བོད་ཀྱི་གཏམ་དཔེ་འདི་དག་གི་བསྟན་དོན་ཁྱེད་ཀྱིས་ཤེས་ཀྱི་ཡོད་དམ།

1.བདེན་རྫུན་བརྟགས་ནས་མ་བྱས་ན། ཕོ་གསར་ངར་དེ་ཁྱི་ངར་ཡིན།
        བསྟན་དོན། ཉམས་མྱོང་མེད་པའི་ང་རྒྱལ་ཆེ་བ་ནི་རང་ཕམ་པའི་གཞི།
2.གྲོས་མགོ་ཤེས་རབ་ཅན་གྱིས་རྩོམ། གྲོས་ཐག་བསོད་ནམས་ཅན་གྱིས་བཅད།
        བསྟན་དོན། བྱ་བ་ཞིག་རྩོམ་པར་ཤེས་རབ་དང་ལས་བསོད་གཉིས་འཛོམ་དགོས་པ།
3.གཏམ་དང་རལ་གྲི་གཉིས་པོ་འདི། རྩེ་ནས་མི་འཆང་ཡུ་ནས་འཆང་།
        བསྟན་དོན། བྱ་ལུགས་བྱེད་སྟངས་མ་ནོར་བ་དགོས་པའམ་ཡང་ན་གཏམ་གྱི་ཕུགས་དང་རྩ་བ་དེད་ནས་ཤུགས་ཀྱི་དོན་རྟོགས་དགོས།
4.ལྷ་ཁང་རྙིང་པ་ལ། གནས་བཤད་གསར་པ།
        བསྟན་དོན། དོན་དངོས་ལས་ལྡོག་པའི་གཏམ་འཆལ་བཤད་པ།
5.ཤིག་གསོད་པར་སྟ་རེ་འཕྱར་མི་དགོས། འབུ་གསོད་པར་ཐོ་བ་འཕྱར་མི་དགོས། 
        བསྟན་དོན། དོན་ཆུང་ཐག་གཅོད་པར་གྲགས་འགུལ་ཆེན་པོ་བྱ་མི་དགོས་པ།
6.ཐུགས་ཆུང་ཆུང་ཐུགས་གཡེང་མ་གནང་དང་། རྡོ་ཆུང་ཆུང་ལྷགས་པས་འཁྱེར་དོགས་མེད།
        བསྟན་དོན། དགོས་མེད་ཀྱི་སེམས་ཁྲལ་བྱེད་མི་དགོས།
7.རྟ་རྒྱུད་ཅན་གྱི་རྟེའུ། མི་རྒྱུད་ཅན་གྱི་ཚ་བོ། (ཕ་བཟང་ཞིག་གི་བུ། གཡག་བཟང་ཞིག་གི་ཀོ་བ)
        བསྟན་དོན། མི་རྒྱུད་བཟང་ལ་གཞུང་དྲང་བའི་བུ་རྒྱུད།
8.སྤྲང་ཁྱི་ཐོག་ཁར་བཏགས་པས་ནམ་མཁའི་སྐར་མར་རྨུག་གིས། དམ་བི་ཉི་མར་བསྲོས་པས་ཁ་ལས་ཞབས་ར་མཐོ་བ། བོང་བུ་ཆག་གིས་གསོས་པས་རྟ་ལ་ཕྲ་རྐང་གཏོང་གིས།
        བསྟན་དོན། ངན་པ་མཐོ་སར་སླེབས་པའམ་བྱམས་ཀྱིས་བསྐྱངས་པས་མི་བྱེད་རྒུ་བྱེད་བྱེད་པ།
9.གཉོམ་ཆུང་འདུག་ཤེས་ན། བཙན་པོ་སྒུལ་མི་ཚུགས།
        བསྟན་དོན། ཚུལ་ཁྲིམས་ལེགས་པར་སྲུང་དགོས་པ།
10.རང་དོན་ངན་པ་ཕུགས་སུ་བཅུག གཞན་དོན་སྨིན་མ་གཟེངས་གཟེངས་བྱས།
        བསྟན་དོན། རང་སྐྱོན་མི་མཐོང་བར་གཞན་སྐྱོན་ཁོ་ན་འཚོལ་བ།