ལྕེ་དམར་རྐན་ལ་བརྡབས་ནས། །གནམ་སའི་ཆགས་རིམ་བཤད། །

        སྤྱི་ཟླ་བདུན་པའི་ཚེས་སོ་གཅིག་ཉིན། མཚོ་སྔོན་རྒྱང་སྒྲོག་བརྙན་འཕྲིན་ཁང་དང་རྨ་ལྷོ་བོད་རིགས་རང་སྐྱོང་ཁུལ་རྩེ་ཁོག་རྫོང་ཏང་ཨུ་དང་རྫོང་མི་དམངས་སྲིད་གཞུང་གིས་གཙོ་སྒྲུབ་བྱས་པ་དང་། མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་རླུང་འཕྲིན་དང་། མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་། མཚོ་སྔོན་ཞིང་ཆེན་མི་རིགས་སྐད་གློག་བརྙན་འཕྲིན་སྒྱུར་སྐྲུན་ལྟེ་གནས། རྩེ་ཁོག་རྫོང་སྲིད་པ་རྒད་པོ་སྲོལ་རྒྱུན་རིག་གནས་དར་སྤེལ་ཚད་ཡོད་སྤྱི་གཉེར་ཁང་བཅས་ཀྱིས་འགན་སྒྲུབ་བྱས་པའི་སྲིད་པ་རྒད་པོ་རྟགས་མའི་བོད་ཀྱི་གཏམ་དཔེ་གདན་ཞུའི་འགྲན་སྡུར་སྐབས་བཞི་བའི་རྟིང་རྩོདའགྲན་སྡུར་སྤེལ་ཞིང་། འགྲན་ཞུགས་པ་བཅོ་བརྒྱད་འགྲན་སྐོར་ལྟར་བརྗོད་གཞི་གདམ་ནས་འགྲན་སྡུར་བྱས་མཐར། དབང་ཆེན་རྡོ་རྗེ། དཔའ་སྲུང་། མགོན་པོ་སྐྱབས། རྒྱལ་མོ། གངས་གྲགས། སློབ་དཔོན་སྐྱབས་སོགས་འགྲན་ཞུགས་པ་དྲུག་མཇུག་མཐའི་རྟིང་རྩོད་དུ་ཚུད་པ་དང་། རྟིང་རྩོད་རིམ་པ་ཆ་ཚང་སྤྱི་ཟླ་བདུན་པའི་ཚེས་སོ་གཅིག་ཉིན་གྱི་སྔ་དྲོར་ཡོངས་སུ་མཇུག་བསྒྲིལ།