༄༅།།མིའི་རིགས་ཕལ་ཆེར་ཤར་ལྷོའི་ལམ་ཐིག་བརྒྱུད་ནས་མདོ་དབུས་མཐོ་སྒང་ལ་ཐོན།
རྩོམ་པ་པོ།：མི་གསལ།
ཡོང་ཁུངས།：འཛམ་གླིང་ཡང་རྩེའི་ཚན་སྤེལ་སྐད་འཕྲིན་སྤྱི་སྟེགས།
དུས་ཚོད།：2021-03-17
ཀློག་གྲངས།：
མདོ་དབུས་མཐོ་སྒང་། པར་རིས་པའེ་ཏུའུ་པའེ་ཁི་ལས་དྲངས།
ཡི་གེ་མ་བྱུང་བའི་གོང་གི་དུས་སྐབས་སུ། མདོ་དབུས་མཐོ་སྒང་འདི་རུ་མི་ཚོགས་གང་དག་ཅིག་ཐོན་ནས་འཚོ་སྡོད་བྱས་མྱོང་ངམ་ཞེས་པའི་དོགས་གཞི་ལ། རྒྱལ་ཁབ་མང་པོའི་ཚན་རིག་པ་དང་གནའ་རྫས་རྟོག་ཞིབ་མཁན་གྱིས་ལན་ཁ་གསལ་པོ་ཞིག་འཚོལ་བཞིན་ཡོད།
མིའི་རིགས་ཇི་ལྟར་མདོ་དབུས་མཐོ་སྒང་གི་འཚོ་གནས་ཁོར་ཡུག་འདི་ལ་རིམ་པར་འཕྲོད་པ་ཡིན་ནམ།
2017ལོར། མཚོ་སྔོན་དགེ་ཐོན་སློབ་ཆེན་གྱི་དགེ་རྒན་ཆེ་མོ་ཧོའུ་ཀོང་ལིང་གིས་སྣེ་ཁྲིད་པའི་ཞིབ་འཇུག་ཚོགས་པ་ཡིས《མདོ་དབུས་མཐོ་སྒང་གི་ཡོངས་གསར་དུས་རབས(全新世)ཀྱི་མིའི་རིགས་འགུལ་སྐྱོད་ཀྱིས་ཁོར་ཡུག་འགྱུར་ལྡོག་དང་ལེན་བྱེད་པ》ཞེས་པའི་ལས་གཞི་རེ་ཞུ་བྱས་ཏེ་མདོ་དབུས་མཐོ་སྒང་འདི་ལྟ་བུའི་འཚོ་གནས་ཆ་རྐྱེན་ཧ་ཅང་ཞན་པའི་ཡུལ་གྱི་ཁོར་ཡུག་འགྱུར་ལྡོག་དང་མིའི་རིགས་ཀྱི་འཚོ་གནས་ཁྱབ་ཁོངས། འཚོ་སྡོད་བྱེད་སྟངས་བཅས་ལ་འབྲེལ་བ་དམ་ཟབ་གང་འདྲ་ཡོད་ཚུལ་གསལ་སྟོན་བྱས་པ་རེད།
གཙང་གསུམ་འབྱུང་ཡུལ་ཁུལ་གྱི་འབྲི་ཆུའི་འགག་དང་པོ། པར་རིས་ཞིན་ཧྭ་དྲ་བ་ལས་དྲངས།
སྔོན་ཆད་ཀྱི་ཞིབ་འཇུག་པས་འབྲི་ཆུའི་སྟོད་ཕྱོགས་ཀྱི་འབྲི་སྟོད་རྫོང་ཁོངས་ནས་ད་ལྟའི་བར་དུ་ལོ་ངོ་8000ཡས་མས་འདུག་པའི་ཚ་ཞང་སྒ་ཐོག་རྡོ་ཆས་འཇམ་རིགས་ཀྱི་རྗེས་ཤུལ་རྙེད་ཡོད་ན། འབྲི་ཆུའི་ས་བབ་དམའ་ས་དང་མིའི་རིགས་འཚོ་སྡོད་ལ་འཚམ་པའི་ས་ཆ་སྟེ་ཡུལ་ཤུལ་དང་ཁྲི་འདུ་རྫོང་གི་བར་མཚམས་སུ། སྔ་དུས་ཀྱི་མིའི་རིགས་ཀྱི་རྗེས་ཤུལ་རྙེད་མི་སྲིད་པ་མ་རེད།
མིག་སྔར། རིག་གཞུང་སྡེ་ཡི་ལྟ་ཚུལ་གཙོ་བོ་ལ་མིའི་རིགས་ནི་མདོ་དབུས་མཐོ་སྒང་གི་ཕྱི་རོལ་གྱི་བྱང་ཤར་རྒྱུད་ནས་མཆེད་དེ་མཐོ་སྒང་འདི་ལ་ཐོན་པར་འདོད། ལྟོས་བཅས་ཀྱིས་བཤད་ན། མདོ་དབུས་མཐོ་སྒང་གི་ཤར་ལྷོའི་རྒྱུད་ཀྱི་ཚན་ཞིབ་བྱ་བ་སྒྲུབ་ཤུགས་ཅུང་ཞན་ལ། རྡོ་ཆས་རྙིང་མའི་དུས་ཀྱི་གནའ་རྫས་གསར་རྙེད་ཀྱི་སྐོར་ཡང་ཧ་ཅང་ཉུང་བ་རེད། དེར་བརྟེན། དགེ་རྒན་ཆེ་མོ་ཧོའུ་ཀོང་ལིང་གི་ཞིབ་འཇུག་ཚོགས་པ་ཡིས་2018ལོ་དང་2019ལོའི་དབྱར་དུས་ལ། མདོ་དབུས་མཐོ་སྒང་གི་ལྟེ་བའི་ས་ཆ་གཙང་གསུམ་འབྱུང་ཡུལ་གྱི་འབྲི་ཆུའི་ཡུལ་ཤུལ་དང་ཁྲི་འདུ་ས་ཆའི་འབབ་རྒྱུད་ཀྱི་ངོགས་གཉིས་སུ་རྟོག་ཞིབ་འཐུས་ཚང་བ་ཞིག་བྱས་པ་རེད།
