ཚེ་ཐར་གགཏོང་བའི་ལུགས་སྲོལ།

  འབྲོག་པའི་སྒོ་ཕྱུགས་ཀྱི་ནང་དུ“ཚེ་ཐར”ཞེས་བྱ་བའི་འབྲི་གཡག་དང་ལུག་སོགས་རྣམ་ཚར་ལྡན་པ་དུ་མ་འདུག་ཅིང་།  དེ་དག་ནི་སྲོག་འཕྲོག་པའི་འཇིགས་པ་ལས་ཐར་བའི་སྒོ་ནོར་དག་ཡིན་པ་རེད།  དེ་ཡང་འབྲོག་མི་ཚོས་ནམ་རྒྱུན་དུ་ཚེ་རིང་པོ་བྱུང་བའི་ཆཆེད་དུ་སྒོ་ཕྱུགས་མང་པོ་ཚེ་ཐར་ལ་གཏོང་སྲོལ་ཡོད་པ་དང་།  ཁྱད་པར་དུ་ནང་མི་འགའ་ཞིག་གི་ཚེ་ལ་བར་ཆད་འབྭང་ཉེན་ཆེ་བའི་ན་ཚ་སོགས་བྱུང་བའི་ཚེ་སྒོ་ཕྱུགས་དུ་མ་ཚེ་ཐར་ལ་གཏོང་སྲོལ་ཡོད་པ་རེད།  ཚེ་ཐར་གཏོང་ཚུལ་ནི།  གཡག་དང་ལུག་སོགས་ཚེ་ཐར་གཏོང་བྱ་གང་ཡིན་དེ་རང་རང་གི་བླ་མཆོད་ཀྱི་དྲུང་དུ་ཁྲིད་དེ་ཚེ་ཐར་གནང་རོགས་ཞེས་ཞུས་དགོས་ཤིང་།  བློ་མཆོད་དེས་མགོན་པོ་ཚེ་དཔགམེད་ཀྱི་མཚན་གཟུངས་དུད་འགྲོ་དེའི་རྣ་བར་བསྒྲགས་ཏེ།  དུས་དེ་ནས་བཟུང་སེམས་ཅན་དེ་སྲོག་འཕྲོག་པའི་འཇིགས་པ་ལས་གྲོལ་བ་ཡིན་པ་དང་།  དེའི་བདེན་མཐུ་ལ་བརྟེན་ནས་སྤྱིན་པའི་བདག་པོའི་ཚེ་གེགས་ཀྱི་བར་ཆད་མཐའ་དག་ཞི་ཞིང་།  ཚེ་བསོད་རྒྱས་པ་དང་།  སབྱིན་བདག་དང་དུད་འགྲོ་བཅས་མཐར་ཐུག་མངོན་མཐོ་དང་ངེས་ལེགས་ཀྱི་གོ་འཕང་འཐོབ་པའི་སྨོན་ལམ་དང་ཤིས་བརྗོད་མང་དུ་མཛད་མཐར“ཚེ་སྐུད”ཅེས་པར་རས་སྣའམ་བལ་སྐུད་གང་རུང་མཚོན་དམར་ཅན་གྱི་རྣ་ཚར་ཞིག་གནང་བ་རེད།