༄༅། །འཁུར་བ་དང་གོ་རེའི་སྐོར།
རྩོམ་པ་པོ།：བོང་སྟག་པ་ཕུན་ཚོགས
ཡོང་ཁུངས།：མཚོ་སྔོན་པོ་དྲ་བ།
དུས་ཚོད།：2008-05-25
ཀློག་གྲངས།：
བོད་མིའི་བཟའ་བའི་གོ་རེའམ་བག་ལེབ་ལ་རིགས་ཧ་ཅང་མང་སྟེ། ཨོང་བའམ་ར་ལུག་གི་རིལ་མའི་མེ་ཐལ་ནང་བསྲེགས་པའི་ཐལ་གོར་དང༌། སའི་བོང་བ་མེའི་ནུར་མའི་ནང་བསྲེགས་པའི་གོ་རེ། སླ་ངའི་ནང་བསྲེག་པའི་འཁུར་བའམ་སྐྱ་སྲབ། གནག་དང་བ་ཕྱུགས་ཀྱི་སྤྲི་གསར་ལས་བཟོས་པའི་སྤྲི་གོར། རླངས་བཙོས་བྱས་པའི་མོག་མོག གཡིས་དང་མར་གྱི་ནང་དུ་བཙོས་པའི་ཨ་མདོ་ཕྱོགས་ཀྱི་རྡེའུ་ཕྲུག་དང་དབུས་གཙང་ཕྱོགས་ཀྱི་སྲང་གང་བག་ལེབ་སོགས་གཡིས་གོར་རིགས་མང་པོ་ཡོད། གོ་རེའི་ཆེ་ཆུང་དང་སྲབ་མཐུག་ཀྱང་འདྲ་མིན་སྣ་ཚོགས་ཡོད་དེ། གོ་རེ་ཆེ་བ་ལ་གོར་མོ་ཆེ་ཞེས་བྱ་སྟེ་གྲོ་ཕྱེ་རྒྱ་མ་ལྔ་བརྒྱ་ལྷག་གིས་གོ་རེ་གཅིག་བཟོས་པ་ཡོད་པ་དང་གོ་རེ་ཆུང་བ་ལ་སྲན་སེར་གྱི་རྡོག་མ་ཙམ་ལས་མེད།
སྤྲི་གོར་ནི་མོ་ཕྱུགས་འབྲིའམ་ར་མ་སོགས་རྩེབས་ནས་ཉིན་ཤས་རང་གི་འོ་མ་དང་པོ་མདོག་ངུར་སེར་ཅན་གྱི་ནང་དུ་ཕྱེ་བརྫིས་ནས་བཟོས་པ་ཞིག་ཡིན་ཞིང༌། མདོག་ཡག་ལ་བྲོ་བ་ལྡན་པ་ཞིག་ཡིན། གཞན་ད་རུང་གོ་རེ་ཙི་རུ་དང་གོ་རེ་གཡག་རྭ། གོ་རེ་བྱ་བྱ་སོགས་ཀྱང་ཡོད།
སྤྲི་གོར་ནི་མོ་ཕྱུགས་འབྲིའམ་ར་མ་སོགས་རྩེབས་ནས་ཉིན་ཤས་རང་གི་འོ་མ་དང་པོ་མདོག་ངུར་སེར་ཅན་གྱི་ནང་དུ་ཕྱེ་བརྫིས་ནས་བཟོས་པ་ཞིག་ཡིན་ཞིང༌། མདོག་ཡག་ལ་བྲོ་བ་ལྡན་པ་ཞིག་ཡིན། གཞན་ད་རུང་གོ་རེ་ཙི་རུ་དང་གོ་རེ་གཡག་རྭ། གོ་རེ་བྱ་བྱ་སོགས་ཀྱང་ཡོད།
འབྲེལ་ཡོད་འོས་སྦྱོར།
