༄༅།།2020ལོའི་རྨ་ལྷོ་ཁུལ་མི་རིགས་རྒྱན་གོས་ཇུས་འགོད་འགྲན་བསྡུར་ཆེན་མོ་སྤེལ།
རྩོམ་པ་པོ།：ཚེ་རིང་ལྷ་མོས་བསྒྱུར།
ཡོང་ཁུངས།：རྨ་ལྷོ་བོད་ཡིག་ཚགས་པར།
དུས་ཚོད།：2020-10-23
ཀློག་གྲངས།：
ཉེ་ལམ།“རིག་གནས་ཀྱི་རྩལ་བརྒྱ་བཏོན་ནས་འཇོན་མིའི་ལྟ་བ་གསར་པ་འཛུགས”ཞེས་པ་བརྗོད་དོན་ཡིན་པའི2020ལོའི་རྨ་ལྷོ་ཁུལ་མི་རིགས་རྒྱན་གོས་ཇུས་འགོད་འགྲན་བསྡུར་ཆེན་མོ་གནས་མཆོག་ཁམས་ར་རུ་སྤེལ། ཁུལ་ཡོངས་ཀྱི་མི་རིགས་རྒྱན་གོས་ཇུས་འགོད་ཚོགས་པ12དང་གཟུགས་མཛེས་མོ་ཐྲོལ110རེབ་འདིའི་འགྲན་བསྡུར་ལ་ཞུགས་ཡོད་པ་དང་། མི་རིགས་ཀྱི་ཁྱད་ཆོས་ཕུན་སུམ་ཚོགས་པའི་སྤུས་བཟང་རྒྱན་གོས120ལྷགＴསྟེགས་སུ་ཤོམ་འགྲོ་ངོམ་སྟོན་སྒོས་གནའ་དེང་མཉམ་འདུས་ཀྱི་མིག་གི་གསོལ་སྟོན་ཐེངས་ཤིག་བཤམས་ལ། རྨ་ལྷོའི་སྣ་མང་ཕུན་ཚོགས་ཀྱི་མི་རིགས་ཀྱི་ཁྱད་ཆོས་ལྡན་པའི་རྒྱན་གོས་འགྲེམ་སྟོན་བྱས་ཏེ། རིག་གནས་གསར་གཏོད་ཀྱི་གསོན་ཤུགས་བསླངས། ཐེངས་འདིའི་བྱ་འགུལ་གྱི་དམིགས་ཡུལ་ནི་རང་ཁུལ་གྱི་ཕུལ་དུ་བྱུང་བའི་མི་རིགས་ཀྱི་རིག་གནས་སྔར་ལས་རྒྱུན་འཛིན་དར་སྤེལ་དང་འགྲེམ་སྟོན་བྱེད་པ་དང་། རིག་གནས་ཡུལ་སྐོར་གྱི་ཐོན་ཁུངས་ཟབ་སྔོག་བྱས་ནས། རིག་གནས་ཡུལ་སྐོར་མཉམ་བསྲེས་འཕེལ་རྒྱས་ལ་སྐུལ་འདེད་གཏོང་བ་དང་མཉམ་དུ། རང་ཁུལ་གྱི་མི་རིགས་རྒྱན་གོས་ཀྱི་ཁེ་ལས་དང་ཇུས་འགོད་མི་སྣ་ལ་གསར་གཏོད་ཇུས་འགོད་དང་ཕན་ཚུན་བརྗེ་རེས་མཐུན་སྦྱོར་བྱེད་པ། ཟོང་རྟགས་གྲགས་ཅན་གྱི་སྣང་བརྙན་འཛུགས་པའི་སྟེགས་བུ་བསྐྲུན་ཆེད་ཡིན་ལ། རང་ཁུལ་གྱི་འགྲན་ཞུགས་པ་རྣམས་ལ་རང་ཉིད་ལས་བརྒལ་ཞིང་ཕུགས་འདུན་མངོན་འགྱུར་བྱེད་པའི་གར་སྟེགས་བསྐྲུན་ཆེད་ཀྱང་ཡིན་པ་རེད། འགྲན་བསྡུར་ལ་ཡུལ་ཁོངས་ཀྱི་ཁྱད་ཆོས་དང་གསར་གཏོད་གསར་སྐྲུན། སྤྱིའི་ཉམས་སྣང་། རྒྱུན་འཛིན་དར་སྤེལ། ཁྲོམ་ར་རྒྱ་སྐྱེད་པ་བཅས་འབུར་དུ་བཏོད་ནས། སྲོལ་རྒྱུན་གྱི་མི་རིགས་རྒྱན་གོས་དང་དེང་རབས་ཀྱི་མཛེས་དཔྱོད་མཉམ་སྡེབ་འཕེལ་རྒྱས་ཡོང་བར་སྐུལ་འདེད་བཏང་། འགྲན་ཞུགས་བརྩམས་ཆོས་ཚང་མ་རང་ཁུལ་གྱི་ཁེ་ལས་སོ་སོའི་ཇུས་འགོད་པའི་བརྩམས་ཆོས་ཤ་སྟག་ཡིན་ལ། གབ་མཚོན་གྱི་བྲོ་བ་དང་གཟུགས་དབྱིབས། སྲོལ་རྒྱུན། གསར་གཏོད། བདེ་ཐང་སོགས་ཀྱི་རྒྱུ་རྐྱེན་མང་དུ་འདུས་ཤིང་། ལག་རྩལ་གྱི་ཁྱད་ཆོས་དང་ལག་རྩལ་གྱི་རྒྱུན་འཛིན། ལག་རྩལ་གྱི་ཆུ་ཚད་སོགས་རིག་གནས་ཀྱི་ཁྱད་ཆོས་ཁྱོན་ཡོངས་ནས་འགྲེམ་སྟོན་བྱས།
རེབ་འདིའི་འགྲན་བསྡུར་ཧྲིལ་བོ་མི་སྒེར་གྱི་འགྲན་བསྡུར་དང་ཚོགས་པའི་འགྲན་བསྡུར། གཟུགས་མཛེས་མོ་ཐྲོལ་གྱི་འཁྲབ་སྟོན་འགྲན་བསྡུར་བཅས་ཀྱི་རྣམ་པས་སྤེལ་བར་མཚོ་སྔོན་གསར་འགྱུར་དྲ་བ་སོགས་སུ་ཐད་གཏོང་བྱས། གཞན་ད་དུང་འགྲན་བསྡུར་གྱི་བར་གསེང་དུ་གླུ་བ་གླུ་མ་གྲགས་ཅན་གདན་ཞུ་བྱས་ཏེ་འཁྲབ་སྟོན་བྱེད་དུ་བཅུག་པ་དང་གཟུགས་མཛེས་མོ་ཐྲོལ་གྲགས་ཅན་ཤོམ་འགྲོ་བྱེད་པའི་ལྟད་མོའི་རྣམ་པ་བརྒྱུད་དྲིལ་སྒྲོག་ཁྱབ་སྤེལ་བྱས་པ་ལ་ས་གནས་མང་ཚོགས་དང་ཕྱོགས་ཀྱི་ལྟད་མོ་བ། ཐད་གཏོང་ལ་གཟིགས་ཀྱིན་པའི་དྲ་དམངས་ཡོངས་ཀྱི་དགའ་བསུ་ཚད་མེད་ཐོབ།
རྨ་ལྷོའི་མི་རིགས་རྒྱན་གོས་ནི་ཁུལ་རིམ་པའི་གཟུགས་མེད་རིག་གནས་ཤུལ་བཞག་གི་ལས་གཞིའི་རྣམ་གྲངས་ཡིན་པའི་ཆ་ནས། རང་ཁུལ་གྱིས་གཟུགས་མེད་རིག་གནས་ཤུལ་བཞག་གི་ཐོན་ཁུངས་ལེགས་པར་སྤྱད་དེ། རྨ་ལྷོའི་མི་རིགས་རྒྱན་གོས་ཇུས་འགོད་འགྲན་བསྡུར་ཆེན་མོ་སྐབས་དང་པོ་སྤེལ་བར་མ་ཟད། ཁམས་རའི“གཡང་མདའ”རྟགས་མའི་མདའ་འཕེན་གདན་ཞུའི་འགྲན་བསྡུར་དང“གཟུགས་མེད་རིག་གནས་ཤུལ་བཞག་ལྗོངས་ཁུལ་དུ་འདྲེན་པའི”བྱ་འགུལ་རབས་དང་རིམ་པའི་ཁྲོད་དུ་བཅུག་ནས། མི་རིགས་རིག་གནས་ཀྱི་ཐོན་ཁུངས་དགེ་མཚན་དེ་དཔལ་འབྱོར་གྱི་དགེ་མཚན་དུ་བསྒྱུར་བ་དང་། རྨ་ལྷོའི་མི་རིགས་རིག་གནས་ཀྱི་ཟོང་རྟགས་ཇེ་རྒྱས་སུ་བཏང་ལ། “ཁུལ་གསུམ་འཛུགས་སྐྲུན”གྱི་འཐབ་ཇུས་དམིགས་འབེན་ལ་སྐུལ་སྤེལ་གཏིང་ཟབ་བྱས་ཏེ། རང་ཁུལ་གྱི་དཔལ་འབྱོར་སྤྱི་ཚོགས་ལེགས་ཤིང་མགྱོགས་པའི་སྒོ་ནས་འཕེལ་རྒྱས་སུ་འགྲོ་བར་ཕྱར་བ་གྲུ་འདེགས་ཀྱི་དགེ་མཚན་ཐོན་ཐུབ་ཡོད་པ་རེད།
འབྲེལ་ཡོད་འོས་སྦྱོར།
