༄༅། །ཞུས་དག་བྱ་བའི་ཚུལ་བཞུགས་སོ། །

       ༄༅། །ན་མ་སརྦ་ཛྙཱ། ཤེས་བྱའི་ཀུན་འགྲོར་མཁྱེན་པའི་འོད་དཀར་འཕྲོ། །ས་བཅུའི་ཁྱིམ་མང་སྤྱོད་པའི་མྱུར་འགྲོས་མཁན། །བརྩེ་ལྡན་དབྱངས་ཅན་ལྷ་མོ་ཟླ་བཞིན་མ། །ཁྱོད་ཀྱིས་བདག་བློའི་ཀུ་མུད་དེ་རིང་སྐྱོངས། །ཞེས་མཆོད་པར་བརྗོད་ནས། འདིར་ཞུས་དག་བྱ་བའི་ཡུལ་ནི། རྒྱལ་བའི་གསུང་རབ་ལ་དག་དང་མ་དག་གི་དབྱེ་བ་མེད་མོད། འོ་ན་ཅི་ཞེ་ན། ཆོས་རྗེས་སུ་དྲན་པའི་མདོར། དམ་པའི་ཆོས་ནི་ཐོག་མཐའ་བར་གསུམ་དགེ་བ། དོན་བཟང་པོ། ཚིག་འབྲུ་བཟང་པོ། བཅོམ་ལྡན་འདས་ཀྱིས་ལེགས་པར་གསུངས་པ། དུས་ཆད་པ་མེད་པ། འདི་མཐོང་བ་རྣམས་ལ་དོན་ཡོད་པ། མཁས་པ་རྣམས་ཀྱི་སོ་སོ་རང་རང་གིས་རིག་པར་བྱ་བ། ཡོངས་སུ་དག་པ། ཡོངས་སུ་བྱང་བ། རྫོགས་པའི་བྱང་ཆུབ་ཏུ་འགྲོ་བར་བྱེད་པ། ཞེས་ཧྲབ་བསྡུས་སུ་བཀོད་པ་དེ་ལྟར་ཡིན་ལ། དེ་ལྟར་གསུངས་པས་སོ། །
       འོ་ན་གསུང་རབ་ལ་ཞུས་དག་མི་དགོས་སམ་ཞེ་ན། ངེས་པར་བྱེད་དགོས་ཏེ། དེ་ཡང་རང་ཅག་ལམ་དུ་མ་ཞུགས་པའི་སོ་སོ་སྐྱེ་བོ་སྦྱངས་པའི་ཡོན་ཏན་དང་དངོས་སྟོབས་ཀྱི་རིག་པ་དམན་པ་སོ་སོ་རིག་བཞི་མ་ཐོབ་པ་རྣམས་ཀྱིས་འབད་ནས་འཆད་རྩོད་རྩོམ་གསུམ་ལ་ཞུགས་ཀྱང་ནོངས་པ་འགའ་རེ་སྣང་བ་སླད་དུ་དལ་གྱི་གཏན་ལ་དབབ་དགོས་སོ། །གཏན་ལ་འབེབས་ཚུལ་ནི། སྒྲའི་གཞུང་དོན་ལ་སྦྱར་ནས་དང་། ལོ་པཎ་རྣམས་ཀྱི་སྐད་རིགས་རང་རང་དུ་བསྒྱུར་པ་དེ་ལས་དང་། སྔོན་གྱི་བརྡ་རྙིང་དང་། བརྡེབས་དག །དཀར་ནག་རྩིས་བརྡ་ལས་ཇི་ལྟར་འབྱུང་བ་དང་སྦྱར་ནས་གཏན་ལ་འབེབས་སོ། །བདག་གི་ཆོས་བརྒྱད་ཀྱི་རྒྱུད་གང་བའི་མཁས་ཁྱད་དང་། ཕོ་ཚོད་མ་སྐྱུར་བར་ཕྱི་མོ་དང་དག་བསྡུར་བྱ་ཕྱིར་མཚལ་གྱི་བརྡ་འདི་ལྟར་བྱས་སོ། །
       མ་དག་པར་ཤེས་པ་རྣམས་ཤད་འཐེན། རྐང་ཆད་པར་ཐིག་ལེ། ཐེ་ཚོམ་ཟོས་པར་གསུམ་འཁྱོགས། གོང་འོག་འཁྲུགས་པར་རྒྱ་གྲམ་གམ་ཀ་ཐོས་བརྒྱན་པ། མ་དག་པ་ཆེན་པོ་འདུག་པ་ཞ་ལུ་ལོ་ཙཱ་བའི་སྔགས་འབུམ་དང་བསྟུན་ནས་ཤོག་མཚན་རྣམས་རང་གི་བློ་སྟོབས་ཀྱིས་གང་ནུས་ཞུས། མཁས་པའི་དབང་པོ་ཡིན་ངེས་སྦྱངས་པ་ཅན་བློ་གཟུ་བོར་གནས་པ། ཤ་བ་ཆེ་ལ་རིལ་མ་ཆུང་བ་མ་ཡིན་པ་རྣམས་ཀྱི་བདག་གི་འདི་བས་ལྷག་པ་མཛད་དུ་ལོ་ན་བརྩེ་བས་གཟིགས་ནས་བསྟན་པའི་ག་བརྡར་དང་སྟོན་པ་དང་མཁས་པའི་དྲིན་གཟོ་མཛོད་ཅེས་གསོལ་བ་གདབ་སྤྲོ་ལགས། མཆན་ཡིག་འབེབས་ཚུལ། ཞུས་དག་བྱེད་ཚུལ། མཆན་ཡིག་འབྲི་ཚུལ་རྣམས་སྤང་ལོའི་གསུང་བཞིན་བཀོད། ཤུ་བྷཾ།། །།