༄༅། །རྒྱལ་བུ་དྲི་མེད་ཀུན་ལྡན་གྱི་རྣམ་ཐར།
རྩོམ་པ་པོ།：མི་གསལ།
ཡོང་ཁུངས།：མཚོ་སྔོན་པོ་དྲ་བ།
དུས་ཚོད།：2020-04-07
ཀློག་གྲངས།：
དགེ་རྒན། གཞུང༌། སྔོན་གྲུབ་ཐོབ་ཐང་སྟོང་རྒྱལ་པོས་མཛད་པའི་མཛད་ཚུལ་ལ། དང་པོ་རྔོན་པའི་ས་བཅག་དང༌། གཉིས་པ་རྒྱ་ལུའི་སྦྱིན་འབེབས། གསུམ་པ་ལྷ་མོའི་གླུ་གར་ལ་སོགས་པའི་གཞུང་བཟང་པོ་མང་པོ་ཡོད་ཀྱང་ཚིག་འདུས་པར་བྱས་པ།
ཞབས་དྲུང༌། ལྡབ་སྐྱོར།
དགེ་རྒན། དེའང་རྒྱལ་བའི་བཀའ་འགྱུར་རིན་པོ་ཆེ་ལས་རྒྱལ་རབས་གསལ་བའི་མེ་ལོང་ཇི་སྙེད་ཅིག་ཡོད་པ་ཡིན། ཉི་མ་དེ་རིང་གི་སྐབས་སུ་གཙོ་བོ་མགོ་འདྲེན་དཔོན་པོ་དང་ཡང་སྒོས་བརྒྱ་སྡེ་ཁྲོམ་པར་ཆོས་ཀྱི་རྒྱལ་པོ་དྲི་མེད་ཀུན་ལྡན་གྱི་རྣམ་ཐར་ལེའུ་ནས་འབུལ་རྒྱུ་ཡིན།
ཞབས་དྲུང༌། ལྡབ་སྐྱོར།
དགེ་རྒན། གཞུང༌། དེའང་ཨོཾ་མ་ཎི་པདྨེ་ཧཱུྃ།། འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། སྔོན་སྐལ་པ་དཔག་ཏུ་མེད་པའི་སྔ་རོལ་ན་ཡུལ་བྷེ་ཏའི་གྲོང་ཁྱེར་ཆེན་པོ་རུ། རྒྱལ་པོ་ས་སྐྱོང་གྲགས་པའི་དཔལ་ཞེས་བྱ་བ། བློན་པོ་སུམ་སྟོང༌། རྒྱལ་ཕྲན་དྲུག་ཅུ་ལ་དབང་མཛད་པ་ནོར་བུ་བསམ་འཕེལ་ལ་སོགས་ནོར་བུའི་རིགས་ཆས་ཀྱང་བསམ་གྱིས་མི་ཁྱབ་པ་ཡོད་པ་ཡིན།
ཞབས་དྲུང༌། ལྡབ་སྐྱོར།
དགེ་རྒན། གཞུང༌། གཞན་ཡང་གང་ལས་ལྷག་པའི་ནོར་བུ་དགོས་འདོད་ཀུན་བྱུང་ཞེས་པ་རང་གི་བསམ་པའི་དོན་ཐམས་ཅད་སྐད་ཅིག་ཉིད་ལ་གྲུབ་པ་ཞིག་ཀྱང་ཡོད།
ཞབས་དྲུང༌། ལྡབ་སྐྱོར།
དགེ་རྒན། གཞུང༌། འོན་ཀྱང་སྟོབས་དང་ལྡན་པའི་རྒྱལ་པོ་དེ་ལ་རིགས་རྒྱུད་དང་ལྡན་པའི་བཙུན་མོ་ལྔ་བརྒྱ་ནོར་ལོངས་སྤྱོད་དང་ལྡན་པའི་བཙུན་མོ་ལྔ་བརྒྱ། ཤིན་ཏུ་མཛེས་པའི་བཙུན་མོ་ལྔ་བརྒྱ་བཅས་བཙུན་མོ་ཕྱེད་དང་ཉིས་སྟོང་ཁབ་ན་ཡོད་ཀྱང་སྲས་གཅིག་ཀྱང་མེད་པས་རྒྱལ་པོ་ཐུགས་མི་བདེ་ཞིང་མོ་དང་རྩིས་བྱ་དགོས་ཐུགས་ལ་དགོངས་སོ།
ཡབ་ས་སྐྱོང་གྲགས་པ་དང་ཡུམ་དགེ་ལྡན་བཟང་པོ་ཕྱགས་ཕེབས་ཤིག
ཡབ། གཞུང༌། ཡུམ་ཆེན་ཨ་མ་ལགས་ལ་ཞུ་བར་བྱེད་པ་ལ། རང་ཅག་གཉིས་ཕོ་བྲང་བཀའ་ཞལ་མཐིལ་དུ་སྐལ་པ་བཟང་པོ་གང་འདྲ་ར་ཞིག་མིན་འདུག་གམ།
ཡུམ་དགེ་ལྡན་བཟང་མོ། གཞུང༌། སྐལ་པ་འདི་རུ་མ་བཟང་གང་རུ་བཟང༌། ཉམས་བཟང་འདི་རུ་མ་བཟང་གང་རུ་བཟང༌།
ལྡབ་སྐྱོར་རྣམ་ཐར།
དགེ་རྒན། གཞུང༌། ཆོས་བློན་ཟླ་བ་བཟང་པོ་ཕྱག་ཕེབས་ཤིག ཆོས་གནས་མོ་པ་ཕྱག་ཕེབས་ཤིག
ཟླ་བ་བཟང་པོ། སྐད་ཆ། ཆོས་གནས་ལགས་ལ་ཞུ་རྒྱུར། ང་ཚོའི་རྒྱལ་པོར་བཙུན་མོ་ཉིས་སྟོང་ལྔ་བརྒྱ་ཡོད་ཀྱང་སྲས་གཅིག་ཀྱང་མེད་སྟབས། ཁྱེད་ཀྱིས་ཕྱག་མོ་ཞིག་གནང་རོགས་གནང༌།
ཆོས་གནས། སྐད་ཆ། མོ་ངས་རྒྱབ་ཆོག་ཀྱང༌། ཞབས་བརྟན་གནང་ཡས་དེ་ཚོ་ཡག་པོ་གནང་དགོས།
ཟླ་བ་བཟང་པོ། སྐད་ཆ། དེ་ཚོ་གནང་དག་ཡོག་མ་རེད།
ཆོས་གནས། སྐད་ཆ། ངའི་མོ་ལ་བབ་ཡས་ལ། ཡར་དཀོན་མཆོག་ལ་མཆོད་པ་དང༌། མར་ངན་སློང་ལ་སྦྱིན་པ། བར་དགེ་འདུན་ལ་བསྙེན་བཀུར་བཅས་ཞུས་ན། བཙུན་མོ་ཕྱེད་ཉིས་སྟོང་གི་ནང་ནས་དགེ་ལྡན་བཟང་མོར་བྱང་ཆུབ་སེམས་དཔའི་སྤྲུལ་པ་ཡིན་པའི་སྲས་ཤིག་འཁྲུངས་པ་ཡོད་ཟེར་བ་བབས་སོང༌།
ལྡབ་སྐྱོར་རྣམ་ཐར།
དགེ་རྒན། གཞུང༌། མོ་པའི་ཐུགས་དམ་ལ་མཆོད་འབུལ་རྒྱ་ཆེར་བསྒྲུབ་ན། བུད་མེད་ཀྱི་སྐྱོན་ལྔ་སྤངས་ཤིང་ཡོན་ཏན་བརྒྱད་དང་ལྡན་པའི་བཙུན་མོ་དགེ་ལྡན་བཟང་མོར་སྲས་ཁྱད་པར་ཅན་ཞིག་འཁྲུངས་ཞེས་གསལ། གཞན་ཡང་བཙུན་མོ་དེ་ལ་རྨི་ལམ་ཤིན་ཏུ་བཟང་བ་ཞིག་རྨིས་པ་དེ་ཡབ་ལ་ཞུ་དགོས་དགོངས།
དགེ་ལྡན་བཟང་མོ། རྣམ་ཐར། མི་དབང་ཡབ་ཆེན་རྒྱལ་པོ་བདག་ལ་གསོན། གཉིད་ཀྱི་མཐུན་མཚམས་བཟང་པོ་ང་ལ་བྱུང༌།
ཡབ། རྣམ་ཐར། སེམས་ཉིད་མཐུན་པའི་དགེ་ལྡན་བཟང་མོ་དང༌། བདག་ཉིད་སྐད་ཅིག་མི་བྲལ་འགྲོགས་པ་ཡིན།
དགེ་རྒན། གཞུང༌། ཡུམ་གྱིས་རྨི་ལམ་བཟང་པོ་ཡབ་ལ་ཞུས། ཡབ་ཀྱིས་དེ་དོན་དཔྱད་པ་མཛད་པ་ལ། སྤྱི་བོ་བདེ་བ་ཆེན་པོའི་འཁོར་ལོ་རུ། གསེར་གྱི་རྡོ་རྗེ་འབར་བ་སྐྱེས་པ་དེ། སྐྱོང་བྱེད་ཀུན་གྱི་རྗེ་བོ་ཡོང་བ་ཡིན། འཇའ་དང་འོད་ཀྱི་གུར་ཁང་ཕུབས་པ་དེ། སངས་རྒྱས་སྤྲུལ་པའི་སྐུ་ཞིག་བྱོན་པ་ཡིན། ཡར་ལ་དཀོན་མཆོག་མཆོད་པའི་བྱིན་རླབས་དང༌། མར་ལ་སྦྱིན་པ་བཏང་བའི་འབྲས་བུ་དང༌། སྐྱབས་གནས་བསླུ་བ་མེད་པའི་དཀོན་མཆོག་གིས། བུ་མེད་རྒྱལ་པོར་བུ་ཞིག་འཁྲུངས་པའི་རྟགས། ཁྱེད་ཚོས་ཅིས་ཀྱང་རིམ་འགྲོ་སྒྲུབ་ལ་བརྩོན། དེ་ནས་ཟླ་དགུ་ངོ་བཅུ་སོང་མཚམས་སུ། ཡུམ་ལ་ཁྱད་པར་ཅན་གྱི་སྲས་ཤིག་འཁྲུངས། མཚན་ལ་དྲི་མེད་ཀུན་ལྡན་ཞེས་སུ་གསོལ། རྒྱལ་པོ་དྲི་མེད་ཀུན་ལྡན་བློན་འབངས་འཁོར་བཅས་ཕྱག་ཕེབས་ཤིག
དྲི་མེད་ཀུན་ལྡན། རྣམ་ཐར། ད་ཡང་མི་སྡོད་ད་ཡང་བཏང་ནས་འགྲོ། ཡབ་ཡུམ་བཞུགས་པའི་ཕྱོགས་སུ་བཏང་ནས་འགྲོ།
ལྡབ་སྐྱོར་རྣམ་ཐར།
ཨོཾ་མ་ཎི་པདྨེ་ཧཱུྃ་ཧྲེ། ཡར་གསུམ་དཀོན་མཆོག་གསུམ་ལ་ཕྱག་འཚལ་ལོ།
དགེ་རྒན། གཞུང༌། དྲི་མེད་ཀུན་ལྡན་དགུང་ལོ་ལྔར་ཕེབས་དུས། གཏམ་དང་ཡིག་རྩིས་རྣམས་ཀྱང་བྱང་ཞིང་ཆུབ། སེམས་ཅན་རྣམས་ལ་སྙིང་རྗེ་དགོངས་ནས་ནི། ཡང་ཡང་སྤྱན་ཆབ་བསིལ་བ་མང་དུ་བྱུང༌།
ཡབ། རྣམ་ཐར། ང་ཡིས་བསམ་ན་དྲི་མེད་ཀུན་ལྡན་དོན་གྲུབ་ཁྱེད། དང་པོ་མ་སྐྱེས་སྡུག་བསྔལ་བསམ་མི་ཁྱབ།
ལྡབ་སྐྱོར་རྣམ་ཐར།
དགེ་རྒན། གཞུང༌། བདག་གིས་བསགས་པའི་ནོར་རྫས་ཐམས་ཅད་ནི། བུ་ཁྱོད་ཅི་དགར་འཁྱེར་ལ་སྦྱིན་པ་ཐོངས། སྦྱིན་པ་ཞུ་མཁན་རྣམས་ཕྱག་ཕེབས་ཤིག
སྦྱིན་པ་ཞུ་མཁན། སྐད་ཆ། རྒྱལ་པོ་དྲི་མེད་ཀུན་ལྡན། བདག་ལ་སྦྱིན་པ་གནང་བར་ཞུ།
བློན་པོ། སྐད་ཆ། སྤྲང་པོ་ཁྱོད་ཚོ་རྒྱལ་པོའི་ཕོ་བྲང་སྒོ་འགྲམ་ལ་ག་རེ་བྱེད་ཀྱི་ཡོད།
སྦྱིན་པ་ཞུ་མཁན། སྐད་ཆ། ང་ཚོ་སྦྱིན་པ་ཞུ་མཁན་ཡིན།
བློན་པོ། སྐད་ཆ། སྦྱིན་པ་ཞུ་མཁན་ཡིན་ན་འགྲིག་ཞག ང་ཚོའི་ཆོས་ཀྱི་རྒྱལ་པོ་དྲི་མེད་ཀུན་ལྡན་ལ་ཞུས་ན་ཐུགས་མཉེས་པོ་གནང་གི་རེད། ཁྱོད་ཚོ་བྷ་ཛ་གུ་རུ་བགྲངས་ནས་སྡོད་ཨ། རྒྱལ་པོ་རིན་པོ་ཆེ། ང་ཚོའི་ཕོ་བྲང་གི་སྒོ་འགྲམ་ལ་སྦྱིན་པ་ཞུ་མཁན་མི་ཉུང་བ་ཞིག་སླེབས་འདུག
དྲི་མེད་ཀུན་ལྡན། སྐད་ཆ། སྙིང་རྗེ། ཁོ་ཚོ་ཡར་སྐད་ཐོངས། སྦྱིན་པ་གནང་ནས་མ་ཎི་བགྲོངས་ཞེས་གསུངས།
ལྡབ་སྐྱོར་རྣམ་ཐར།
དགེ་རྒན། འདོན། རྒྱལ་པོས་སྦྱིན་པ་དཔག་ཏུ་མེད་པ་གནང་སྟབས་ཐམས་ཅད་དབུལ་པོའི་སྡུག་བསྔལ་ལས་སྒྲོལ། དེ་ནས་བདུད་བློན་ཏཱ་ར་འཛིན་དེ་ཡབ་ཀྱི་དྲུང་དུ་ཕྱག་ཕེབས་ཤིག
ཏཱ་ར་འཛིན། རྣམ་ཐར། དེ་བས་རྒྱལ་པོ་དྲི་མེད་ཀུན་ལྡན་ལ། བཙུན་མོ་བླངས་ན་ནོར་ལ་བསྡམས་པ་གྲགས། ལྡབ་སྐྱོར་རྣམ་ཐར།
དགེ་རྒན། གཞུང༌། དེ་ནས་བདུད་བློན་ཏཱ་ར་འཛིན་དེ་ཡིས། མི་དབང་རྒྱལ་པོ་ཆེན་པོ་བདག་ལ་དགོངས། ཁྱེད་ཀྱིས་བསགས་པའི་ནོར་རྫས་ཐམས་ཅད་ནི། དྲི་མེད་ཀུན་ལྡན་དེ་ཡིས་མེད་པར་བྱས། དེ་བས་རྒྱལ་པོ་དྲི་མེད་ཀུན་ལྡན་ལ། བཙུན་མོ་བླངས་ན་ནོར་ལ་བསྡམས་པ་གྲགས། ཞེས་གསུངས་རྒྱལ་བློན་རྣམས་ཀྱིས་གྲོས་བྱས་ནས། ཡུལ་ལུང་པད་མ་ཅན་ཞེས་བྱ་བ་ལ། རྒྱལ་པོ་ཟླ་བ་བཟང་པོ་ཞེས་བྱ་བའི། སྲས་མོ་མན་ཏེ་བཟང་མོ་ཞེས་བྱ་བ། ལྷ་ཡི་བུ་མོ་ལྟར་གྱི་ཡིད་འོང་མ། ཆོས་ཀྱི་རྒྱལ་པོ་དྲི་མེད་ཀུན་ལྡན་གྱི། བཙུན་མོར་གདན་འདྲེན་པར་ཞུ་ཞིག བློན་པོ་རྣམས་ཀྱིས་བཀྲ་ཤིས་བདེ་ལེགས་ཀྱི་མཇལ་དར་ཕུལ།
མན་ཏེ་བཟང་མོ། རྣམ་ཐར། དྲི་མས་མ་འགོས་རྒྱལ་བ་རྣམས་དང་མཚུངས། ཀུན་དང་མཐུན་པས་ཡོན་ཏན་བསམ་ལས་འདས།
དྲི་མེད་ཀུན་ལྡན། རྣམ་ཐར། བཟང་མོ་རབ་མཛེས་ལྷ་མོ་ཁྱོད་མཐོང་ནས། ང་ཡང་དགའ་ཞིང་སེམས་ཀྱང་རབ་ཏུ་སྤྲོ།
དགེ་རྒན། གཞུང༌། མན་ཏེ་བཟང་པོས་དྲི་མེད་ཀུན་ལྡན་ལ། དྲི་མས་མ་འགོས་རྒྱལ་བ་རྣམས་དང་མཚུངས། ཀུན་དང་མཐུན་པས་ཡོན་ཏན་བསམ་ལས་འདས། ཞེས་གསུངས་རྒྱལ་པོས་མན་ཏེ་བཟང་མོ་ལ། ཡེ་ནས་མ་བཅོས་མཛེས་སྡུག་ལྷ་མོའི་སྐུ། བདེ་བའི་གར་འགྱུར་སྙན་པའི་གླུ་དབྱངས་འབྱིན། བཟང་མོ་རབ་མཛེས་ལྷ་མོ་ཁྱོད་མཐོང་ནས། ང་ནི་དགའ་ཞིང་སེམས་ཀྱང་རབ་ཏུ་སྤྲོ། རང་ཅག་གཉིས་པོ་སྨོན་ལམ་དབང་གིས་འཛོམས། ཕོ་བྲང་དགའ་བའི་བསམ་གླིང་དམ་པ་རུ། དགའ་བདེའི་དཔལ་ལ་སྤྱོད་དོ་དགའ་བར་བགྱིས། དེ་ནས་དུས་ཚོད་འགའ་ཞིག་སོང་མཚམས་སུ། རིགས་སྲས་ལྕམ་སྲིང་གསུམ་ཡང་རིམ་བཞིན་འཁྲུངས། ཆེ་བར་ལེགས་ལྡན་འབྲིང་བར་ལེགས་དཔལ་དང༌། ཆུང་བ་སྲས་མོར་ལེགས་མཛེས་མ་ཞེས་གསོལ། སྲས་ལྕམ་སྲིང་གསུམ་ཕྱག་ཕེབས་ཤིག
ལྡབ་སྐྱོར་རྣམ་ཐར།
ལེགས་ལྡན། རྣམ་ཐར། ཕ་གཅིག་བླ་མ་རྣམས་ལ་ཕྱག་འཚལ་ལོ། ཡང་ཅིག་དཀོན་མཆོག་གསུམ་ལ་སྐྱབས་སུ་མཆི།
དགེ་རྒན། གཞུང༌། སྲས་ལྕམ་སྲིང་གསུམ་པོ་རིམ་པར་བལྟམས། ཡབ་ཡུམ་གཉིས་པོ་ཐུགས་སེམས་ཤིན་ཏུ་མཉེས། དེ་ནས་དྲི་མེད་ཀུན་ལྡན་རྒྱལ་བློན་གཉིས། མེ་ཏོག་ལྡུམ་རའི་ནང་དུ་ཕྱག་ཕེབས་ཤིག
ལྡབ་སྐྱོར་རྣམ་ཐར། ཕོ་བྲང་ཕྱི་ནས་རྒྱལ་པོ་དྲི་མེད་ཀུན་ལྡན། སྦྱིན་པ་གནང་བར་ཞུ་ཞེས་པའི་སྐད་སྒྲ་སྒྲོག
གཞུང༌། རྒྱལ་བློན་གཉིས་པོ་ལྡུམ་རའི་ནང་ཕྱག་ཕེབས་ཤིག ཕོ་བྲང་སྒོ་རྩར་དཀྲེས་ལྟོགས་ཀྱིས་མནར་བའི་སྤྲང་པོ་མང་པོ་ཡོད་པ་གཟིགས། དེ་ལྟར་གཟིགས་པས་ཐུགས་སེམས་མི་བདེ་བར་སྤྱན་ཆབ་གནང་བཞིན་ཕོ་བྲང་དུ་ཕེབས། ཡབ་ས་སྐྱོང་གྲགས་པའང་ཐུགས་བློ་མི་བདེ་བར་སྲས་ཀྱི་དྲུང་དུ་ཕེབས།
ཡབ། རྣམ་ཐར། བདག་གི་དྲི་མེད་ཀུན་ལྡན་དོན་གྲུབ་པ། ཕོ་བྲང་ནང་དུ་ཅི་དགའ་མི་བྱེད་པར། མྱ་ངན་འདི་འདྲ་བྱེད་དོན་ཅི་ཞིག་ཡིན།
དགེ་རྒན། གཞུང༌། བུ་ཁྱོད་མྱ་ངན་བྱེད་དོན་ཅི་ཞིག་ཡིན། མ་གསང་དྲང་པོའི་གཏམ་དག་ང་ལ་ཤོད། ཅེས་གསུངས་རྒྱལ་བུ་དྲི་མེད་ཀུན་ལྡན་གྱིས། ཕོ་བྲང་སྒོ་ཕྱིར་འདུས་པའི་སྡུག་བསྔལ་མཐོང༌། དབུལ་ཞིང་ཕོངས་པའི་སྐྱེ་བོ་འབྱོར་མེད་ལ། ཡབ་ཀྱིས་ཡུན་དུ་བསགས་པའི་ནོར་རྫས་རྣམས། བདག་གིས་སྦྱིན་པ་བཏང་ན་མྱ་ངན་སྒྲོལ། ཞེས་ཞུས་རྒྱལ་པོས་བུ་ལ་འདི་ལྟར་གསུངས། བདག་ལ་བསམ་རྒྱུ་བུ་ལས་གཞན་མེད་པས། བུ་རང་ཅི་དགར་བགྱིས་ལ་སྦྱིན་པ་ཐོངས། ཞེས་གསུངས་ནོར་རྣམས་གཅིག་ཏུ་སྤུངས་ནས་སྦྱིན་པ་བཏང༌།
སྦྱིན་པ་ཞུ་མི་རྣམས་ཕྱག་ཕེབས་ཤིག
བློན་པོ། སྐད་ཆ། ཁྱེད་ཚོ་ལྟོགས་ཅོར་ཚ་པོ་དེ་འདྲ་ག་རེ་བྱེད་མཁན་ཡིན་ནམ།
སྤྲང་པོ། སྦྱིན་པ་ཞུ་མཁན་ཡིན།
བློན་པོ། སྐད་ཆ། ས་ཆ་ག་ནས་ཡིན།
སྤྲང་པོ། འཛམ་བུ་གླིང་གི་མི་ཡོད། བློན་པོ་རྒྱལ་པོའི་དྲུང་དུ་ཕྱིན།
བློན་པོ། སྐད་ཆ། རྒྱལ་པོ་རིན་པོ་ཆེ། ང་ཚོའི་ཕོ་བྲང་གི་སྒོ་འགྲམ་དུ་འཛམ་བུ་གླིང་གི་མི་སྣ། སྣ་ཚོགས་སྦྱིན་པ་ཞུ་བར་སླེབས་འདུག
དྲི་མེད་ཀུན་ལྡན། སྐད་ཆ། སྙིང་རྗེ། ཁོ་ཚོ་ཡར་འཁྲིད་ཤོག རྒྱལ་པོས་སྦྱིན་པ་གནང་ནས་མ་ཎི་བགྲངས་ཞེས་གསུངས། （རྒྱལ་པོས་སྦྱིན་པ་ཞུ་མི་རྣམས་ལ་སྦྱིན་པ་ཚིམས་པར་གནང་ནས་མ་ཎི་བགྲང་དུ་བཅུག）
དགེ་རྒན། གཞུང༌། དྲི་མེད་ཀུན་ལྡན་གྱི་མཚན་སྙན་འཛམ་གླིང་ས་ཕྱོགས་གང་སར་ཁྱབ། དེ་ལྟའི་མཛད་པ་རྒྱལ་པོ་ཤིང་ཁྲི་བཙན་པོས་གོ་ནས་བློ་སྣ་ལོག་པ་སྐྱེས། རྒྱལ་པོ་ཤིང་ཁྲི་བཙན་པོ་ཕྱག་ཕེབས་ཤིག
ལྡབ་སྐྱོར་རྣམ་ཐར།
ཤིང་ཁྲི་བཙན་པོ། རྣམ་ཐར། ང་ཡི་བཀའ་ཡི་བློན་པོ་རྣམ་པ་ཚོ། རྣ་བ་མ་གཡེང་ང་ཡི་གཏམ་ལ་ཉོན།
དགེ་རྒན། གཞུང༌། ཡུལ་ཕྱོགས་བྷེ་ཏའི་གྲོང་ཁྱེར་ཆེན་པོ་ན། རྒྱལ་བུ་དྲི་མེད་ཀུན་ལྡན་ཞེས་བྱ་བས། ནོར་རྣམས་ཕྱོགས་མེད་སྦྱིན་པར་གཏོང་བ་ཐོས། ཁོང་གི་ནོར་བུ་དགོས་འདོད་ཀུན་བྱུང་དེ། སློང་བར་འགྲོ་ནུས་སུ་ཡོད་ད་ལྟ་སྨྲོས། རྒྱལ་སྲིད་ཕྱེད་ཙམ་བརྔན་པར་བསྟེར་རྒྱུ་ཡིན། ཞེས་གསུངས་པས་བློན་པོའི་ཚོགས་དེ་དག་གི་ཁྲོད་དུ་བྲམ་ཟེ་རྒན་པོ་ཁ་ནང་སོ་མུ་ཏིག་ཙམ་མེད་པ་བྲམ་ཟེ་བློ་གྲོས་ཞུ་བ་ཕྱག་ཕེབས་ཤིག
བྲམ་ཟེ། རྣམ་ཐར། རྒྱལ་པོའི་བཀའ་བཞིན་བདག་གི་ཕྱིན་པས་ཆོག ལམ་ཆས་མཁོ་ཆས་རྒྱལ་པོས་གནང་བར་ཞུ།
ཤིང་ཁྲི་བཙན་པོ། རྣམ་ཐར། ང་ཡི་བཀའ་བཞིན་ཁྱོད་ཀྱིས་ཕྱིན་ཟེར་ན། ལམ་ཆས་ཡོ་་བྱད་ང་ཡིས་སྤྲད་པས་ཆོག
དགེ་རྒན། གཞུང༌། བྲམ་ཟེ་བློ་གྲོས་དེ་ཡིས་རང་ཡུལ་བྱེ་མ་ཤིང་དྲུང་ནས། ཡུལ་ཕྱོགས་བྷེ་ཏའི་གྲོང་ལ་ཕྱག་ཕེབས་ཤིག
བློན་པོ། སྐད་ཆ། ཨ་ཙི་རྒད་པོ་ཁྱོད་ཡུལ་ག་ནས་ཡོང་པ།
བྲམ་ཟེ། ངས་ས་ནག་པོ་འདོམས་ལ་འཇལ། སྤྲིན་དཀར་མོ་ཚད་ལ་བཙུགས་ནས་རྒྱལ་པོ་དྲི་མེད་ཀུན་ལྡན་ལ་སྦྱིན་པ་ཞུ་བར་ཡོང་བ་ཡིན། བློན་པོས་དེ་ལྟར་རྒྱལ་པོར་སྙན་སེང་ཞུས་པས་ཡར་ཁྲིད་ཤོག་གསུངས།
དགེ་རྒན། གཞུང༌། རྒྱལ་པོ་དང་བྲམ་ཟེ་བང་མཛོད་ནང་དུ་ཕྱག་ཕེབས་ཤིག
བྲམ་ཟེ། སྐད་ཆ། ནོར་བུ་དེ་ག་རེ་ཟེར་ཡས་དེ་རེད།
བློན་པོ། སྐད་ཆ། འདི་ནི་ནོར་བུ་བསམ་འཕེལ་རེད།
བྲམ་ཟེ། སྐད་ཆ། ནོར་བུ་འདི་ང་ལ་དགོས་པ་མིན་འདུག
རྣམ་ཐར། ནོར་བུ་བསམ་འཕེལ་བསམས་ནས་ཡོང་བ་མིན། དགོས་འདོད་ཀུན་བྱུང་བསམས་ནས་ཡོང་བ་ཡིན།
དྲི་མེད་ཀུན་ལྡན། གཞུང༌། བྲམ་ཟེ་ཁྱེད་ནི་ཐུགས་ཚབ་མ་མཛད་ཅིག ནོར་བུ་རིན་ཆེན་དགོས་འདོད་ཀུན་བྱུང་འདི། རྒྱ་མཚོའི་གཏིང་གི་ཀླུ་མོ་དཀར་པོ་ཡིས། སངས་རྒྱས་འོད་དཔག་མེད་ལ་ཕུལ་བ་ཡིན། འོད་དཔག་མེད་ཀྱིས་བདག་གི་ཡབ་ལ་གནང༌། ཡབ་ཀྱིས་བདག་ལ་གནང་བ་མ་ཡིན་ཀྱང༌། སྦྱིན་པ་ཆོས་ཀྱི་སྙིང་པོ་ཡིན་གྱུར་པས། འཆི་བ་སྲོག་ལ་བབས་ཀྱང་ཁྱེད་ལ་སྟེར། བྲམ་ཟེ་ཤིན་ཏུ་དགའ་བར་གྱུར།
བྲམ་ཟེ། རྣམ་ཐར། འགྲོ་དྲུག་འཁོར་བ་འཇོམས་པའི་དམག་དཔོན་ཅན། རྒྱལ་པོ་དཔའ་རྩལ་ཅན་ལ་ཕྱག་འཚལ་བསྟོད།
བློན་པོ། སྐད་ཆ། ད་མགྱོགས་ཙམ་མ་ཕེབས་ན། ཡབ་རྒྱལ་པོས་མཁྱེན་ན་སྲས་ལ་བཀའ་བཀྱོན་གནང་གི་རེད།
བྲམ་ཟེས་ནོར་བུ་རྒྱལ་པོ་ཤིང་ཁྲི་བཙན་པོར་ཕུལ།
དགེ་རྒན། གཞུང༌། བྲམ་ཟེ་བློ་གྲོས་བྱེ་མ་ཤིང་དྲུང་དུ་འབྱོར། ནོར་བུ་རིན་ཆེན་ཤིང་ཁྲི་བཙན་པོར་ཕུལ། རྒྱལ་པོས་ནོར་བུར་རྟེན་འབྲེལ་གནང་ནས་ནི། བློན་པོ་བྲམ་ཟེར་བྱ་དགའ་གྱ་ནོམ་གནང༌། ཆོས་ཀྱི་རྒྱལ་པོ་དྲི་མེད་ཀུན་ལྡན་དེ། ནོར་བུ་སྦྱིན་པས་ཐུགས་སེམས་མི་བདེ་བྱུང༌། དེ་ནས་བདུད་བློན་ཏ་ར་འཛིན་དེ་ཡང༌། ཡབ་ཆེན་རྒྱལ་པོའི་དྲུང་དུ་ཕྱག་ཕེབས་ཤིག
དམངས། རྟ་འདུར། གཞོན་པས་མདའ་མོ་ཞིག་མ་བཏང༌། གཞོན་པས་མདའ་མོ་ཞིག་བཏང་ཡོད། གཞོན་པས་མདའ་མོ་སྟེང་ཕྱོགས། ལྷ་ཡི་ཡུལ་ལ་བཏང་ཡོད།
ཏ་ར་འཛིན། རྣམ་ཐར། རྗེ་ཡི་ནོར་བུ་དགོས་འདོད་ཀུན་བྱུང་དེ། སྲས་ཀྱིས་ཕངས་མེད་དགྲ་ལ་སྦྱིན་ནས་འདུག
ཡབ། སྐད་ཆ། བློན་པོ་ཏ་ར་འཛིན་ལགས་དེ་ཚོ་དངོས་གནས་རེད་པས།
ཏ་ར་འཛིན། སྐད་ཆ། བདག་གིས་ཞུས་པ་བདེན་པར་མ་འཛིན་ན། རྒྱལ་པོ་བང་མཛོད་ནང་དུ་གཟིགས་པར་ཕེབས། རྒྱལ་པོ་ཁོང་ཁྲོ་ཆེན་པོས་སྲས་ཀྱི་རྩར་ཕེབས།
ཡབ། སྐད་ཆ། བློན་པོ་ཏ་ར་འཛིན་གྱིས་གསུངས་ཡས་ལ་ཁྱོད་ཀྱིས་ནོར་བུ་དགོས་འདོད་ཀུན་བྱུང་ཡང་སྟེར་བ་རེད་ཟེར་གྱི་འདུག དེ་བདེན་པ་ཡིན་མིན་ཁྱོད་ཀྱིས་གསལ་པོར་ཤོད།
དྲི་མེད་ཀུན་ལྡན། རྣམ་ཐར། ང་ནི་སྦྱིན་པའི་ལམ་ལ་ཤིན་ཏུ་མོས། སློང་མི་བྱུང་ན་བུ་དང་ཆུང་མ་སྟེར།
ཡབ། སྐད་ཆ། ཤར་གྱི་ཉི་མ་རྒས་ནས་ནུབ་ཏུ་བཞུད། རྒྱལ་པོའི་ཆབ་སྲིད་རླུང་ལ་བསྐུར་ནས་སོང༌། ཁྱོད་ཀྱི་སྲོག་དང་དགོས་འདོད་ཀུན་བྱུང་གཉིས། གཞན་ལ་སྟེར་རྒྱུའི་ཁ་ཆད་བྱས་ནས་མེད། རྒྱལ་པོ་ཁོང་ཁྲོ་ཆེན་པོས་དྲི་མེད་ཀུན་ལྡན་ལ་ཉེས་རྡུང་དྲག་པོ་བཏང༌།
ལྡབ་སྐྱོར་རྣམ་ཐར།
དགེ་རྒན། གཞུང༌། རྒྱལ་པོས་སྲས་ལ་ཕྱག་འཇུག་ཤིན་ཏུ་དྲག་པོ་གནང༌། ད་དུང་ཁྲིམས་ལ་སྦྱར་དགོས་དགོངས་ནས་བཤན་པ་གསུམ་པོ་འབོད།
བཤན་པ། གཞས། ས་མ་འདྲིས་བྱང་ཐང་སྐྱོ་མོ་རེད། འདྲིས་ཚར་ན་རང་གི་ཕ་ཡུལ་རེད།
ཏ་ར་འཛིན། སྐད་ཆ། མི་དབང་ཡབ་ཆེན་རྒྱལ་པོའི་བཀའ་བཞིན་དྲི་མེད་ཀུན་ལྡན་དེ་སྔ་ཐག་དང་ཕྱི་ཐག་བརྒྱབ་ནས་ཁྲིམས་གཅོད་ཡག་པོ་ཐོངས་ཤིག་གསུངས་ནས་འདུག
བཤན་པ། རྣམ་ཐར། ད་ཡང་འདི་རུ་མི་སྡོད་བཏང་ནས་འགྲོ། གནས་མཆོག་རྒྱལ་པོ་བཞུཊ་སར་བཏང་ནས་འགྲོ།
མན་ཏེ་བཟང་མོ། རྣམ་ཐར། ཀྱེ་མ་ཀྱི་ཧུད་དེ་འདྲའི་སྡུག་བསྔལ་ལ། ཀྱེ་མ་ཀྱི་ཧུད་ཇི་ལྟར་བྱས་ན་དགའ།
ཟླ་བ་བཟང་པོ། རྣམ་ཐར། ཨེ་མ་འཛམ་བུ་གླིང་གི་ངོ་མཚར་ཅན། ངོ་མཚར་རྨད་བྱུང་སངས་རྒྱས་སྤྲུལ་པའི་སྐུ།
ཡབ། རྣམ་ཐར། ལོ་ནི་བཅུ་གཉིས་བདུད་རིའི་རི་ལ་སྡོད། ད་ལྟ་སོང་ལ་ཡུལ་འདིར་མ་སྡོད་ཅིག
དགེ་རྒན། གཞུང༌། དེ་ལྟར་ཡབ་ཀྱི་བཀའ་བཞིན་བཤན་པ་སྤུན་གསུམ་གྱིས། དྲི་མེད་ཀུན་ལྡན་ཡུམ་སྲས་རྣམས་རྒྱན་གོས་དཀྲོལ། སྔ་ཐག་ཕྱི་ཐག་བརྒྱབ་ནས་ཉིན་མོ་ཕོ་བྲང་སྐོར་བ་བྱས། མཚན་མོ་ཤིན་ཏུ་ནག་པའི་མུན་པའི་བཙོན་ཁང་ནང་དུ་བཅུག དེ་ནས་མན་ཏེ་བཟང་མོ་ཐུགས་སྐྱོས་གདུང་བར་བྱས། དྲི་མེད་ཀུན་ལྡན་ལེགས་པའི་ལམ་ལ་མོས་ནའང༌། གོ་བ་མེད་པའི་རྒྱལ་བློན་ཁག་ཅིག་གིས། སྙིང་རྗེ་མེད་པའི་ཁྲིམས་གཅོད་འདི་འདྲ་བྱས། འདི་འདྲ་ཐོག་ཏུ་བབ་པ་ཅི་ཡིན་ནམ། ད་དུང་རྒྱལ་པོས་འདིར་ཚོགས་བློན་འབངས་རྣམས། འདི་ལ་ཆད་པ་གཅོད་རྒྱུ་ཅི་ཞིག་འདུག ཅེས་གསུངས་ཆོས་བློན་ཟླ་བ་བཟང་པོ་དེས། གཙུག་གི་རྒྱན་བྱེད་དྲི་མེད་ཀུན་ལྡན་འདི། ཕོ་བྲང་ཕྱི་ལ་སྐོར་བ་བྱེད་པའི་དུས། མན་ཏེ་བཟང་མོ་སྲས་དང་བཅས་པ་རྣམས། ཡབ་ཀྱི་ཕྱིར་འབྲངས་ཞལ་ལ་ལྟ་བཞིན་འདུག གྲོང་མི་རྒན་གཞོན་ཁྱེའུ་ཕོ་མོ་ཀུན། ཀུན་ལྡན་དེ་ལ་བལྟ་བཞིན་མྱ་ངན་བྱེད། དྲི་མེད་ཀུན་ལྡན་ཡུམ་གྱི་དྲུང་དུ་ཕྱག་ཕེབས་ཤིག
ལྡབ་སྐྱོར་རྣམ་ཐར།
དྲི་མེད་ཀུན་ལྡན། རྣམ་ཐར། དུས་གསུམ་བདེ་གཤེགས་ཐམས་ཅད་སྐྱེས་པའི་ཡུམ། ཚད་མེད་བཞི་དང་ཕ་རོལ་ཕྱིན་བཅུ་ལྡན།
དགེ་རྒན། གཞུང༌། དགོས་འདོད་རེ་བསྐོངས་འབྲས་བུ་སྨིན་པའི་མ། ཡུམ་ཆེན་ཨ་མ་བདག་ལ་ཚུར་གསོན་དང༌། བདག་གི་ནོར་བུ་རིན་ཆེན་དགྲ་ལ་སྦྱིན། ཡབ་ཀྱིས་བདག་ལབཀའ་བཀྱོན་ཆད་པ་མང་དུ་གནང༌། བདུད་རི་ཧ་ཤང་ཀེམ་ཀེམ་དེ་ལ་ནི། ལོ་ནི་བཅུ་གཉིས་བར་དུ་རྒྱང་འབུད་མཛད། ཡུམ་ཤིན་ཏུ་ཐུགས་སྐྱོ།
ཡུམ། རྣམ་ཐར། ཕྱོགས་བཅུར་བཞུགས་པའི་ཐུབ་དབང་རྒྱ་མཚོ་་མཆོག དེ་དག་ཐམས་ཅད་བདག་ལ་དགོངས་སུ་གསོལ།
དགེ་རྒན། གཞུང༌། བདག་གི་བུ་འདི་ལམ་ལ་བཞུགས་པའི་ཚེ། ལོག་པར་མི་འགྱུར་ཐར་ལམ་འདྲེན་པར་ཤོག མདོར་ན་ས་ཕྱོགས་གང་དུ་ཕེབས་རྒྱུར་ཀྱང༌། སྡུག་བསྔལ་མེད་ཅིང་བདེ་སྐྱིད་ལྡན་པར་ཤོག འགལ་རྐྱེན་ཞི་ཞིང་མཐུན་རྐྱེན་ཕུན་ཚོགས་ནས། རྒྱལ་པའི་སྲས་པོ་དྲི་མེད་ཀུན་ལྡན་འདི། ཐུགས་དགོངས་དཔག་བསམ་ཤིང་ལོ་རྒྱས་པར་ཤོག གལ་ཏེ་ཚེ་འདིར་མཇལ་བར་མ་གྱུར་ཀྱང༌། ཕྱི་མ་བདག་ཞིང་མཉམ་དུ་སྐྱེ་བར་ཤོག
ཡུམ། རྣམ་ཐར། ཀྱེ་མ་ཀྱི་ཧུད་དེ་འདྲའི་སྡུག་བསྔལ་ལ། ཀྱི་ཧུད་ཀྱི་ཧུད་ཇི་ལྟར་བྱས་ན་དགའ། དེ་ལྟར་ཡུམ་སྲས་ཞལ་བྲལ་མི་ཕོད་བཞིན་དུ་ཞལ་བྲལ།
ལྡབ་སྐྱོར་རྣམ་ཐར།
དགེ་རྒན། གཞུང༌། དབྱར་གསུམ་གཡུ་འབྲུག་སྔོན་མོའི་སྐད་ཐོས་ཚེ། དེ་དུས་ཨ་མ་དྲན་པའི་བརྡ་ཡིན་པས། བུ་ཁྱོད་ཨ་མ་ཟེར་ཞིང་ལན་གསུམ་འབོད། དགེ་ལྡན་བཟང་མོ་ཟེར་ཞིང་ལན་གསུམ་འབོད། མ་ངས་བུ་ཁྱོད་ཟེར་ཞིང་ལན་གསུམ་འབོད། དྲི་མེད་ཀུན་ལྡན་ཟེར་ཞིང་ལན་གསུམ་འབོད། དེ་ལྟར་ཡུམ་སྲས་ཞལ་བྲལ་མི་ཕོད་བཞིན། དྲི་མེད་ཀུན་ལྡན་ཡུམ་སྲས་ལྔ་པོ་ཕྱག་ཕེབས་ཤིག ཡང་ལམ་བར་རྒྱལ་པོ་དྲི་མེད་ཀུན་ལྡན་ལགས། བདག་ལ་བྱིན་པ་གནང་རོགས་ཞེས་ཞུས།
དྲི་མེད་ཀུན་ལྡན། སྐད་ཆ། ད་སྦྱིན་པ་ག་རེ་སྤྲོད་དགོས་རེད།
སྤྲང་པོ། རྟ་མཆོག་གནང་རོགས་གནང༌།
དྲི་མེད་ཀུན་ལྡན། གཞུང༌། རྟ་མཆོག་རིན་ཆེན་རླུང་གི་ཤུགས་ལྟར་མགྱོགས། ཤིང་རྟ་ཡིད་འོང་མེ་ཏོག་ཕྲེང་བས་མཛེས། ལྷག་བསམ་རྣམ་པར་དག་པའི་སྦྱིན་པ་ཡིས། རྫུ་འཕྲུལ་སྟོབས་ཀྱིས་ཤུགས་དང་ལྡན་པར་ཤོག ཅེས་གསུངས་ནས་རྟ་མཆོག་རིན་ཆེན་སྦྱིན་པ་གནང༌། ཡང་གོང་བཞིན་སྦྱིན་པ་ཞུ་མཁན་ཡོང༌།
གཞུང༌། གླང་པོ་རིན་ཆེན་འགྲོ་བར་བཟང་བ་ཡིས། རིན་ཆེན་གླིང་ཡང་སྐོར་བར་བྱེད་པ་ཡིན། བདག་ལ་ཤིན་ཏུ་དགོས་པ་ཆེས་ནའང༌། ཁྱེད་ལ་དགོས་ན་སྦྱིན་པ་ཕུལ་བ་ཡིན། ཞེས་གསུངས་ནས་གླང་པོ་རིན་ཆེན་དེའང་གནང༌།
དགེ་རྒན། གཞུང༌། ཡུམ་གྱི་ཐུགས་སྨོན་ལྟར་གནང་བ་བཞིན་དུ། དྲི་མེད་ཀུན་ལྡན་ཟེར་ཞིང་སྤྱན་ཆབ་གནང༌། དགུན་གསུམ་བསིལ་ཟེར་རླུང་བུ་ལྡང་བའི་དུས། བུ་ཁྱོད་ཨ་མ་དྲན་པའི་གསོལ་འདེབས་ཡོད། དེ་དུས་ཨ་མ་ཟེར་ཞིང་ལན་གསུམ་འབོད། དགེ་ལྡན་བཟང་མོ་ཟེར་ཞིང་ལན་གསུམ་འབོད། མ་ངས་བུ་ཁྱོད་ཟེར་ཞིང་ལན་གསུམ་འབོད། དྲི་མེད་ཀུན་ལྡན་ཟེར་ཞིང་ལན་གསུམ་འབོད། གལ་ཏེ་ཚེ་འདིར་མཇལ་བ་མ་བྱུང་ཡང༌། ཕྱི་མ་དག་ཞིང་མཉམ་དུ་སྐྱེ་བར་ཤོག དེ་ནས་བདུད་རིའི་ཕྱོགས་སུ་རིམ་བཞིན་ཕེབས། ལྕམ་སྲིང་གསུམ་པོ་ཞབས་སྐྲངས་ནས་ཕེབསམ་ཐུབ། ཡབ་ཀྱིས་བདེན་ཚིག་ཐུགས་སྨོན་གནང་བ་ཡིས། བདུད་རི་དཔག་ཚད་ལྔའི་བར་དུ་ཉེ་རུ་ཕྱིན། དེ་ནས་བྲམ་ཟེ་དབུལ་པོ་མི་གསུམ་ཡང༌། རྒྱལ་པོའི་མདུན་དུ་ཕྱག་ཕེབས་ཤིག རྒྱལ་པོ་དྲི་མེད་ཀུན་ལྡན་ལགས། བདག་ལ་སྦྱིན་པ་གནང་རོགས་ཞེས་ཞུས། ལྡབ་སྐྱོར་རྣམ་ཐར། བྲམ་ཟེ་གསུམ་གྱིས་སྲས་ལྕམ་སྲིང་གསུམ་པོ་སྦྱིན་པར་གནང་རོགས་ཞེས་ཞུས། དྲི་མེད་ཀུན་ལྡན་གྱིས་ཡུམ་མན་ཏེ་བཟང་མོ་ཐུགས་སྐྱོ་ཡི་རེད་དགོངས་ནས་ཤིང་ཏོག་འཚོལ་དུ་བཏང༌།
དྲི་མེད་ཀུན་ལྡན། རྣམ་ཐར། ལེགས་ལྡན་ལེགས་མཛེས་ལེགས་དཔལ་མ་དང་གསུམ། ཡུན་རིང་འགྲོགས་པའི་ཐ་མ་དེ་རིང་ཡིན།
ལེགས་དཔལ། རྣམ་ཐར། མ་འགྲོ་ཟེར་ན་ཡབ་ཀྱི་དམ་བཅའ་འགལ། འགྲོ་ཁར་མ་དང་མ་འཕྲད་བདག་ཡིད་སྐྱོ།
ལྕམ་སྲིང༌། རྣམ་ཐར། ལེགས་མཛེས་ཟེར་བའི་ན་ཆུང་རྨ་བྱ་ང། རིགས་ངན་བྲམ་ཟེའི་གཡོག་ཏུ་འགྲོ་དགོས་སྐྱོ། ལྡབ་སྐྱོར་རྣམ་ཐར།
དགེ་རྒན། གཞུང༌། མཐུན་པར་འགྲོགས་ནས་ཐ་མ་བྲལ་བ་དེ། འདུས་བྱས་མི་རྟག་ཀུན་གྱི་མཚན་ཉིད་ཡིན། འགྲོ་བ་རིགས་དྲུག་སེམས་ཅན་ཐམས་ཅད་ཀྱང༌། འདུས་ནས་བྲལ་བ་འདུག་གོ་ལྕམ་སྲིང་གསུམ། བྲམ་ཟེ་ཐུགས་དགོངས་རྫོགས་ཕྱིར་སོང་ཞིག་ཨང༌། མན་ཏེ་བཟང་མོ་དེའང་ཤིང་ཏོག་བསྣམས་ནས་རྒྱལ་པོའི་དྲུང་དུ་ཕྱག་ཕེབས་ཤིག
མན་ཏེ་བཟང་མོ། རྣམ་ཐར། ཁོག་པའི་སྙིང་དང་འདྲ་བའི་མིང་སྲིང་གསུམ། མ་ཤི་ཐུག་པའི་དུས་ཤིག་ཡོང་བར་ཤོག
དགེ་རྒན། ཉི་མ་ལྟ་བུའི་རབ་མཛེས་མིང་སྲིང་གསུམ། གློ་བུར་བྲམ་ཟེའི་སྤྲིན་ཚོགས་ཀྱིས་འཁྲིགས་ནས། བདག་གི་ལོ་ཏོག་མྱ་ངན་སེར་བས་བཅོམ། བླ་མ་ལྷ་དང་དཀོན་མཆོག་རྣམ་པ་གསུམ། བདག་ཅག་མ་བུ་རྣམས་ཀྱིས་ལམ་སྣེ་དྲོངས། ཞེས་གསུངས་ཐུགས་འཕྲེང་ཤིན་ཏུ་མཛད་པ་ཡིས། རྒྱལ་པོས་སྦྱིན་པའི་བགེགས་སུ་མ་བྱེད་གསུངས། དེ་ནས་བདུད་རིའི་ཕྱོགས་སུ་ཕེབས་པ་ལ། ལམ་བར་ཆུ་བོ་ཆེན་པོ་ཞིག་དང་འཕྲད། རྒྱལ་པོས་ཐུགས་སྨོན་མཛད་པས་ཆུ་བོ་དེ། སོ་སོར་གྱེས་ནས་ལམ་ཁ་དེ་བར་བྱུང༌། དེ་ནས་སླར་ཡང་ཆུ་བོ་གཅིག་ཏུ་འདྲེས། ཚངས་པ་བརྒྱ་སྦྱིན་གཉིས་ཀྱང་འདི་ལྟར་དགོངས། རྒྱལ་པོའི་སྦྱིན་པ་ཀུན་རྫོབ་སྦྱིན་པའམ། ཡང་ན་དོན་དམ་སྦྱིན་པ་གང་ཡིན་པ། བརྟག་དགོས་དགོངས་ནས་བྲམ་ཟེ་གཉིས་ལ་སྤྲུལ་ནས་ཕྱག་ཕེབས་ཤིག རྒྱལ་པོར་སྦྱིན་པ་གནང་རོགས་ཞེས་འབོད།
དྲི་མེད་ཀུན་ལྡན། སྐད་ཆ། ད་སྦྱིན་པ་ག་རེ་སྟེར་དགོས་རས།
བྲམ་ཟེ། སྐད་ཆ། བཙུན་མོ་གནང་རོགས་གནང༌།
དྲི་མེད་ཀུན་ལྡན། རྣམ་ཐར། ད་ལན་བཟང་མོ་ཁྱེད་ནི་མ་སྦྱིན་ན། ང་ཡི་སྦྱིན་པའི་མཐའ་ཡང་མ་རྫོགས་ཤིང༌། བྲམ་ཟེ་གཉིས་ཀྱིས་བཟང་མོ་ཁྲིད་དེ་གོམ་པ་བརྒྱ་ཡི་སར་སླེབས་སྐབས་ཚངས་པ་དང་བརྒྱ་སྦྱིན་གྱིས་རང་གཟུགས་བསྟན་ནས་བཟང་མོ་རྒྱལ་པོའི་དྲུང་དུ་ཕུལ།
ལྡབ་སྐྱོར་རྣམ་ཐར།
ཚངས་པ་བརྒྱ་སྦྱིན། རྣམ་ཐར། ཨ་ཀྱང་ཀུ་རེ་ཡིན་པས་མི་དབང་རྗེ། དལ་འབྱོར་དོན་ཡོད་སྒྲུབ་པ་ངོ་མཚར་ཆེ།
ལྡབ་སྐྱོར་རྣམ་ཐར།
དགེ་རྒན། གཞུང༌། དེ་ལྟར་བཟང་མོ་རྒྱལ་པོའི་དྲུང་དུ་ཕུལ། དེ་ནས་ཚངས་པ་དང་བརྒྱ་སྦྱིན་གཉིས་ཀྱིས་ཁྱེའུ་དཀར་པོ་ཞིག་ཏུ་སྤྲུལ། ཡུལ་དེ་གྲོང་ཁྱེར་ཆེན་པོ་ཞིག་ཏུ་སྒྱུར་ནས་རྒྱལ་པོ་ལ། ཁྱེད་ལ་ཅི་དགོས་བདག་གིས་ཕུལ་བས་ཆོག་ཅེས་ཞུས། རྒྱལ་པོས་འདི་ལ་ཞེན་ཅིང་ཆགས་གྱུར་ན། ང་ཡི་དམ་ཚིག་ཉམས་པར་གྱུར། ཞེས་གསུངས་ནས་གྲོང་ཁྱེར་ཆེན་པོ་དེ། མངོན་མེད་ནམ་མཁའི་འཇའ་ལྟར་ཡལ། དེ་ནས་རྒྱལ་པོ་ཡབ་ཡུམ་གཉིས། བདུད་རི་ཧ་ཅང་སྡེ་སྣེ་ཟིན། བདུད་རིའི་གནས་བདག་རྨ་ར་དང་་སྨིན་མ་སེར་སྨུག་ཅན། ཕྱག་ཏུ་ཌ་རུ་བསྣམས་ནས་ཁྲེལ་རྒད་ཧ་ཧ་དགོད། གནས་འདི་གཅན་གཟན་གཏུམ་ལྡན་སྡོད་གནས་ལས། མི་ཡིས་འདི་ཁུལ་ཚུགས་པ་ག་ནས་ཡིན། ཁྱོད་གཉིས་ས་ཕྱོགས་གང་ནས་ཡོང་བ་ཡིན། གང་དུ་འགྲོ་བ་མ་གསང་དྲང་པོར་ཤོད། གནས་བདག་ རྨ་ར་ཅན་ཕྱག་ཕེབས་ཤིག
གནས་བདག གཅོད་རྟ། འཇམ་དབྱངས་ཕྱག་ན་རྡོ་རྗེ་སྤྱན་རས་གཟིགས། སཡི་སྙིང་པོ་གྲིབ་པ་རྣམ་པར་གསེལ། ནམ་མཁའི་སྙིང་པོ་བྱམས་པ་ཀུན་དུ་བཟང༌། ཉི་བའི་སྲས་ཆེན་བརྒྱད་ལ་བསྟོད་པར་བྱ།
སྐད་ཆ། ཧ་ཧ་ཧ་མི་ཁྱོད་ཧམ་པ་ཆེ་མདོག་ལ། སྐས་ཀ་མ་འཛེག་གོང་ཐོག་ཀར་སླེབས་པ། ཡུལ་འདིའི་ཕུའི་གངས་རི་ནས་མདའི་གཙང་ཆུ་ཡན་སའི་ས་བདག་དང་རྡོའི་རྡོ་བདག་ང་ཡིན་པ་མ་ཤེས་བསམ། མ་གཞི་ནས་མི་ཁྱོད་ལམ་འདི་བརྒྱུད་ནས་གང་དུ་འགྲོ་བ་ཡིན།
དྲི་མེད་ཀུན་ལྡན། སྐད་ཆ། ཡབ་ཀྱི་བཀའ་བཞིན་བདུད་རི་ཧ་ཤང་ལ་འགྲོ་བ་ཡིན།
གནས་བདག སྐད་ཆ། བདུད་རི་ཧ་ཤང་ཟེར་བ་འདི། འགྲོ་བ་མི་ཡི་སྡོད་གནས་མིན། གཅན་གཟན་སྡུག་པ་ཅན་གྱི་ཕ་ས་རེད། ཁྱོད་ཀྱིས་རི་མགོར་མེ་དང་རྒྱ་མཚོར་དུག མི་བསད་རྟ་སྐྱེལ་གང་བྱས་པ་ཡིན། ཡབ་ཀྱི་བཀའ་མེད་པར་ནོར་བུ་དགོས་འདོད་ཀུན་བྱུང་བྲམ་ཟེར་སྦྱིན་པ་བཏང་བས། དེའི་ཆད་པར་བདུད་རི་ཧ་ཤང་རི་ལ་ལོ་བཅུ་གཉིས་རིང་རྒྱང་འབུད་བཏང་བྱུང༌།
གནས་བདག སྐད་ཆ། མི་ཕོ་ཁྱོད་ཡུལ་གང་ནས་ཡིན།
དྲི་མེད་ཀུན་ལྡན། སྐད་ཆ། ཡུལ་བྷེ་ཏེའི་གྲོང་ཁྱེར་ནས་ཡིན།
གནས་བདག སྐད་ཆ། ཡབ་ཀྱི་མཚན་ལ།
དྲི་མེད་ཀུན་ལྡན། སྐད་ཆ། ས་སྐྱོང་གྲགས་པ་ཞུ།
གནས་བདག སྐད་ཆ། ཡུམ་གྱི་མཚན་ལ།
དྲི་མེད་ཀུན་ལྡན། སྐད་ཆ། དགེ་ལྡན་བཟང་མོ་ཞུ།
གནས་བདག སྐད་ཆ། མི་ཕོ་ཁྱེད་རང་མིང་ལ།
དྲི་མེད་ཀུན་ལྡན། སྐད་ཆ། རིགས་རྒྱལ་དྲི་མེད་ཀུན་ལྡན་ཟེར་གྱི་ཡོད།
གནས་བདག སྐད་ཆ། ཨ་ཙི་ཆོས་ཀྱི་རྒྱལ་པོ་དྲི་མེད་ཀུན་ལྡན་ཞུ་བ་དེས་ནོར་རྒྱལ་སྲིད་ཐམས་ཅད་དབུལ་པོར་སྦྱིན་པ་བཏང་བ་རེད་ཅེས་རྣ་བས་ཐོས་ཀྱང༌། དེ་རིང་དངོས་སུ་མཇལ་བ་ངའི་བསོད་ནམས་ཡིན། འོན་ཀྱང་བདུད་རི་ཧ་ཤང་དུ་འགྲོ་བ་ལ་སྟག་གཟིགས་དོམ་དྲེད་སྡུག་པ་ཅན་གྱིས་ངའི་བཀའ་དབང་མེད་པར་མི་གཏོང་། ཁྱོད་གཉིས་ངའི་བཀའ་དབང་ཡག་པོ་བྱས་ནས་ཉོན་ཅིག ལག་བརྡ་ཇི་བཞིན་ཕེབས།
（གཅན་གཟན་མང་པོ་ཡོང་ཡང་གནོད་པ་མ་བྱས།）
འདི་ནས་དཔག་ཚད་འགའ་ཞིག་ཕྱིན་པ་ན།
ན་དགའ་ར་ཡི་ཆུ་བོ་ཆེན་པོ་ཡོད།
ཆུ་བོ་གཡས་སུ་བཞག་ནས་ཕེབས་རྒྱུར་ན།
གཅན་གཟན་འགྲོ་སའི་ལམ་ཞིག་ཡོད།
དེ་ནས་རྒྱལ་པོ་བྱོན་པར་ཞུ། སླར་ཡང་མཇལ་བའི་སྐྱབས་འཇུག་ཞུ།
དྲི་མེད་ཀུན་ལྡན། རྣམ་ཐར། ཁྱེད་ཅག་འདིར་ཚོགས་གཅན་གཟན་རྣམས། ང་རྒྱལ་མ་བྱེད་ཞི་བར་གནས།（གཅན་གཟན་རྣམས་ཀྱིས་འཚེ་བ་མ་བྱས་པར་ཕྱག་བྱས།） ད་དུང་ལམ་སྣ་ཁྲིད་པའི་ཚུལ་ཡང་བྱེད།
དགེ་རྒན། གཞུང༌། གནས་བདག་ལམ་བསྟན་ཇི་བཞིན་རྒྱལ་པོ་ཡབ་ཡུམ་བདུད་རིའི་ཕྱོགས་སུ་ཕེབས། བཟང་མོ་ཐུགས་སྐྱོ་འདི་ནི་གཤིན་རྗེའི་འགྲོ་ལམ་མིན་ནམ་གསུངས། རྒྱལ་པོས་ང་ནི་གཏོང་བའི་བློ་ལྡན་ཡང༌། མན་ཏེ་བཟང་མོའི་སེམས་ཉིད་བདེ་བའི་ཆེད། གཅན་གཟན་རྣམས་ནི་ཞི་བར་གནས་པར་ཞུ། ཞེས་གསུངས་གཅན་གཟན་རྣམས་སྒོ་ཁྱིའི་ཚུལ་ལྟར་གྱུར། དེ་ནས་སླར་ཡང་རྒྱལ་པོས་གསུངས་པ་ལ། ཐུབ་པས་ལུང་བསྟན་ནགས་ཁྲོད་དམ་པ་འདིར། མི་མཐུན་གཡེང་བའི་ཅ་ཅོ་རབ་སྤངས་ནས། ཏིང་འཛིན་དགའ་ལྡན་དགེ་བའི་གནས་འདི་རུ། དགེ་སྦྱོར་འཕེལ་བས་མི་འགྲོ་འདི་རུ་སྡོད། （ཅེས་གསུངས་ནས་བསམ་གཏན་ལ་བཞུགས།）མན་ཏེ་བཟང་པོ་ཤིང་འབྲས་འཚོལ་དུ་ཕེབས།
ལྡབ་སྐྱོར་རྣམ་ཐར།
དགེ་རྒན། གཞུང༌། མན་ཏེ་བཟང་མོ་ཤིང་འབྲས་འཚོལ་དུ་ཕེབས། སྨྲ་མཁན་ནེ་ཙོ་ཕྱག་ཕེབས་ཤིག
མན་ཏེ་བཟང་མོ། རྣམ་ཐར། འདབ་ཆགས་བྱ་ཡི་རིགས་ནི་མངོན་ཤེས་མཁན། བདག་ལ་དགོས་པའི་འབྲས་བུ་གང་ན་མང༌།（ནེ་ཙོས་ཤིང་འབྲས་ཕུལ་ནས་འཕུར།）
ལྡབ་སྐྱོར་རྣམ་ཐར།
དགེ་རྒན། གཞུང༌། སྨྲ་མཁན་ནེ་ཙོས་མན་ཏེ་བཟང་མོར་ཤིང་ཐོག་ཡོད་ས་བསྟན།
མན་ཏེ་བཟང་མོས་རྒྱལ་པོར་ཤིང་འབྲས་རྣམས་ཕུལ། མན་ཏེ་བཟང་མོ་རང་ཡུལ་ཕྱོགས་སུ་ཕེབས་བློ་སྐྱེད་དེ་རྒྱལ་པོར་འདི་ལྟར་ཞུས།
མན་ཏེ་བཟང་མོ། རྣམ་ཐར། ཕར་ལ་ལོ་དྲུག་ཚུར་ལ་ལོ་ངོ་དྲུག དེ་ནི་རང་ཡུལ་ཕྱོགས་ལ་ཕེབས་པར་ཞུ།
