གྲོས་ཚོགས་འདི་གཉིས་མཚོ་སྔོན་དུ་གཟབ་རྒྱས་ངང་འཚོགས་མགོ་བརྩམས།

        ད་ལོའི་འགྲེམས་ཚོགས་ཐོག་བཀྲག་མདངས་འཚེར་ས་མང་པོ་ཐོན་པ་དང་འགྲེམས་ཁུལ་དེ་བས་ཕུན་སུམ་ཚོགས་པོ་ཡོད། གྲོགས་པོ་གསར་རྙིང་ཚང་མ་འཚང་ཁ་ཤིག་ཤིག་ངང་འགྲེམས་ཚོགས་ནང་ཞུགས་ཡོད། འགྲེམས་རྫས་དེ་བས་ལེགས་ཤིང་མཚོ་སྔོན་ཞིང་ཆེན་གྱིས“གནས་བཞིའི”འཛུགས་སྐྲུན་གྱི་གྲུབ་འབྲས་གང་མགྱོགས་གཅིག་སྡུད་ཐོག་འགྲེམས་ཁང་དུ་བསྐྲུན་ཡོད་པ་རེད། རྒྱལ་སྤྱི་དང་རྒྱལ་ནང་གི་སྔོན་ཐོན་གྱི་འདུ་ཤེས་དང་ལག་རྩལ། ཐོན་རྫས། ཞབས་ཞུ་བཅས་ལས་མ་འོངས་པའི་མཛེས་སྡུག་ལྡན་པའི་འཚོ་བ་བཀོད་ཡོད། ཐེངས་འདིའི་འགྲེམས་ཚོགས་ཀྱི་འགྲེམས་ཁང་གི་སྤྱིའི་རྒྱ་ཁྱོན་ལ་སྨི་གྲུ་བཞི་མ་ཁྲི4ཟིན་པ་དང་། Aའགྲེམས་ཁང་ནི་རྒྱལ་ནང་དང་རྒྱལ་སྤྱིའི་འགྲེམས་ཁང་ཡིན་ཞིང་། གཙོ་བོ་སྐུ་མགྲོན་གཙོ་བོའི་ཞིང་ཆེན(རང་སྐྱོང་ལྗོངས)འགྲེམས་ཁུལ་དང་རྒྱལ་ནང་དང་རྒྱལ་སྤྱིའི་འགྲེམས་ཁུལ་སོགས་ལས་གྲུབ་ཡོད། Bའགྲེམས་ཁང་ནི་མཚོ་སྔོན་སྐྱེ་ཁམས་འགྲེམས་ཁང་ཡིན་ཞིང་། ཚང་མས་མཚོ་སྔོན་གྱིས་སྐྱེ་ཁམས་དཔལ་ཡོན་གྱི་བཙན་ས་ཧུར་ཐག་གཏོད་པ་དང་། ཐོན་ལས་ཀྱི“གནས་བཞི”འཛུགས་སྐྲུན་བྱེད་ཤུགས་མགྱོགས་སུ་གཏོང་བ། སྐྱེ་ཁམས་སྲུང་སྐྱོབ་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་ཏན་ཏིག་གཏོང་བ་བཅས་ཀྱི་ཐད་ཐོབ་པའི་གྲུབ་འབྲས་གསར་བ་མཐོང་ཐུབ་པ་བྱས་ནས་རྒྱལ་ཁབ་སྤྱི་གླིང་དཔེ་སྟོན་ཞིང་ཆེན་འཛུགས་སྐྲུན་ལ་སྐུལ་འདེད་གཏོང་བ་དང་། དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དུ་གཏོང་བ། གྲོང་གསེབ་དར་སྤེལ་གཏོང་བར་ཁྱོན་ཡོངས་ནས་སྐུལ་འདེད་གཏོང་བ། མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་ཞིང་ཆེན་གཏོད་པ་བཅས་ཀྱི་གྲུབ་འབྲས་གསར་བ་བཅས་མངོན་ཡོད། Cའགྲེམས་ཁང་ནི་རྒྱལ་སྤྱིའི་བོད་ལུགས་ས་གདན་འགྲེམས་ཁང་ཡིན། གཙོ་བོ་རྒྱལ་ཁབ་ཕྱི་ནང་གི་བོད་ལུགས་ས་གདན་དང་ས་གདན་འགྲེམས་སྟོན་བྱེད་ས་ཡིན། འགྲེམས་ཚོགས་རིང་མཚོ་སྔོན་པོ་སྐོར་བའི་རྒྱལ་སྤྱིའི་གློག་སྒུལ་རླངས་འཁོར་གྱི་འགྲན་སློང་འགྲན་སྡུར་སྐབས་དགུ་བ་དང་མགོ་རྩོམ་མཛད་སྒོ། སྐུ་མགྲོན་གཙོ་བོའི་ཞིང་ཆེན(རང་སྐྱོང་ལྗོངས)གྱི་འགྲེམས་ཁང་སྒོ་འབྱེད་མཛད་སྒོ། གཙོ་དོན་གླེང་སྟེགས་དང་མཉམ་ལས་ལས་གཞི་གལ་ཆེན་གཅིག་སྡུད་ཐོག་གན་རྒྱ་འཇོག་པ། བློ་རིག་གཅིག་སྡུད་ཀྱི་གཙང་གསུམ་འབྱུང་ཁུངས·མཚོ་སྔོན་གསར་བར་རོགས་སྐྱོར་བྱེད་ཅེས་པའི་ཤེས་ལྡན་པའི་ལས་གཞི་ངོ་འཕྲད་གྲོས་མོལ་ཚོགས་འདུ། གཙང་གསུམ་འབྱུང་ཁུངས་འཆམ་མཐུན་མཉམ་གནས་ཀྱི་སྐྱེ་ཁམས་དཔལ་ཡོན་གྱི་རྒྱལ་སྤྱིའི་སྤེལ་རེས་མཉམ་ལས་གླེང་སྟེགས། ཐོན་ལས་ཀྱི་གནས་བཞི་འཛུགས་སྐྲུན་མཐོ་རིམ་གླེང་སྟེགས་སོགས་ཀྱི་བྱེད་སྒོ་སྤེལ་རྒྱུ་རེད།