ཨ་རིའི་ཧྥོ་ལུའོ་རི་ཏཱའི་ཏི་སི་ནེ་གླིང་ག

     ཨ་རིའི་ཧྥོ་ལུའོ་རི་ཏཱ་མངའ་སྡེ་རུ་ཡོད་པའི་ཏི་སི་ནེ་གླིང་ག་ནི་འཛམ་གླིང་ན་སྐད་གྲགས་ཆེ་བའི་རྒྱ་ཆེའི་ཕྱོགས་བསྡུས་རྩེད་འཇོ་དགའ་ཚལ་ཞིག་ཡིན། ཏི་སི་ནེ་གླིང་ག་ནི་ངོ་མཚར་ཞིང་ཁམས་ཤིག་ཡིན། ཡུལ་འདིར་སླེབས་པ་ན་ཏི་སི་ནེའི་ཁ་ཐུང་མི་སྣ་མང་པོ་མཐོང་ཐུབ་པ་མ་ཟད་ད་དུང་གྲུ་ཆུང་ལ་བསྡད་དེ་ནགས་གསེབ་ཀྱི་གདོན་འདྲེ་ཁང་དུ་གདོན་འདྲེ་དང་ཐུག་འཕྲད་དང་། ཆུ་འོག་གྲུ་གཟིངས་ལ་བསྡད་དེ་མཚོ་གཏིང་དང་། བར་སྣང་འཕུར་གྲུར་བསྡད་ནས་བར་སྣང་དུ་ལྟད་མོར་ཕྱིན་ཆོག 

     ས་རྒོད་འདུལ་བ་ཟེར་བའི་ཆ་སར་གཏེར་འདོན་འཁོར་ལོ་འདྲ་བའི་ལ་བརྒལ་འཁོར་ལོ་ཞིག་ཡོད་པ་དེས་ས་ཡོམ་རི་རབ་གད་འདྲའི་ཆོམ་སྒྲ་དང་བཅས་ཁྱེད་རང་ཁྱེར་ནས་དེ་སྔའི་ས་རྒོད་འདུལ་བའི་དུས་ཀྱི་ཨ་རིར་སླེབས་དང་མཚུངས།

     ཉེན་ཞིབ་གནམ་ས་ཞེས་པའི་གདོད་མའི་ནགས་ཚལ་ནང་ཕྱིན་ན་འཇིགས་སྐྲག་ངར་སློང་ཟད་མི་ཤེས་པ་ཞིག་ཉམས་སུ་མྱོང་ཐུབ།

     ཐལ་མདོག་བུ་མོའི་མཁར་རྫོང་།

     ཏི་སི་ནེ་གླིང་ག་ནང་དུ་ཐལ་མདོག་བུ་མོའི་མཁར་རྫོང་ཟེར་བ་ཞིག་ཡོད་པ་དེ་གླིང་གའི་ལྟེ་བར་ཀེ་རེར་འགྱིང་ཞིང་། ཕྱི་དབྱིབས་བྱིས་སྒྲུང་ནང་གི་མཁར་རྫོང་དང་འདྲ་ཆེ་ཡང་ས་འོག་ཏུ་མགོ་འཁོར་ཕོ་བྲང་ནང་བཞིན་གྱི་འོབས་ལམ་ཡོད་པ་ལས་བྱི་བ་སྨུག་ཆུང་དང་ཁོའི་གྲོགས་པོ་ཚོ་ཧོབ་སྟེ་ཐོན་ཡང་ནས་ཞེད་སྣང་སྐུལ་གྱི་རེད།

     ཏི་སི་ནེའི་ཁ་ཐུང་།

ཏི་སི་ནེའི་གླིང་གར་ཁ་ཐུང་མི་སྣང་ཆ་ཡོད་མང་པོ་བསྡད་ཡོད་པ་སྟེ། དཔེར་ན་བྱི་བ་སྨུག་ཆུང་དང་། བྱ་འགག་ལེབ་ཅག  འཕུར་འདུར་ཁྱི་མོ། གངས་དཀར་སྲས་མོ་དང་མིའུ་ཐུང་བདུན་ལ་སོགས་རེད། ཁོ་ཚོ་ཚང་མ་ཉིན་ལྟར་སྙིང་རྗེ་བའི་མེ་ཏོག་འཁོར་ལོར་བསྡད་ནས་གླིང་གའི་ནང་སྐོར་གཡེང་བྱེད།

     ཏི་སི་ནེའི་ཡབ་རྗེ།

     ཏི་སི་ནེ་གླིང་ག་ནི་ཨ་རི་བ་ཝོར་ཐི་ཏི་སི་ནེས་ཇུས་འགོད་བྱས་པ་དང་བཟོ་སྐྲུན་གྱི་གཙོ་འགན་ཁུར་ནས་བསྐྲུན་པས་མི་རྣམས་ཀྱིས་ཁོང་ལ་ཏི་སི་ནེའི་ཡབ་རྗེ་ཞེས་འབོད། ཁོང་གི་བསམ་འདུན་ནི་འཛམ་གླིང་ཐོག་ཆེས་སྤྲོ་སྐྱིད་ལྡན་པའི་ཞིང་ཁམས་ཤིག་གསར་གཏོད་བྱས་ཏེ་བྱིས་པ་ཚོ་གང་དགའ་གང་སྐྱིད་དུ་རྩེད་འཇོར་རོལ་དུ་འཇུག་ཅེས་པ་དེ་ཡིན།