༄༅།།དྲུག་གཅིག་བྱིས་པའི་དུས་ཆེན།

སྤྱི་ཟླ༦པའི་ཚེས༡ཉིན། སྤྱི་ལོ༡༩༣༡ལོར་རྒྱ་ནག་སྲིད་གཞུང་གིས་ཟླ༤བའི་ཚེས༤ཉིན་བྱིས་པའི་དུས་ཆེན་ཡིན་ཞེས་གཏན་འབེབས་བྱས། ཀྲུང་གོ་གསར་བས་ཀྱང་ལོ་ཆུང་བྱིས་པ་རྣམས་རྒྱལ་ཁབ་ཀྱི་འབྱུང་འགྱུར་དང་ཕུགས་རེར་བརྩི་བ་དང་སྤྱི་ཚོགས་ཧྲིལ་བོས་ལོ་ཆུང་བྱིས་པ་ཚོར་འཚོ་བ་དང་། སློབ་སྦྱོང་། བདེ་སྲུང་བཅས་ཀྱི་ཆ་རྐྱེན་ལེགས་པོ་གསར་གཏོད་གནང་ཡོད།
ཡིན་ནའང་འཛམ་གླིང་ཐོག་བྱིས་པ་དུང་ཕྱུར་མང་བོ་བཀྲེས་ལྟོགས་དང་སྡུག་བསྔལ་གྱི་རྒྱ་མཚོའི་ནང་གནས་ཤིང་། འཛམ་གླིང་ཡོངས་ཀྱི་བྱིས་པའི་ཁེ་དབང་སྲུང་སྐྱོང་དང་བྱིས་པའི་འཚོ་བ་ལེགས་བཅོས་ཡོང་བའི་འཐབ་རྩོད་བྱེད་ཆེད། ༡༩༤༩ལོའི་ཟླ༡༡པར་རྒྱལ་སྤྱིའི་དམངས་གཙོ་བུད་མེད་མཉམ་འབྲེལ་ཚོགས་པའི་ལས་འཛིན་མཐུན་ཚོགས་ཀྱིས་ལོ་རེའི་ཟླ༦པའི་ཚེས༡ཉིན་དེ་རྒྱལ་སྤྱིའི་བྱིས་པའི་དུས་ཆེན་དུ་བརྩི་རྒྱུར་གྲོས་ཐག་བཅད།
ལོ་ཆུང་བྱིས་པའི་འབྱོར་མེད་གྲལ་རིམ་རྒྱལ་སྤྱིའི་རིང་ལུགས་ཀྱི་བསམ་བློ་གསོ་སྐྱོང་དང་རྒྱལ་ཁབ་ཁག་གི་ལོ་ཆུང་བྱིས་པའི་བར་གྱི་མཛའ་གྲོགས་ལ་ཤུགས་སྣོན་རྒྱག་ཆེད་རང་རྒྱལ་སྲིད་གཞུང་གིས༡༩༤༩ལོའི་ཟླ༡༢པར་དེ་སྔའི་བཞི་བའི་བྱིས་པའི་དུས་ཆེན་གྱི་ཚབ་དེ་དྲུག་གཅིག་རྒྱལ་སྤྱིའི་བྱིས་པའི་དུས་ཆེན་གྱིས་བྱེད་རྒྱུའི་གཏན་འབེབས་གནང་བ་རེད།