བསང་ཡིག་དགེ་མཚན་པདྨོ་བཞད་པའི་ཉི་མ།
ཐུགས་རྗེའི་བདག་ཉིད་རྩ་རྒྱུད་བླ་མ་དང༌། །ཡི་དམ་ལྷ་ཚོགས་སྐྱབས་གནས་དཀོན་མཆོག་གསུམ།།དཔལ་བོ་མཁའ་འགྲོ་ཆོས་སྐྱོང་སྲུང་མའི་ཚོགས། །སྤྱན་འདྲེན་མཆོད་པའི་གནས་འདིར་གཤེགས་སུ་གསོལ། །རཾ་ཡཾ་ཁཾ་ཨོཾ་ཨཱཿཧཱུཾ།མཆོད་བླ་མ་ཡི་དམ་སངས་རྒྱས་བྱང་སེམས་དཔའ་བོ་མཁའ་འགྲོ་ཆོས་སྐྱོང་སྲུང་མ། །བསླུ་བམེད་པའི་གཏན་གྱི་སྐྱབས་གནས། །བླ་མ་དཀོན་མཆོག་རིན་ཆེན་རྣམ་གསུམ།།བསྟན་པའི་བདག་པོ་ཤཱཀྱའི་རྒྱལ་བོ། །བསྐལ་བ་བཟང་བོའི་སངས་རྒྱས་སྟོང་རྩ། །དགྲ་བཅོམ་བསྟན་པའི་གཏད་རབས་བདུན་དང༌།།འཛམ་གླིང་མཛེས་བྱེད་རྒྱན་དྲུག་མཆོག་གཉིས། །ཟུང་འཇུག་སྐུ་བརྙེས་གྲུབ་ཆེན་བརྒྱད་ཅུ། །སོགས་རྒྱ་གར་འཕགས་པའི་ཡུལ་གྱི་པཎ་གྲུབ་རིམ་བྱོན་རྣམས་ཀྱི་ཞལ་དུ་རཾ་ཡཾ་ཁཾ་ཨོཾ་ཨཱཿཧཱུཾ།ཨེ། བོད་ཡུལ་སྲིན་པོ་མུན་པའི་གླིང་འདིར། །དམ་པའི་ཆོས་ཀྱི་དཀར་ལམ་བཏོད་པའི། །ཆོས་རྒྱལ་ལོ་པཎ་གོང་མ་རིམ་བྱོན། །མཁན་སློབ་ཆོས་གསུམ་ཇོ་འབྲོམ་ཡབ་སྲས།།ཁྱད་པར་གངས་ཅན་ཤིང་རྟའི་སྲོལ་འབྱེད། །འཇམ་མགོན་རྒྱལ་བ་བློ་བཟང་གྲགས་པ། །ཡབ་སྲས་འཁོར་སློབ་དག་པ་རྣམ་བརྒྱད། །རྒྱལ་ཚབ་འཇམ་དབྱངས་གཙང་བ་བདུན་བརྒྱུད།།འཕགས་མཆོག་ཕྱག་ན་པདྨོའི་རྣམ་འཕྲུལ། །སྐྱབས་མགོན་རྒྱལ་བའི་དབང་བོ་རིམ་བྱོན། །སྣང་བ་མཐའ་ཡས་ངུར་སྨྲིག་རྣམ་རོལ།།ཀུན་གཟིགས་པཎ་ཆེན་འཁྲུངས་རབས་རིམ་བྱོན། །ཀུན་མཁྱེན་བླ་མ་བཞད་པའི་རྡོ་རྗེ། །འཁྲུངས་རབས་གསེར་རིའི་འཕྲེང་བསྟར་བརྒྱུས་པ།།འགྲོ་མགོན་ཐར་ཤུལ་ཆོས་སྐྱོང་རྒྱ་མཚོ། །ལ་སོགས་པ་མདོ་སྔགས་བསྟན་པའི་རྒྱལ་མཚན་ཕྱོགས་བཅུར་བསྒྲེངས་པའི་རྩ་བ་དང་བརྒྱུད་པར་བཅས་པའི་བླ་མ་དམ་པ་རྣམས་ཀྱི་ཞལ་དུ་ཨོཾ་ཨཱཿཧཱུཾ།ཨེ། ཚེ་གཅིག་ལུས་གཅིག་ཉིད་ལ། །སྐུ་བཞིའི་རྒྱལ་ས་སྟེར་བའི། །བྱིན་རླབས་ཅན་གྱི་ཡི་དམ། །ཕ་རྒྱུད་གསང་བ་འདུས་པ། །མ་རྒྱུད་འཁོར་ལོ་བདེ་མཆོག །དཔལ་ཆེན་རྡོ་རྗེ་འཇིགས་བྱེད། །སངས་རྒྱས་དུས་ཀྱི་འཁོར་ལོ།།ཁྲོ་རྒྱལ་གསང་བདག་འཁོར་ཆེན། །དཔལ་ཆེན་རྟ་མཆོག་རོལ་བ། །ལ་སོགས་པ་ཡི་དམ་དཀྱིལ་འཁོར་གྱི་ལྷ་ཚོགས་འཁོར་དང་བཅས་པ་ཁྱེད་རྣམས་ཀྱི་ཞལ་དུ་ཨོཾ་ཨཱཿཧཱུཾ།ཨེ། ཤར་ལྷོ་བསིལ་བ་ཚལ་གྱི་དུར་ཁྲོད། །ཙན་དན་ནགས་ཚལ་འཁྲིགས་པའི་ཀློང་ནས། །མྱུར་མཛད་ཡེ་ཤེས་མགོན་པོ་ཕྱག་དྲུག།གསང་ཡུམ་མ་ཅིག་དཔལ་ལྡན་ལྷ་མོ། །འཕྲིན་ལས་མྱུར་སྒྲུབ་གནོད་སྦྱིན་རྣམ་བཞི། །གཙང་རིས་དཔལ་མགོན་བདུན་ཅུའི་ཚོགས་དང༌།།བཅས་པ་ཁྱེད་རྣམས་ཀྱི་ཞལ་དུ་ཨོཾ་ཨཱཿཧཱུཾ། ཨེ། ལྷོ་ཕྱོགས་རིམ་པ་བདུན་གྱི་འོག་རོལ། །འཇིགས་རུང་ལྕགས་མཁར་སྒོ་མེད་ནང་ནས།།ཆོས་ཀྱི་རྒྱལ་བོ་ཕྱི་ནང་གསང་གསུམ། །མ་མོ་ནག་མོ་ཙ་མུཎྚི་སོགས། །ཕོ་བརྒྱད་མོ་བརྒྱད་གཤིན་རྗེ་འཁོར་དང༌། །བཅས་པ་ཁྱེད་རྣམས་ཀྱི་ཞལ་དུ་ཨོཾ་ཨཱཿཧཱུཾ།འདོན་མི་འདོན་སྐབས་དང་སྦྱར་བསང་བརྩི་ན། །ཨཻ་གནས་མཆོག་ཧ་ཧ་རྒོད་པའི་དུར་ཁྲོད། །དར་ལུང་གཉན་པོ་ཁའུ་བྲག་རྫོང༌།།ས་སྐྱའི་སྤྲུལ་བའི་གཙུག་ལག་ཁང་སོགས། །རང་བཞིན་དག་པ་ཆོས་ཀྱི་དབྱིངས་ནས། །ཀླུ་སྒྲུབ་ཞབས་ཀྱི་ལྟ་བའི་སྲུང་མ། །དཔལ་མགོན་སྟོབས་འཕྲོག་མ་ཧཱ་ཀཱ་ལ།།ཧེ་རུ་ཀ་དཔལ་བྲམ་ཟེའི་གཟུགས་ཅན། །ཟག་མེད་དགྱེས་བསྐྱེད་པ་ཁྱེད་རྣམས་ཀྱི་ཞལ་དུ། །ཨོཾ་ཨཱཿཧཱུཾ། ཨཻ་བྱང་ཤར་མུ་ལེ་དུང་གི་ཁྲག་མཚོར།།བསེ་མཁར་སྨུག་པོའི་གཞལ་ཡས་ཁང་ནས། །རིགས་དང་རྒྱུད་ལ་འགོ་བའི་སྲུང་མ། །མ་གཅིག་དཔལ་ལྡན་དམག་ཟོར་རྒྱལ་མོ།།སྣ་ཁྲིད་ཆུ་སྲིན་སེངྒེའི་གདོང་ཅན། །དུས་བཞིའི་ལས་སྒྲུབ་རྒྱལ་མོ་རྣམ་བཞི། །མོ་རྒྱུད་སྲུང་མའི་ཚོགས་དང་བཅས་པ། །ཁྱེད་རྣམས་ཀྱི་ཞལ་དུ་ཨོཾ་ཨཱཿཧཱུཾ།ཨཻ་བྱང་ཤར་མ་རུ་ཙྱེ་ཡཻ་དུར་ཁྲོད། །བྲག་དམར་མཆོང་ལྡིང་ཕོ་བྲང་སོགས་ནས། །གནོད་སྦྱིན་ཆེན་པོ་དྲེགསལྕམ་སྲིང༌། །སྲིང་མོ་སྲིད་པའི་ལྷ་མོ་གདོང་དམར།།བཀའ་ཉན་ལས་མཁན་སྲོག་བདག་དམར་པོ། །འཁོར་ཚོགས་བཤན་པའི་ཚོགས་དང་བཅས་པ། །ཁྱེད་རྣམས་ཀྱི་ཞལ་དུ་ཨོཾ་ཨཱཿཧཱུཾ།།ཨཻ་རྒྱལཀུན་གསང་གསུམ་བདག་པོའི་ཞིང་ཁམས། །བྱང་ཕྱོགས་ལྕང་ལོ་ཅན་གྱི་གནས་ནས། །ཚུལ་ཁྲིམས་བསླབ་གསུམ་དག་པའི་སྲུང་མ།།རྒྱལ་བོ་ཆེན་པོ་རྣམ་མང་ཐོས་སྲས། །ཐུགས་སྤྲུལ་གནོད་སྦྱིན་རྟ་བདག་བརྒྱད་སོགས། །གྲངས་མེད་ནོར་ལྷའི་ཚོགས་དང་བཅས་པ། །ཁྱེད་རྣམ་ཀྱི་ཞལ་དུ་ཨོཾ་ཨཱཿཧཱུཾ། ཨཻ་འོག་མིན་བདེ་ཆེན་ཆོས་ཀྱི་ཞིང་ཁམས།།རི་བོ་མ་ལ་ཡ་ཡི་སྐྱེད་ཚལ། །ནུབ་ཕྱོགས་ཕ་ཝང་ལུང་བའི་སྐུ་མཁར། །གར་བཞུགས་སྡེ་བརྒྱད་དྲེགས་པའི་གནས་ནས། །འཛམ་གླིང་གནམ་ས་ཕྱེད་ཀྱི་བདག་པོ།།སྐྱེས་མཆོག་དམ་ཅན་རྡོ་རྗེ་ལེགས་པ། །དངོས་གྲུབ་མཆོག་སྩོལ་དམ་ཅན་ནོར་ལྷ། །ཐེལ་རང་སྟོང་དཔོན་མགར་བ་ནག་པོ།།ཐུགས་ཀྱི་དགྱེས་སྡེ་བསྟན་མ་བཅུ་གཉིས།།ལས་བཞི་མྱུར་སྒྲུབ་རུ་འདྲེན་སྡེ་བཞི། །ལྷ་ཀླུ་བཙན་བདུད་མ་མོའི་དཔུང་ཚོགས། །དགེ་བསྙེན་མཆེད་འཁོར་སུམ་བརྒྱ་དྲུག་ཅུ།།ཁྱེད་རྣམས་ཀྱི་ཞལ་དུ་ཨོཾ་ཨཱཿཧཱུཾ། ཨཻ་སངས་རྒྱས་རྣམ་པར་གཟིགས་པའི་སྤྱན་སྔར། །སེམས་བསྐྱེད་ནས་བཟུང་ས་བཅུ་བགྲོད་ཀྱང༌།།ཐུབ་བསྟན་ཆོས་འཁོར་སྐྱོང་བའི་སླད་དུ། །འབྲོག་གནས་ཚུལ་བཟུང་རྨ་རྒྱལ་སྤོམ་ར། །ཕྱོགས་བཞི་སྐྱོང་བའི་གཉན་ཆེན་སྡེ་བཞི།།བསྟན་སྐྱོང་རྨ་རིགས་སུམ་བརྒྱ་དྲུག་ཅུ། །རྨ་འཁོར་སྟོང་དང་ལྔ་བརྒྱའི་ཚོགས་དང༌། །བཅས་པ་ཁྱེད་རྣམས་ཀྱི་ཞལ་དུ་ཨོཾ་ཨཱཿཧཱུཾ།།
