དཔའ་རིས་དམངས་གླུའི་བརྒྱུད་ཁྲིད་བསྐྱེད་བསྲིང་ལས་འགུལ་སྤེལ།

༄༅། །བུད་མེད་དུས་ཆེན་སྙན་མོའི་དབྱངས་ཀྱིས་བསུ། །དམངས་སེམས་གཅིག་སྒྲིལ་གྱིས་བདེ་འཇགས་སྲུང་ཞེས་པའི་རྒྱལ་ཁབ་རིམ་པའི་རྫས་མིན་ཤུལ་བཞག་རིག་གནས་དཔའ་རིས་དམངས་གླུའི་བརྒྱུད་ཁྲིད་བསྐྱེད་བསྲིང་ལས་འགུལ་སྤེལ།
 

       དཔྱིད་ཀྱི་ཁ་བ་ནོར་འཛིན་གྱི་པང་བར་འཁྱུད་ནས་འཐིམ་ཞིང་། འཛིན་མའི་ཁྱོན་ལ་ཚེ་སྲོག་གི་མྱུ་གུ་གསར་བ་སྦྱིན་པའི་སྐལ་བཟང་གི་ཉིན་མོ་སྟེ། སྤྱི་ལོ2024ལོའི་ཟླ3པའི་ཚེས6ལ། དཔའ་རིས་བོད་རང་སྐྱོང་རྫོང་བོད་སྐད་ཡིག་ཁྲིད་སྟོན་ལྟེ་བས་དུས་ཆེན་སྙན་མོའི་དབྱངས་ཀྱིས་བསུས་ཏེ་དམངས་སེམས་གཅིག་སྒྲིལ་གྱིས་བདེ་འཇགས་སྲུང་ཞེས་པའི་རྒྱལ་ཁབ་རིམ་པའི་རྫས་མིན་ཤུལ་བཞག་རིག་གནས་དཔའ་རིས་དམངས་གླུའི་བརྒྱུད་ཁྲིད་བསྐྱེད་བསྲིང་ལས་འགུལ་དཔའ་རིས་རྫོང་དཔའ་རིས་དམངས་གླུའི་བརྒྱུད་ཁྲིད་ཁང་ནས་སྤེལ།

       ལས་འགུལ་ཁྲོད། ཀྲུང་ཧྭ་མི་རིགས་ཀྱི་ཐུན་མོང་འདུ་ཤེས་བརྟན་པོ་འཛུགས་པ་དང་མི་རིགས་མཐུན་སྒྲིལ་ཡར་བསྐྱེད་བྱ་བ་རྒྱུན་མཐུད་གཏིང་ཟབ། ཀྲུང་ཧྭ་མི་རིགས་ཀྱི་ཐུན་མོང་བསམ་པའི་དཔལ་ཡོན་གྱི་ཁྱིམ་གཞིས་སྙུགས་བསྲིང་ནས་འཛུགས་སྐྲུན་བྱ་རྒྱུ་བརྗོད་གནད་དུ་བཟུང་ཡོད། ལས་འགུལ་ཡོངས་ལས་རིམ་བཞིར་བགོས་ཡོད་པ་དང་། ཐོག་མར་ལས་ཁུངས་མགོ་འཛིན་གྱིས་ལོ་འདི་དག་རིང་རྒྱལ་ཁབ་རིམ་པའི་རྫས་མིན་ཤུལ་བཞག་རིག་གནས་དཔའ་རིས་དམངས་གླུའི་ལས་གཞིའི་གྲུབ་འབྲས་དང་མ་འོངས་པའི་སྲུང་སྐྱོབ་ཀྱི་བྱ་བའི་ཁ་ཕྱོགས་མཛུབ་སྟོན་གནང་།

       དེ་ནས་ལས་ཁུངས་ཀྱི་ལས་བྱེད་མི་སྣའི་འཐུས་ཚབ་ཀྱིས་ཀྲུང་ཧྭ་མི་རིགས་ཀྱི་ཐུན་མོང་བསམ་པའི་དཔལ་ཡོན་གྱི་ཁྱིམ་གཞིས་རྒྱུན་མཐུད་ནས་འཛུགས་སྐྲུན་བྱེད་པ་གལ་འགངས་ཆེ་རྐྱེན་དང་། དཔའ་རིས་དམངས་གླུའི་སྲུང་སྐྱོབ་སྐོར་གྱི་བགྲོ་གླེང་སྤེལ་བ་དང་། དཔའ་རིས་དམངས་སྲོལ་མཁས་པ་རྒན་དབང་གྲགས་ལགས་ཀྱིས་དཔའ་རིས་དམངས་གླུའི་ཚིག་གི་ཁུངས་སྙེག་དང་། ཚིག་གི་དབྱེ་བ། མཚོན་དོན་སོགས་ཕྱོགས་མི་འདྲ་བའི་ཁུངས་སྣེ་འགའ་གཞིར་བཟུང་སྟེ་རྒྱུན་འཛིན་ཁྱབ་སྤེལ་བྱེད་དགོས་པའི་འཆད་ཁྲིད་གནངས་བ། དཔའ་རིས་དམངས་སྲོལ་རྒྱུན་འཛིན་པས་དཔའ་རིས་དམངས་གླུའི་མཚོན་པའི་གླུ་ཡི་ཚིག་དང་དབྱངས་རྟ། སྐད་གདངས་འགུག་ལུགས་སོགས་རིགས་མི་འདྲ་བ་དུ་མ་བརྒྱུད་ཁྲིད་བྱས་པ། དེ་མིན་དཔའ་རིས་ཡུལ་གྲུ་འདིར་ས་སྐྱེས་རྡོ་སྐྱེས་ཀྱི་རྩེད་རིག་ལྔ་བརྒྱུད་ཁྲིད་དང་གྲོང་ཁྱེར་རིམ་པའི་རྫས་མིན་ཤུལ་བཞག་རིག་གནས་དཔའ་རིས་བཤད་པ་ཡང་མ་ཉམས་གོང་སྤེལ་གྱི་ཚུལ་དུ་ཚོགས་སུ་བཀྲམས་པའོ། །

       ད་ཐེངས་ཀྱི་ལས་འགུལ་འདི་བརྒྱུད་དེ། དཔའ་རིས་རྫོང་གིས་རྫས་མིན་ཤུལ་བཞག་རིག་གནས་སྲུང་སྐྱོང་དང་དམངས་གླུ་ངག་གི་དབྱངས་རྟར་བཀུག དཔའ་རིས་བཤད་པ་ཚིག་གི་སྡེབ་སྦྱོར་སྦྱར་ཏེ། རིག་གནས་རྒྱུན་འཛིན་དང་དམངས་སེམས་གཅིག་སྒྲིལ། རྣམ་པ་མི་འདྲ་བའི་བརྒྱུད་ཁྲིད་ལས་འགུལ་གྱིས་དམངས་ཀྱི་བསམ་པའི་དཔལ་ཡོན་གྱི་རིག་གནས་འཚོ་བ་ཕུན་སུམ་ཇེ་ཚོགས་དང་། རིགས་སོ་སོའི་དམངས་ཀྱི་ཤུལ་བཞག་རིག་གནས་ཀྱི་བྱང་ཚད་བསྟུད་དེ་ཇེ་མཐོར་འགྲོ་བ། རིགས་སོ་སོའི་མི་དམངས་ཀྱི་བསམ་པའི་དཔལ་ཡོན་གྱི་རིག་གནས་དང་རིག་གནས་ལ་དུང་ཞེན་སོགས་གསོ་སྐྱོང་གོང་སྤེལ་བྱ་རྒྱུ་དེའོ། །