༢༠༢༢ལོའི་ནོའུ་པེལ་རྩོམ་རིག་བྱ་དགའ།

       བརྩམས་སྒྲུང་དེབ་འདི་པར་སྐྲུན་བྱས་རྗེས་ཧྥ་རན་སིའི་ཏུའུ་ལ་སི་རྩོམ་རིག་བྱ་དགའ(杜拉斯文学奖)ཐོབ་པ་རེད། བརྩམས་ཆོས་འདི་གཙོ་བོ“འབོད་མིང་མེད་པའི་རང་རྣམ”(无人称自传)གྱི་འབྲི་ཐབས་སྤྱད་ཡོད་པ་དང་། རང་ཉིད་ཀྱི་དྲན་ངོགས་སུ་རྒྱུ་བའི་འདས་དོན་དང་མི་རྣམས་ལ་ཐུན་མོང་དུ་ཡོད་པའི་མྱོང་བ་བྲིས་པ་བརྒྱུད་དུས་རབས་ཀྱི་འཕོ་འགྱུར་མཚོན་པར་བྱས་ནས། མི་རྣམས་ཀྱི་བསམ་པའི་གཏིང་རིམ་དུ་ཉར་བའི་མཉམ་སྣང་དག་མངོན་པར་བསྒྲགས་ཡོད། དེ་མིན་ཆེ་ས་ནས་རྒྱལ་སྤྱིའི་གནས་ཚུལ་དང་ཆུང་ས་ནས་བཟའ་བཏུང་གྱོན་གོས་དང་བཟའ་མི་ལྷན་འཛོམས། སྒེར་གྱི་གསང་བ། རང་ཉིད་ཀྱི་འཚོ་བའི་ཉམས་མྱོང་ལ་བརྟེན་ནས་འཇིག་རྟེན་གྱི་འཕེལ་རིམ་མཚོན་པར་བྱས་པ་བརྒྱུད། དོན་དངོས་ཐོག་ཐུན་མོང་གི་དྲན་ཤེས་བྲིས་ཡོད་དོ། །
       བརྩམས་སྒྲུང་འདི་རྩོམ་འབྲི་བྱེད་པའི་མགོ་བརྩམས་པ་ནས་མཇུག་བསྡུ་བའི་བར་ནི་ལོ་ངོ་དྲུག་ཅུའི་དུས་ཚོད་ཀྱི་བརྒྱུད་རིམ་ཡོད་པས། ལོ་ཚོད་གང་དུ་ཡོད་པའི་ཀློག་མཁན་ཞིག་ཡིན་རུང་དེའི་ཁྲོད་རང་ཉིད་ལ་ཆ་རྒྱུས་ཡོད་པའི་ནང་དོན་དང་དྲན་ཤེས་དག་གསལ་པོར་རྙེད་ཐུབ།
       ༢ «སྐྱེས་པ་ཞིག་གི་གོ་གནས»
       བརྩམས་སྒྲུང་འདི་ལ་ཧྥ་རན་སིའི་རའེ་ནཱོ་དོ་རྩོམ་རིག་བྱ་དགའ(勒诺多文学奖)ཐོབ། དགེ་རྒན་གྱི་ཐོབ་ཐང་འཛིན་ཡིག་རྒྱུགས་བླངས་ནས་ཟླ་བ་གཉིས་འགོར་རྗེས་རང་གི་ཡབ་ལགས་ཚེ་ཡི་འཕེན་པ་རྫོགས། རྩོམ་པ་པོ་ཨན་ཉི•ཨེར་ནཱོ་ཡིས་དོན་རྐྱེན་དེ་བརྗོད་གཞིར་བཟུང་ནས་སྐྱེས་པ་ཞིག་གི་མི་ཚེ་གཅིག་གི་བརྒྱུད་རིམ་མཐའ་དག་ཡིག་ངོར་བཀོད་པ་རེད། ཁོ་མོའི་ཡབ་ནི་དུས་རབས་གཉིས་ཀྱི་འབྲེལ་མཚམས་སུ་སྐྱེས་པས་སྔ་མོ་ནས་སློབ་གྲྭ་དང་ཁ་མི་འབྲལ་ཀ་མེད་བྱུང་ཞིང་། སྔོན་ལ་ཞིང་པ་བྱས་པ་དང་། དེ་ནས་བཟོ་གྲྭར་ལས་ཀ་བྱས། རྗེས་སུ་ནོ་མན་ཏུའུ་ཡི་ཚོང་ཁང་ཆུང་ཆུང་ཞིག་གི་ཚོང་བདག་ཅིག་ཏུ་གྱུར་པ་ནས1967ལོར་ཚེ་ལས་འདས་པ་རེད། ཁོང་གིས་རང་གཅུན་དང་། ལས་ཀར་བརྩོན་པ། གཏམ་སྤྱོད་གཟབ་ནན་བཅས་ཀྱི་སྒོ་ནས་སྐྱེས་པ་ཞིག་གི་སྤྱི་ཚོགས་ཁྲོད་ཀྱི་གོ་གནས་སྲུང་འཛིན་ཧུར་ཐག་བྱས་ཡོད་མོད། འོན་ཀྱང་ཐོག་མཐའ་བར་གསུམ་དུ་འོག་རིམ་སྤྱི་ཚོགས་སུ་ལྷུང་བའི་འཇིགས་སྣང་ལས་ཐར་ཐབས་མ་བྱུང་།
       རྩོམ་པ་པོས་སྙིང་རྗེ་མེད་པའི་ལྟ་ཞིབ་ཀྱིས་ཁོ་མོའི་ཡབ་ཀྱི་ཚེ་གང་བོའི་ངོ་ཚ་དང་རིམ་གྲས་ཚོད་འཛིན་བྱས་པ་ལས་བྱུང་བའི་ཕ་བུའི་བར་གྱི་བར་བཀྱེད་དང་སྡུག་བསྔལ་གསལ་སྟོན་བྱས་ཡོད། ཡབ་ཀྱི་རྣམ་ཐར་འདི་ཤེས་ཡོན་ཅན་གྱི་བུ་མོ་ཞིག་གིས་འཚོ་བར་རྒྱབ་འགལ་བྱས་པའི་གཏམ་རྒྱུད་ཅིག་ཀྱང་ཡིན་ཏེ། རང་གི་ཕ་མར་རྒྱབ་འགལ་དང་འཚར་སའི་ཁོར་ཡུག་ལ་རྒྱབ་འགལ་བྱས་ཏེ་གཉེན་ཉེ་དང་ངོ་ཚའི་བར་དང་། ཁོངས་གཏོགས་དང་བར་བཀྱེད་ཀྱི་སེམས་ཁམས་དང་སྡུག་བསྔལ་མཚོན་བར་བྱས་ཡོད།
གསུམ། སྤྱི་ཚོགས་ཀྱི་གདེང་འཇོག
       རྩོམ་པ་པོ་ཨན་ཉི•ཨེར་ནཱོ་ཡིས་ཚད་མཐོའི་བློ་སྤོབས་དང་རྣོ་ངར་ཅན་གྱི་ལྟ་ཞིབ་ཀྱི་ནུས་པར་བརྟེན་ནས། གྲལ་རིམ་བརྒྱུད་པའི་སྡུག་བསྔལ་གསལ་སྟོན་དང་། ངོ་ཚ། བརྙས་བཅོས། ཕྲག་དོག་བཅས་དང་དེ་བཞིན་རང་ཉིད་སུ་ཡིན་ངོས་ཟིན་ཐབས་བྲལ་བའི་དཀའ་ངལ་སོགས་ཞིབ་བརྗོད་བྱས་པས། མི་རྣམས་ཀྱི་ཡིད་སྨོན་འཆོར་ས་དང་གཡུར་ཟའི་གྲུབ་འབྲས་འདི་ལྟ་བུ་ལོན་པ་རེད། ཁོ་མོའི་བརྩམས་ཆོས་ཁྲོད། ཐོག་མཐའ་བར་གསུམ་དུ་ཕྱོགས་དང་ཚད་མི་འདྲ་བ་ནས་ཕོ་མོའི་དབྱེ་བ་དང་སྐད་རིགས། རིམ་གྲས་ཐད་ཁྱད་པར་ཆེན་པོ་ཡོད་པའི་འཚོ་བ་ཞིག་ལ་ཞིབ་ལྟ་བྱས་ཏེ་སྤྱི་ཚོགས་ཀྱི་དོན་དངོས་དག་བརྩམས་ཆོས་ནང་དྲངས་ཡོད་པས། རྩོམ་པ་པོ་ཚད་ལྡན་ཞིག་ཏུ་འགྱུར་བའི་བརྒྱུད་རིམ་དེ་ཀྱག་ཀྱོག་ཆེ་ཞིང་དཀའ་སྡུག་ཆེ་བ་ཞིག་ཡིན་པ་རྟོགས་ནུས།
       དེ་མིན་རྩོམ་པ་པོ་ཁོང་ནི་ཧྥ་རན་སིའི་རྩོམ་པ་པོ་མང་པོའི་ཁྲོད་ཀྱི་དམིགས་བསལ་གྱི་མི་སྣ་ཞིག་ཡིན་ཞིང་། མིག་སྔའི་འཚོ་བ་དང་མི་རྣམས་ཀྱི་རྒྱུན་ལྡན་གྱི་བརྩེ་དུང་གི་འཇིག་རྟེན་ལ་དོ་སྣང་བླ་ལྷག་གིས་བྱ་མཁན་ཞིག་རེད། ཁོ་མོའི་རྩོམ་འབྲིའི་འཚོལ་ཞིབ་ཚང་མ་ཕྱོགས་འདི་དག་ནས་འགོ་བརྩམས་པ་ཞིག་ཡིན་པས་བརྩམས་ཆོས་ཁྲོད་ལོ་རྒྱུས་ཀྱི་བརྗོད་གཞི་གལ་ཆེན་མེད་ལ་རིག་གནས་མི་འདྲ་བའི་བར་གྱི་འགལ་བ་དང་མཉམ་འདྲེས་ཀྱང་བྲིས་མེད།
       བརྩམས་ཆོས་མང་ཆེ་བ་རང་ཉིད་བརྒྱུད་པའི་འཚོ་བའི་ཉམས་མྱོང་དག་བརྗོད་གཞིར་བཟུང་ཡོད་པས། རྩོམ་འབྲི་དང་འཚོ་བ་གཉིས་ལ་འབྲེལ་བ་དམ་ཟབ་མཆིས། «བཞུད་པའི་ལོ་ཟླ»ལྟ་བུར་མཚོན་ན། “འབོད་མིང་མེད་པའི་རང་རྣམ”གྱི་འབྲི་ཐབས་སྤྱད་དེ་འདྲ་པར་རྙིང་པ་ཞིག་བྲིས་པ་བརྒྱུད་དུས་རབས་ཀྱི་འཕོ་འགྱུར་མཚོན་པའི་གསར་རྩོམ་བྱེད་ཐབས་དེ་སྒྱུ་རྩལ་ཐད་ནས་དོན་སྙིང་གལ་ཆེན་ལྡན། ཕྲ་ཞིང་ཞིབ་ལ་སྐྱོ་སྣང་ལྡན་པའི་ཡིག་འབྲུ་རེ་རེས་སྐྱེས་ཁུངས་དབུལ་ཕོངས་ཡིན་པའི་ཕ་མས་ཇི་ལྟར་བྱས་ཏེ་རང་ཉིད་དང་མི་རབས་རྗེས་མ་སྤྱི་ཚོགས་ཀྱི་དམའ་རིམ་གོ་གནས་ལས་ཐར་བར་བྱེད་པ་གསོན་ཉམས་ལྡན་པའི་སྒོ་ནས་ཞིབ་འབྲི་བྱས་ཡོད་རྐྱེན། རེ་ཆད་དང་སྟོང་སྣང་། སྨོན་སེམས། ཕུགས་འདུན་སོགས་ཀྱིས་ཁེངས་པའི་འབད་འཐབ་ཀྱི་བརྒྱུད་རིམ་མཚོན་ཡོད། གནད་ལ་འཁེལ་བ་དང་ཕྱི་རོལ་ཡུལ་དང་མཐུན་པའི་སྒོ་ནས་ཧྥ་རན་སིའི་དེང་རབས་སྤྱི་ཚོགས་ཀྱི་རིམ་གྲས་མི་འདྲ་བའི་མིའི་སེམས་ཁམས་དང་། འཚོ་བའི་གོམས་སྲོལ། དགའ་ཕྱོགས་དང་མོས་པ་ཐ་དད་པ་སོགས་བརྗོད་པ་བརྒྱུད། སྡུག་བསྔལ་དང་འགལ་འདུ་ཆེ་བ། ཕ་མ་དང་ཕ་ཡུལ་ལ་བཅངས་པའི་དགའ་སྐྱོ་འདྲེས་མའི་སེམས་ཁམས་ཤིག་མཚོན་པར་བྱས་ཡོད་དོ། །