༄༅། །རང་མཐོང་སྐྱོན་ཡིན་དམན་ས་ཟུངས། ཀུན་མཁྱེན་པདྨ་དཀར་པོ།

༄༅། །རང་མཐོང་སྐྱོན་ཡིན་དམན་ས་ཟུངས།
ཀུན་མཁྱེན་པདྨ་དཀར་པོ།

རྟག་ཏུ་འཆར་ལ་ནུབ་པ་མི་སྲིད་པ། །
རྒྱལ་བ་ཀུན་གྱི་ཐུགས་རྗེའི་ཉི་མའོ། །
དེ་དང་དེ་ཡི་རེག་བྱས་ཡིད་ཚིམ་པས། །
ཐམས་ཅད་རྣམ་པ་ཀུན་གྱི་ཕྱག་གི་འོས། །

སྙིགས་དུས་ཕྱོགས་རིས་ཟུག་ངུ་ཆེ་བ་དང་། །
སྔོན་ལས་ཀྱིས་འཕངས་སྨྲ་མཆུ་མང་ན་ཡང་། །
རང་སྤྱོད་རྒྱལ་བའི་བསྟན་ལས་མ་གཡོལ་ན། །
བྱས་ཚད་འཚེངས་པ་ཡིན་ནོ་རིགས་ཀྱི་བུ། །

ངོས་སུ་ཚུལ་ལེགས་ལྐོག་ཏུ་བག་འཁྱལ་བའི། །
དགེ་སྦྱོང་འཇིག་རྟེན་མིག་ངོར་མཛེས་ན་ཡང་། །
གང་བྱས་རྣམ་སྨིན་རང་ལ་འོང་འདིས་སུ། །
མཛུབ་མོ་བཀུག་ལ་རང་རྒྱུད་རེངས་མ་འཇུག །

བླ་ཆེན་རྣམས་ནས་གྲྭ་རྐྱང་གཉོམ་ཆུང་བར། །
ཟང་ཟིང་ནོར་ཕྱུགས་ངོམ་ཞིང་གཞན་དགའ་ཡང་། །
དེ་འདྲ་འདུལ་བ་དམད་པའི་ལས་ཡིན་གྱི། །
གང་ལའང་དྲོད་རིགས་འདོད་ཆུང་ཆོག་ཤེས་གྱིས། །

བག་ཆགས་ངན་པ་འགྲོགས་ཡུན་རིང་འདིས་སུ། །
གར་སླེབས་ངེས་པ་མེད་པས་སྒོ་གསུམ་སྤྱོད། །
ཅི་བྱེད་སྔོན་དུ་ལེགས་པར་བརྟགས་ནས་སུ། །
ཆོས་མཐུན་གང་ཡིན་གྱིས་ལ་གཞན་མ་བཤོལ། །

སྦྱིན་པས་བོས་ལ་སྙན་པའི་གཏམ་སྨྲ་ཞིང་། །
དོན་སྤྱོད་བག་ཕེབས་གྱུར་ནས་དོན་མཐུན་པར། །
གཏན་གྱི་དོན་ཆེན་སྒྲུབ་ལ་སྦྱར་ནུས་ན། །
འགྲོ་དོན་ཆེན་པོ་འོང་གི་ཐེ་མ་ཚོམ། །

སྙིགས་དུས་ལོག་སྒྲུབ་དར་བའི་འཁོར་གྱི་ཁྲོད། །
བཟོད་པ་ཁོང་བདེན་འཇམ་ལ་ཐབས་མཁས་པས། །
རྣལ་མར་སྒྲུབ་པའི་ཆོ་ག་སྦྱོར་ཤེས་ན། །
ཐམས་ཅད་འདུན་པ་ལག་པའི་རྩེ་ལ་འོང་། །

གལ་ཏེ་བྱས་ཀྱང་ཚབས་སུ་མི་འགྲོ་ན། །
སྔོན་ལས་ཡིན་གྱི་དེ་རུ་སྡིག་པ་སྦྱོངས། །
དཀོན་མཆོག་གསུམ་ལ་ར་མདའ་ཞུ་བ་ལས། །
གཞན་པའི་ཐབས་གཞན་མི་དགོས་དེ་ཡིས་ཆོག །

ཐ་སྙད་ཀྱོག་པོའི་འཐེན་ཁྱེར་ཆོས་ཀྱི་དགྲ། །
དེ་བསྐྱུར་བཀའ་དང་དགོངས་འགྲེལ་གཞུང་ཀུན་དང་། །
ཚིག་དོན་ཞུ་དག་ཐུབ་པའི་ཐོས་པ་ལ། །
བསམ་ཞིག་བཏང་ན་བསྟན་པ་གཟུང་བ་ཡང་། །

ལན་རེར་གོ་བ་དཀའ་ཡང་ཡང་དང་ཡང་། །
མཇལ་དང་ངེས་རྟོགས་དགོས་ཀྱི་དེ་དང་དེར། །
ཀློག་པའི་མོད་ལ་ཡིད་སུན་མི་སྐྱེ་བར། །
ཚིག་དོན་གར་སོང་གདོས་དང་ཀུན་ཤེས་འབྱུང་། །

ཤིན་ཏུ་ཟབ་མོའི་གནས་ལ་ཐེ་ཚོམ་ན། །
དད་པའི་སྟོབས་ལས་གཞན་གྱིས་རྙེད་དཀའ་བས། །
མཚན་ལྡན་བླ་མ་དམ་པར་བློ་བཀལ་ནས། །
རྩེ་གཅིག་གསོལ་བ་ཐོབ་དང་འདོད་དོན་འགྲུབ། །

མདོར་ན་རང་མཐོང་སྐྱོན་ཡིན་དམན་ས་ཟུངས། །
གཞན་ངོར་མི་འགྲོ་དགེ་ཡང་ཅམ་གྱིས་ཞོག །
ཕན་འགྱུར་སྲོག་ལ་མི་བལྟ་སྒྲུབ་ལ་ཐུག །
དེ་སྐད་པདྨ་དཀར་པོའི་ལེགས་བཤད་གསུང་། །

མྱངས་ན་ཞིམ་པ་གང་ལ་བསྲིངས་འདིས་སུ། །
བློ་གསལ་བུང་བའི་སྡེ་རྣམས་ཡིད་དགའ་བའི། །
ཟློས་གར་ཆེན་པོས་ས་འདི་ཁྱབ་གྱུར་ཅིག །