་མར་སུན་འགྲན་རྒྱུག་སྤྱི་ཟླ2ཚེས25ཉིན་གྱི་སྔ་དྲོའི་ཆུ་ཚོད8དང་ཕྱེད་ཀའི་ཐོག་དངོས་སུ་འགོ་ཚུགས་ཡོད།

       ཤེས་རྟོགས་བྱུང་བ་ལྟར་ན། རྒྱལ་ཡོངས་ཀྱི་ལམ་ཐག་ཕྱེད་ཀའི་མར་སུན་འགྲན་བསྡུར་གྱི་ས་ཚིགས་དང་པོ་ཡིན་པའི་ཆ་ནས་ཐེངས་འདིའི་འགྲན་བསྡུར་ནང་ཞིང་ཆེན18ནས་ཡོང་བའི་ཆེད་ལས་རུ་ཁག19ཡི་ལུས་རྩལ་པ་ཁྱོན139དང་། རྩེར་སོན་གྱི་ལུས་རྩལ་པ210ཞུགས་ཡོད་པ་རེད།

       ཐད་གཏོང་གི་པར་རིས་ནས་མངོན་པར། འགྲན་བསྡུར་འགོ་བཙུགས་ནས་སྐར་མ46སོང་རྗེས། བཀྲ་ཤིས་ཚེ་རིང་དང་མོ་རོ་ཁོའི་འགྲན་འདེམས་པ་གུ་མུ་ལིས་མྱུར་ཚད་མགྱོགས་སུ་བཏང་ནས་འགྲན་ཡ་གཞན་རྒྱབ་ཏུ་སྐྱུར་བ་དང་། དེ་རྗེས་བཀྲ་ཤིས་ཚེ་རིང་གཅིག་པུ་སྔོན་ལ་ཐོན་པ་མ་ཟད་མདུན་གྲལ་གྱི་བཟང་ཆ་དེ་སྔར་བས་ཆེ་རུ་བཏང་ཡོད་པ་རེད།

       མཐར་སྤྱི་ལེ20ཡི་འགྲན་བསྡུར་ནང་བཀྲ་ཤིས་ཚེ་རིང་གིས་རང་ཉིད་ཀྱི་རྒྱང་རྒྱུག་ནུས་པར་བརྟེན་ནས་ཆུ་ཚོད1དང་སྐར་མ1དང་སྐར་ཆ58ཀྱི་ཐོག་ནས་ཨང་དང་པོ་བླངས་པ་མ་ཟད་རེན་ཧྲའུ་ལམ་ཐག་ཕྱེད་ཀའི་མར་སུན་འགྲན་བསྡུར་གྱི་ཟིན་ཐོ་གསར་པ་བཏོད་ཡོད་ལ། རྒྱལ་ནང་གི་ལམ་ཐག་ཕྱེད་ཀའི་མར་སུན་འགྲན་བསྡུར་གྱི་ཟིན་ཐོ་གསར་པ་ཡང་བཏོད་ཡོད།