དགེ་རྒན། གཞུང༌། ཕར་ལ་ལོ་དྲུག་ཚུར་ལ་ལོ་ངོ་དྲུག ལོ་ངོ་བཅུ་གཉིས་ཡབ་ཀྱི་བཀའ་དང་མཚུངས། ད་ནི་རང་ཡུལ་ཕྱོགས་ལ་ཕེབས་པར་ཞུ། ཞེས་ཞུས་རྒྱལ་པོ་བསམ་གཏན་ལས་བཞེངས་ཏེ། གཉིས་ཀ་བྷེ་ཏའི་ཡུལ་དུ་གཟིགས་ནས་ཕེབས།
ལྡབ་སྐྱོར་རྣམ་ཐར།
གཞུང༌། རྒྱལ་པོ་ཡབ་ཡུམ་ཡུལ་ལ་ཕེབས་པ་ལ། བྱ་བྱིའུ་རི་དྭགས་བཅས་ཀྱིས་སྐྱེལ་མ་ཞུས། འོད་འདུས་ཀླུང་གི་གནས་ཞེས་བྱ་བ་ལ། བྲམ་ཟེ་ལོང་བ་ཞིག་དང་རྒྱལ་པོ་འཕྲད། བྲམ་ཟེ་ལོང་བ་ཕྱག་ཕེབས་ཤིག
བྲམ་ཟེ། སྐད་ཆ། རྒྱལ་པོ་དྲི་མེད་ཀུན་ལྡན་ལགས། བདག་ལ་སྦྱིན་པ་གནང་བར་ཞུ།
དྲི་མེད་ཀུན་ལྡན། སྐད་ཆ། ང་ལ་སྦྱིན་པ་སྟེར་ཡས་གང་ཡང་མེད།
བྲམ་ཟེ། སྐད་ཆ། ཁྱེད་ཀྱི་སྤྱན་གཉིས་གནང་བར་ཞུ།
དྲི་མེད་ཀུན་ལྡན། རྣམ་ཐར། ལེགས་པར་ཉོན་དང་ལེགས་ལྡན་བྲམ་ཟེ་ཁྱོད། གཏོང་བར་དཀའ་བའི་མིག་གཉིས་ཁྱོད་ལ་སྟེར།
བྲམ་ཟེ། རྣམ་ཐར། བཀའ་དྲིན་ཆེའོ་རིགས་ལྡན་རྒྱལ་བའི་སྲས། འཇིག་རྟེན་མུན་པ་སེལ་བའི་སྒྲོན་མེ་མཆོག
ལྡབ་སྐྱོར་རྣམ་ཐར།
མན་ཏེ་བཟང་མོ། རྣམ་ཐར། ཀྱེ་མ་ཀྱི་ཧུད་དེ་འདྲའི་སྡུག་བསྔལ་ལ། ཀྱི་ཧུད་ཀྱི་ཧུད་ཇི་ལྟར་བྱས་ན་དགའ།
དགེ་རྒན། གཞུང༌། རྒྱལ་པོས་་གྲི་གུས་སྤྱན་གཉིས་བཏོན་ནས་ནི། བྲམ་ཟེ་ལོང་བའི་མིག་ནང་བཙུད་པར་གནང༌། ཐམས་ཅད་མཐོང་བས་བྲམ་ཟེ་ཤིན་ཏུ་དགའ། རྒྱལ་པོས་ད་ནི་སྦྱིན་མཐའ་རྫོགས་པར་ཤོག ཅེས་པའི་བདེན་པའི་ཚིག་གི་སྨོན་ལམ་གསུངས། མན་ཏེ་བཟང་མོ་སྡུག་བསྔལ་ཆེན་པོས་མནར། བྲམ་ཟེ་ལོང་བ་མིག་དང་ལྡན་པ་ནི། དྲི་མེད་ཀུན་ལྡན་སྤྱན་ཡིན་ཀུན་གྱིས་ཤེས། ས་སྐྱོང་གྲགས་པ་ཐུགས་འགྱོད་དང་བཅས་ཏེ། ཟླ་བ་བཟང་པོ་སྲས་ཀྱི་དྲུང་དུ་མངགས། ཆོས་བློན་ཟླ་བ་བཟང་པོ་རྒྱལ་པོ་ཡབ་ཡུམ་གཉིས་ཀྱི་དྲུང་དུ་ཕྱག་ཕེབས་ཤིག
ལྡབ་སྐྱོར་རྣམ་ཐར།
ཟླ་བ་བཟང་པོ། རྣམ་ཐར། ཀྱེ་ཀྱེ་བློ་དང་ལྡན་པའི་རྒྱལ་པོ་ཁྱེད། བྷེ་ཏའི་ཡུལ་དུ་ཕེབས་པར་གསོལ་བ་འདེབས།
དགེ་རྒན། གཞུང༌། ཤིན་ཏུ་དཀའ་བ་མཛད་པ་འདི་ལྟ་བུ། ངོ་མཚར་ཆེ་བ་ཡོན་ཏན་རྒྱ་མཚོའི་དཔལ། བདག་ཅག་འཁོར་འབངས་ཐུགས་སུ་འཛིན་ཕྱིར་དུ། བྷེ་ཏའི་ཡུལ་དུ་ཕེབས་པར་གསོལ་བ་འདེབས།（ཟླ་བ་བཟང་པོ་ཐུགས་ཤིན་ཏུ་སྐྱོ་པོས་རྒྱལ་པོའི་ཕྱག་གཡས་ནས་སྐྱོར་བཞིན་ཕེབས།）
དྲི་མེད་ཀུན་ལྡན། རྣམ་ཐར། ཟླ་བ་བཟང་པོའི་བསམ་པ་རྫོགས་ཕྱིར་དང༌། མན་ཏ་བཟང་མོའི་མྱ་ངན་སེལ་ཕྱིར་དུ། བདག་གི་མིག་གཉིས་སྔར་ལྟར་གསལ་བར་ཤོག
དགེ་རྒན། གཞུང༌། རྒྱལ་པོས་ཐུགས་སྨོན་མཛད་པས་སྤྱན་གཉིས་སྔར་ལྟར་གསལ། བྷེ་ཏའི་ཕྱོགས་སུ་རིམ་གྱིས་ཕེབས་པས་ཤིང་ཁྲི་བཙན་པོ་དང་བྲམ་ཟེ་དབུལ་པོ་གསུམ་མཇལ་དུ་ཡོང་བ་དང་འཕྲད། ཤིང་ཁྲི་བཙན་པོས་ནོར་བུ་དགོས་འདོད་ཀུན་བྱུང་རང་སློག་ཕུལ་ནས་མགོ་འབུལ་ཞུས། བྲམ་ཟེ་གསུམ་གྱིས་ལྕམ་སྲིང་རྣམ་གསུམ་རང་སློག་ཕུལ་བས་རྒྱལ་པོས་ནོར་རྫས་མང་པོ་གནང༌། ཤིང་ཁྲི་བཙན་པོ་དང་བྲམ་ཟེ་གསུམ། སྲས་ལྕམ་སྲིང་གསུམ་དང་བཅས་པ་ཕྱག་ཕེབས་ཤིག
དམངས། རྟ་འདུར། རྟ་པོ་ཕུན་ཚོགས་རྐྱང་པོའི་རྐྱང་གཞས་ལ། རྟ་ཕོའི་མགོ་དེ་ཚེ་དབང་བུམ་པ་འདྲ།
དགེ་རྒན། གཞུང༌། རྒྱལཔོ་ཡབ་སྲས་འཁོར་དང་བཅས་པ་རྒྱལ་པོ་ས་སྐྱོང་གྲགས་པ་དང༌། ཡུམ་དགེ་ལྡན་བཟང་མོའི་དྲུང་དུ་ཕྱག་ཕེབས་ཤིག
ཡུམ་དགེ་ལྡན་བཟང་མོ། རྣམ་ཐར། ཡབ་ཡུམ་གཉིས་དང་སྲས་གསུམ་མཇལ་བ་ཡིས། ཨ་མའི་མྱ་ངན་དེ་རིང་ནས་བཟུང་ཡལ།
ཡབ། རྣམ་ཐར། གང་ཞིག་ནུབ་ཏུ་བཞུད་པའི་ཉི་མ་ཡང༌། སླར་ཡང་ཤར་ནས་ཤར་བ་ལྟ་བུ་བྱུང༌།
ལྡབ་སྐྱོར་རྣམ་ཐར།
དགེ་རྒན། གཞུང༌། ལེགས་ལྡན་ལེགས་དཔལ་གཉིས་ལ་རྒྱལ་སྲིད་དབང་སྐུར་མཛད། ཁྲི་སྟོན་བྱེད་མི་རྣམས་ཕྱག་ཕེབས་ཤིག
གཞུང༌། རྒྱལ་སྲས་གཉིས་ཀྱི་གསུང་ཐར་ཡོད་པ་ཞུ།
ལེགས་དཔལ། རྣམ་ཐར། ཨེ་མ་ཉོན་དང་ང་ཡི་བློན་འབངས་ཚོ། ལེགས་ལྡན་ལེགས་དཔལ་གཉིས་ལ་ཚུར་ཉོན་ཅིག
ལེགས་ལྡན། རྣམ་ཐར། རྒྱལ་ཁྲིམས་གསེར་གྱི་གཉའ་ཤིང་སྐྱོང་བ་དང༌། ཆོས་ཁྲིམས་ཐར་པའི་ལམ་སྣེ་འཛིན་པར་ཤོག
ལྡབ་སྐྱོར་རྣམ་ཐར།
དགེ་རྒན། གཞུང༌། ལེགས་ལྡན་ལེགས་དཔལ་གