སྐབས་ཉེར་གསུམ་པའི་མཚོ་སྐོར་ལྕགས་རྟ་འགྲན་བསྡུར་རྒྱལ་ཁའི་ངང་མཇུག་སྒྲིལ་བ།

       ཟླ7པའི་ཚེས14ཉིན། 2024ལོའི“ཀྲུང་གོ་བཟོ་ཚོང་དངུལ་ཁང་རྟགས་མའི”སྐབས་ཉེར་གསུམ་པའི་མཚོ་སྔོན་པོ་སྐོར་བའི་རྒྱལ་སྤྱིའི་གཞུང་ལམ་ལྕགས་རྟ་འགྲན་བསྡུར་མཚོ་བྱང་བོད་རིགས་རང་སྐྱོང་ཁུལ་མོན་ཡོན་ཧུའེ་རིགས་རང་སྐྱོང་རྫོང་གི་ལེ་བར་བརྒྱ་ཡི་པད་ཁའི་མེ་ཏོག་མཛེས་ལྗོངས་ཁུལ་དུ་མཇུག་སྒྲིལ་མཛད་སྒོ་དང་བྱ་དགའ་སྤྲོད་པའི་མཛད་སྒོ་འཚོགས་པ་རེད། ཧྲིན་ཀྲང་གཞོན་པ་ཝང་ཧའེ་ཧུང་མཛད་སྒོར་ཞུགས་པ་དང་འགྲན་ཞུགས་པར་བྱ་དགའ་སྤྲད།

       སྐབས་འདིའི་མཚོ་སྐོར་ལྕགས་རྟ་འགྲན་བསྡུར་མགོ་ཚུགས་པ་ནས་བཟུང་། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱིས་མགོ་ཚུགས་མཛད་སྒོ་དང་འགྲན་བསྡུར་དུམ་བུ་སོ་སོའི་བརྒྱུད་རིམ་ཧྲིལ་པོར་ཐད་གཏོང་བྱས་པ་དང་། ཞིང་ཆེན་གྱི་སྨྱན་སྦྱོར་དང་སྒེར་གཉེར་སྨྱན་སྦྱོར་གྱིས་མཉམ་གཅིག་ཏུ་ཐེངས་འདིའི་འགྲན་ཚོགས་སྤེལ་ནས།“ཚགས་པར་དང་བརྙན་འཕྲིན། དྲ་བ། པོད་འཕྲིན། སྤྱོད་སྣེ། ལག་ཁྱེར་ཁ་པར་བཅས་གཞི་གཅིག་ཏུ་འདུས་པའི་སྨྱན་སྦྱོར་ཡོངས་ཀྱི་མཉམ་འདྲེས་བརྒྱུད་སྤེལ་སྟར་སྒྲིག་ཞིག་ཆགས་པ་དང་། མཚོ་སྔོན་གྱིས་སྐྱེ་ཁམས་དཔལ་ཡོན་གྱི་མཐོ་ས་གཏོད་པ་དང་ཐོན་ལས་འཛུགས་སྐྲུན་བྱེད་པའི“གནས་བཞིའི”དམིགས་བསལ་ལེགས་ཆ་གང་ལེགས་མངོན་ཡོད། “རབ་མཛེས་མཚོ་སྔོན”གྱི་ཤུགས་རྐྱེན་དང་མཚན་སྙན་སྔར་ལས་ཆེ་རུ་ཕྱིན་ཡོད། འགྲན་བསྡུར་དང་སྐྱེ་ཁམས་སྲུང་སྐྱོང་དང་། གྲོང་གསེབ་དར་སྤེལ། ཞིང་ཕྱུགས་ཐོན་རྫས། རིག་གནས་ཡུལ་སྐོར། ཚོང་དོན་འཁོར་རྒྱུག་སོགས་མཉམ་འདྲེས་འཕེལ་རྒྱས་ཀྱི་སྟེགས་བུ་གསར་པ་ཧུར་ཐག་སྒོས་བསྐྲུན་ནས། ཐོན་ལས་འབྲེལ་ཐག་རྒྱུན་ཆད་མེད་པར་སྣུར་སྲིང་བྱས་ཏེ་མཚོ་སྐོར་ལྕགས་རྟ་འགྲན་བསྡུར་ཕྱོགས་ཀྱི་སྟོན་ཚོགས་རྩ་འཛུགས་བྱས་པ་དང་། ལམ་རྒྱུད་ཀྱི་འགྲན་བསྡུར་དུམ་བུ་ཁག་ཏུ་བསྡོམས་པས་གཟུགས་འདས་ཤུལ་བཞག་རིག་གནས་གསར་གཏོད་དང་ཞིང་ལས་དམིགས་བསལ་ཐོན་རྫས་འགྲེམས་སྟོན་ཁུལ126བཀོད་སྒྲིག་བྱས་པ་སོགས་འགྲན་བསྡུར་བྱེད་སྒོའི“བཞུར་ཚད”དེ་དཔལ་འབྱོར་གྱི“འཕར་ཚད”དུ་བསྒྱུར་ཡོད།

       སྐབས་འདིའི་འགྲན་བསྡུར་ནང་ཞུགས་པའི་དཔུང་ཁག་གི་ཆུ་ཚད་རྒྱུན་མཐུད་ངང་མཐོ་རུ་ཕྱིན་པ་དང་། འགྲན་བསྡུར་གྱི་རྒྱལ་སྤྱིའི་རང་བཞིན་དང་ལྟད་མོ་བའི་རང་བཞིན། ཆེད་ལས་རང་བཞིན་བཅས་མངོན་གསལ་གྱིས་མཐོ་རུ་ཕྱིན་ཡོད་པ་རེད། འགྲན་བསྡུར་ལམ་ཐིག་ནི་ས་དབྱིབས་དང་ས་དབྱིབས་སྣ་ཚོགས་སྦྲེལ་ནས་སྐྱེ་ཁམས་ཡུལ་སྐོར་གྱི་གནས་མཆོག་མང་པོ་ཞིག་ལ་ཁྱབ་ཡོད་པ་མ་ཟད། མི་རིགས་རང་སྐྱོང་ས་ཁུལ་མང་པོ་བརྒྱུད་ཡོད་པ་རེད། མཚོ་སྔོན་དྲིལ་བསྒྲགས་བྱེད་པའི་སྐར་ཁུང་གལ་ཆེན་དང་ཀྲུང་གོའི་ལྕགས་རྟའི་ལུས་རྩལ་གྱི་འོད་སྟོང་འཕྲོ་བའི་གསེར་གྱི་མིང་བྱང་ཡིན་པའི་ཆ་ནས་འགྲན་བསྡུར་རྩ་འཛུགས་དང་སྤྱོད་ཚུལ། ཚད་གཞི་བཅས་ཚང་མར་ཆུ་ཚད་ཧ་ཅང་མཐོན་པོ་མངོན་ཡོད་པས། ཞི་ཅིན་ཕིང་གི་སྐྱེ་ཁམས་དཔལ་ཡོན་གྱི་དགོངས་པ་ཁྱོན་ཡོངས་ནས་ལག་བསྟར་དོན་འཁྱོལ་དང་། སྤུས་ལེགས་འགྲན་བསྡུར་སྣ་ཚོགས་ཡག་པོ་སྤེལ་བར་རྩ་ཆེའི་ཉམས་མྱོང་དང་དཔྱད་གཞི་མཁོ་འདོན་བྱས་ཡོད། །