བར་བྱོལ་གྱི་གླུ།

བར་བྱོལ་གྱི་གླུ།

     བར་བྱོལ་བའི་གླུ་ནི་ཕན་ཚུན་གཉིས་ཀ་མཚང་བྲུས་བའམ་སྐྱོན་བརྗོད་མང་དྲགས་ན་གཟུ་བོར་གནས་པའི་ཉན་མཁན་ནི་བར་མཚམས་སུ་ལངས་ནས་བར་འབྱེད་དང་འདུམ་བྱེད་པའི་ལེན་ཐབས་ཤིག་ཡིན།  དཔེར་ན།

ཕོས།

རྫ་རོག་པོ་སུ་རུའི་གདོང་ཟུར་ན། །
འབྲོང་དར་མས་རྭ་རྩེ་བྲག་ལ་བརྡར། །
སྦྲ་མཐིང་སྨུག་འབྲོག་པའི་ལྷས་དཀྱིལ་ན། །
མཛོ་ཁྱུང་དཀར་སུག་བཞི་སྤང་ལ་རྡེབ། །
ང་འབྲོང་ཕྲུག་ལངས་ལ་བར་ཞིག་འབྱོལ། །
ཁྲོམ་པའི་གྲལ་གྱི་གྲལ་མགོ་ན། །
ཕ་ཨ་ཁུས་སྲིད་པའི་ཆགས་རིམ་བཤད། །
མ་སྲུ་མོས་འབྲུག་མོའི་དྲུག་འགྱུར་ལེན། །
ང་གླུ་བ་ལངས་ལ་བར་ཞིག་འབྱོལ། །
མོས།
སྤང་ཨ་ལོང་འདྲ་བའི་གཞི་དཀྱིལ་ན། །
རྐྱང་མ་བུ་སྟོང་དང་ལྔ་བརྒྱ་འཚོགས། །
སྐྱིད་ཇ་ཆང་རྩེ་སྒོ་ཤགས་ལ་འགྲན། །
མགོ་ལ་ཐོད་ཅན་གྱི་ཁོ་བཟང་ཟེར། །
རྒྱབ་དུང་ར་ཅན་གྱི་མོ་བཟང་ཟེར། །
ཕྱི་ཁྲོམ་པའི་གྲལ་ན་འདྲ་འདྲ་རེད། །