རྨི་ལམ་རྟོགས་བརྗོད།
བཀའ་འགྱུར་ལས་བྱུང་བའི་རྨི་ལམ་བརྟག་ཚུལ།
བོད་སྐད་དུ། རྨི་ལམ་བརྟག་པ།
སངས་རྒྱས་ལ་ཕྱག་འཚལ་ལོ། །
རྨི་ལམ་སྣ་ཚོགས་ལས་བྱུང་བ། །
དེ་ཡི་བརྟག་པ་བཤད་པར་བྱ། །
དང་པོའི་ཐུན་ལ་རྨི་ལམ་བྱུང་། །
ལོ་གཅིག་ནང་དུ་འབྲས་བུ་འབྱིན།།
ཐུན་གཉིས་ཟླ་བ་བརྒྱད་བར་ལ། །
ཐུན་གསུམ་ཟླ་བ་གསུམ་གྱི་བར། །
ཐུན་བཞི་ཟླ་བ་ཕྱེད་བར་དུ། །
མཐོང་བར་འགྱུར་བ་ཐེ་ཚོམ་མེད། །
སྐྱ་རེངས་ཤར་བའི་དུས་ཉིད་ལ། །
ཞག་བཅུའི་ནང་དུ་འབྲས་བུ་འབྱིན། །
དེ་རྗེས་རབ་ཏུ་བཤད་བྱ་བ། །
ཉོན་ཅིག་དགེ་དང་མི་དགེའི་ལས། །
བཞོན་པ་བ་ལང་དང་ནི་གླང་ཆེན་ཞོན་པ་དང་། །
ཁང་བཟང་རི་རྩེ་དང་ནི་ནགས་ཀྱི་ལྗོན་ཤིང་དང་། །
གྲུ་ནང་འདུག་སྟེ་པི་ཝང་འཛིན་པར་བྱེད་པ་དང་། །
ཁ་ཟས་ཟ་ཞིང་ངུ་བྱེད་རྟག་པར་དངོས་པོ་འཐོབ། །
མཚོན་ཆས་རྡེག་དང་སྲོག་ཆགས་ཕྲ་མོས་ལུས་ཁེབས་དང་། །
དེ་བཞིན་ལུས་ཀྱི་ལྗན་ལྗིན་རྣམ་པར་དག་པ་དང་། །
བཤང་བའི་རྗེས་སུ་འཇུག་དང་ལུས་ལས་ཁྲག་འཛག་དང་། །
རྨི་ལམ་རྣམས་ན་བགྲོད་མིན་ལ་ཞུགས་ཤིས་པའོ། །
རྒྱལ་པོ་གླང་ཆེན་རྟ་མཆོག་དང་། །
འགྲོན་བུ་གླང་དང་བ་རྣམས་དང་། །
གང་གིས་གཉིད་ཀྱི་མཐའ་མར་མཐོང་། །
དེ་ཡི་ཉེ་དུ་མང་བོར་འགྱུར། །