ཚ་ཞང་སྒ་ཐོག་རྡོ་ཆས་འཇམ་རིགས་ཀྱི་རྗེས་ཤུལ། པར་རིས་ཧོ་ཡན་ཧུང་གིས་འདོན་སྤྲོད་བྱས།
གནའ་བོའི་རྡོ་ཉིང་དང་རྡོ་ལེབ་བཟོ་ལས་ཀྱི་དཔེ་མཚོན་རྙེད་པ།
རྒྱུན་ལྡན་ཡིན་ན། མདོ་དབུས་མཐོ་སྒང་གི་རང་བྱུང་ཁོར་ཡུག་ཧ་ཅང་སྡུག་པས། མིའི་རིགས་ཀྱིས་མཐོ་སྒང་འདི་བདག་བཟུང་གི་ལོ་རྒྱུས་རིང་བོ་མིན་པ་རེད། ཡིན་ནའང་། མདོ་དབུས་མཐོ་སྒང་གི་ལྟེ་བའི་ས་ཁུལ་ནས་ལོ་རྒྱུས་སྔར་ལས་རིང་བའི་རྡོ་ཆས་ཀྱི་རྗེས་ཤུལ་རྙེད་ཅིང་། བསྡོམས་རྩིས་བྱས་པར་གཞིགས་ན། ཐག་མདའ་རྗེས་ཤུལ་གྱི་ས་ངོས་བང་རིམ་2ནས་4ཡི་ནང་ནས་རྡོ་ཆས་67རྙེད་པ་དང་། ཞེ་ཀེ་རྗེས་ཤུལ་གྱི་ས་ངོས་བང་རིམ་2པ་ནས་རྡོ་ཆས་43རྙེད་པ་རེད། རྗེས་ཤུལ་གཉིས་ནས་གསར་དུ་རྙེད་པའི་རྡོ་ཆས་རྣམས་ལ། རྡོ་ཆས་བཟོ་ལས་ཀྱི་ཁྱད་ཆོས་མངོན་གསལ་ལྡན་སྟབས། དེ་གཉིས་ཀ་རྡོ་ཉིང་དང་རྡོ་ལེབ་རྡོ་ཆས་ཀྱི་བཟོ་ལས་ལ་གཏོགས་པ་རེད།
མིག་སྔར། མདོ་དབུས་མཐོ་སྒང་གི་སྔ་དུས་ཀྱི་མིའི་རིགས་ཀྱི་ལོ་རྒྱུས་ལ་རྟོག་ཞིབ་བྱེད་པར་རྒྱུ་ཆ་ཆེས་མོད་པོ་ནི་སྔར་བཞིན་རྡོ་ཆས་ཀྱི་རིགས་ཡིན་པ་དང་། རྡོ་ཆས་ནི་མདོ་དབུས་མཐོ་སྒང་ནས་ཡུན་རིང་དུ་གནས་ཐུབ་ཅིང་། ས་འོག་ཏུ་མེད་ནའང་ལོ་ངོ་ཁྲི་ཕྲག་ལྷག་གམ་དེ་ལས་རིང་བོར་གནས་ཐུབ་སྟབས། སྔ་དུས་མིའི་རིགས་ཀྱི་རྐང་རྗེས་འཚོལ་བའི་ཕྱོགས་སྟོན་རྒྱུ་ཆ་གལ་ཆེན་ཞིག་ཏུ་གྱུར་ཡོད།
ཚ་ཞང་སྒ་ཐོག་རྡོ་ཆས་འཇམ་རིགས་ཀྱི་རྗེས་ཤུལ་ནས་རྙེད་པའི་རྡོ་ཆས། པར་རིས་ཧོ་ཡན་ཧུང་གིས་འདོན་སྤྲོད་བྱས།
ཡུལ་ཤུལ་རྫོང་ཐག་མདའ་སྡེ་བ་དང་ཐག་མདའ་རྗེས་ཤུལ། པར་རིས་མི་དམངས་ཉིན་རེའི་ཚགས་པར་གྱི་ཕྱི་རྒྱལ་པར་མ་ལས་དྲངས།
ཡུལ་ཤུལ་རྫོང་ཐག་མདའ་སྡེ་བའི་མཁར་རྫོང་། པར་རིས་ཡུས་ཧྲུའུ་གསར་འགྱུར་དྲ་བ་ལས་དྲངས།
འབྲི་ཆུའི་བཞུར་རྒྱུད་ནས་རྙེད་པའི་རྡོ་ཆས། པར་རིས་མི་དམངས་ཉིན་རེའི་ཚགས་པར་གྱི་ཕྱི་རྒྱལ་པར་མ་ལས་དྲངས།
