ཏུན་ཧོང་ཡིག་རྙིང་དུ་ཁྲི་ཀ་ཞེས་པའི་མིང་འགོད་སྟངས།
ཏུན་ཧོང་ཡིག་རྙིང་དུ་ཁྲི་ཀ་ཞེས་པའི་མིང་འགོད་སྟངས།
ཏུན་ཧོང་ཡིག་རྙིང་དུ་ཁྲི་ཀ་ཞེས་པའི་མིང་འགོད་སྟངས།
ཏུན་ཧོང་ཡིག་རྙིང་དུ་ཁྲི་ཀ་ཞེས་པའི་མིང་འགོད་སྟངས།
ཁྲི་ཀ་ནི་མཚོ་སྔོན་ཁྲི་ཤོར་རྒྱལ་མོའི་ལྷོ་ཕྱོགས་སུ་གནས་པའི་མཚོ་ལྷོ་བོད་རིགས་རང་སྐྱོང་ཁུལ་གྱི་ཁོངས་སུ་གཏོགས་ཤིང་། ཆུ་བོ་ཆེན་པོ་གསེར་གྱི་མངལ་ལྡན་ཏེ་རྨ་ཀླུང་རིང་མོ་ས་དབྱིབས་ནོར་བུ་དགའ་འཁྱིལ་ལྟ་བུ་ལ་གཡས་སུ་ཕྱི་སྐོར་ནང་སྐོར་དུ་འབབ་པའི་ཁུགས་པའི་ནང་ངོས་སུ་ཆགས་ཡོད་ལ།ཡུལ་དེར་ཁྲི་ཀ་ཞེས་འབོད་པའི་ས་མིང་འདི་ཏུན་ཧོང་གཏེར་ཡིག་གི་ཤོག་དྲིལP.T.996དུ་མཐོང་ཐུབ་པར་མ་ཟད། ཁྲི་ཀའི་ཡུལ་གྱི་མོང་ཡོག་དང་ང་ཙེའི་གཙུག་ལག་ཁང་། སྲིན་པོ་རི། ཁྲི་ཀ་མཁར་ཞེས་པའི་ས་མིང་གལ་ཆེན་འགའ་ཡང་མཐོང་རྒྱུ་ཡོད་དོ། །
འདིར་ཏུན་ཧོང་གཏེར་ཡིག་ཏུ་ཁྲི་ག་ཞེས་བཀོད་ཡོད་པའི་ཤོག་དྲིལ་འགའ་མདོ་ཙམ་བཀོད་ན།
༄།།ཐེག་པ་ཆེན་པོ་རྣམ་པར་མྱྀ་རྟོག་པར་བསྒོམ་པའི་ལས་འདྀ་། མདོར་བཏུས་ཏེ་བསྟན་པ་ཡང་། དགེ་སློང་སྤུག་ཡེ་ཤེས་དབྱངས་དང་པོ། རྒྱལ་པོ་མྱེས་ཀྱྀ་རྀང་ལ་རབ་ཏུ་བྱུང་ནས་། ཆོས་གྲར་ཆོས་བསླབས་ཏེ། དགེ་བའྀ་བཤེས་ཉེན་གྱྀ་ལུང་དང་མན་ངག་དང་། རང་གྀ་ཉམས་སུ་ལྡན་པ་ལ་བརྟེན་ནས། དགོན་པར་བྱུང་སྟེ། ལོ་ལྔ་བཅུ་ལྷག་ཅྀག་གྀ་བར་དུ་མྱྀ་གནས་མྱྀ་རྟོག་པའི་ཚུལ་དུ་བསྒོམས་པ་ལས། མྱྀ་གནས་པའྀ་དོན་ལ་ཡང་ཡྀད་ཆེས་། ངེས་པའི་དོན་གི་མདོ་སྡེ་རྣམས་ཀྱང་བརྡའ་མཇལ་ནས། དགེ་བའྀ་བཤེས་ཉེན་རྣམས་ཀྱྀ་ལུང་དང་མན་ངག་དང་། བདག་ཉྀད་སྒོམ་པ་དང་ཡང་སྟུན་ནས། རྒྱ་གར་དང། རྒྱ་དང་། བོད་ཀྱྀ་བསམ་གཏན་མཁན་ཉམས་ཅན་རྣམས་ཀྱྀ་ལུང་དང་། མན་ངག་དང་། དེ་དག་གྀ་དོན་དང་། ཐེག་པ་ཆེན་པོའི་མདོ་སྡེ་ངེས་པའྀ་དོན་དུ་གསུངས་པ་རྣམས་ཀྱྀ་ཁུངས་དང་ཡང་གཏུགས་ནས་། ཐེ་ཙོམ་དུ་ཞུས་པའི་ལེའུ་བརྒྱ་ཅུ་རྩ་བརྒྱད་དང་། མདོ་སྡེ་བརྒྱད་ཅུའྀ་ཁུངས་ནས། ཐེ་ཙོམ་ལེའུ་རེ་རེ་ལ་ཡང་། ཁུངས་མདོ་སྡེའྀ་དོན་གཉྀས་གཉྀས་གསུམ་གསུམ་གྀས་བསྟན་ཏེ། དེ་ཡང་དུས་གསུམ་གྀ་སངས་རྒྱས་ཀྱྀས་། ཐེག་པ་ཆེན་པོ་སྒོ་གཅིག་གྀས་། མྱེ་ངན་ལས་འདས་པར་གསུངས་ན། སངས་རྒྱས་ཤག་ཀྱ་ཐུབ་པ་མྱ་ངན་ལས་འདས་ནས། ལོ་ལྔ་བརྒྱའ་གསུམ་པ་ལ་དོན་དམ་པ་རོ་གཅྀག་པའྀ་ཆོས་ནྀ་མྱི་སྒོམ། ཚྀག་དང་ཡྀ་གེ་ཙམ་ལ་ཞུགས་ནས། འཐབ་ཅིང་བརྩོད་པ་སྐྱེས་ནས། སྡེ་ལྔར་གྱེས་སོ་ཞེས་འབྱུང་བས། དེ་བས་ན་། ཐེག་པ་ཆེན་པོའྀ་དོན་དམྱྀགས་སུ་མྱེད་པ། ཚུལ་གཅྀག་པའྀ་དོན་ཅྀ་ལྟ་བུ་ཡྀན་པ། དགེ་བའྀ་བཤེས་ཉེན་མང་པོའི་མན་ངག་དང་། མདོ་སྡེ་ཟབ་མོའྀ་ཁུངས་དང་གཏུགས་ནས། མ་ནོར་བར་བསྟན་པ་དེ་ཡང་། མྱྀ་རྣམ་གསུམ་ལ་ཕན་གདགས་པའྀ་ཕྱྀར། མགོ་ནས་བཞུག་དུ་དོན་རྣམ་པ་ལྔ་ཞྀག་གྀས་བསྟན་ཏེ། དེ་ཡང་ཐེག་པ་ཆེན་པོ་ཚུལ་གཅྀག་པ་དང་། ཚུལ་གཅྀག་པའྀ་རང་བཞྀན་དང་། དེ་བསྒོམ་བའྀ་ཐབས་དང་། ཚུལ་གཅྀག་པ་མ་རྟོགས་པའྀ་སྐྱོན་དང་། དེ་བསྒོམས་པའྀ་ཡོན་ཏན་དང་། དེའྀ་འབྲས་བུ་སྐུ་གསུམ་དང་། མྱ་ངན་ལས་འདས་པ་དང་ལྔ་འོ། འདིའི་དོན་ཡང་འདི་ཉམས་སུ་བླངས་ཏེ། མ་བསྒོམས་པར་ཚྀག་གྀས་མཇལ་པར་ཡང་དཀའ་སྟེ། བསྒོམས་ཏེ་ཉམས་དང་ལྡན་ན། འདྀའྀ་དོན་མ་བཤད་པར་ཡང་རང་མཇལ་པའྀ་རྀགས། འདྀ་བསྡུས་པའྀ་བསམ་གཏན་གི་མཁན་པོ་། སྤུག་ཡེ་ཤེས་དབྱངས་ལོ་བརྒྱད་ཅུ་ལོན་ཏེ། རྟ་འྀ་ལོའི་སྟོན་སླ་ར་བ་ཚེས་བརྒྱད་ལ། ཁྲྀ་ག་མོང་ཡོག་མདའ་ན། ཚྀག་ཙ་ནམ་ཀའྀ་སྙྀང་པོའྀ་དབེན་སར་། སྔ་དྲོ་མ་ཡོས་བཞྀན་དུ་ཚེ་འདས་ཏེ། སླད་ཀྱྀས་སློབ་མ་རྣམས་ཀྱིས་ང་ཙེའྀ་གཙུག་ལག་ཁང་དུ་བསོད་ནམས་བགྱྀས་ནས། སྤུར་ཨན་ཅུང་དབེན་སར་འཁོར་དུ་ཡུལ་མྱྀ་རྣམས་ཀྱྀས་པན་གདུགས་ཀྱྀས་དྲངས་ཏེ་བསྐྱལ་པའི་ཚེ། ཁྲྀ་ག་མཁར་གོང་དུ་། སྟེང་གྀ་ནམ་ཀ་ལ་སྤྲྀན་མཚོན་སྔ་ལྔ་བྱུང་བ་ཡང་། ཡུལ་མྱྀ་དང་ཕྱུགས་རྫྀ་ཐམས་ཅད་ཀྱྀས་མཐོང་། ཨན་ཅུང་འཁོར་དུ་སྤུར་སྐྱེལ་བ། དགེ་སློང་འབྲོ་ཤག་ཀྱ་ལས་སྩོགས་པ་བསྐྱལ་པའྀ་ཚེ། སྲྀན་པོ་རྀ་འི་རྩེར་ཕྱྀན་པ་དང་། ནམ་ཀའྀ་ལས་མཚོན་སྤྲྀན་སྣ་ལྔ་སྨུག་པར་ཆགས་ཏེ། ཨན་ཆུང་དབེན་སར་ཕྱྀན་གྀ་བར་དུ་ནམ་ཀ་ལ་རྀ་རྩེར་ཕྱྀན་ཕྱྀན་གྀ་བར་དུ་གདའ།
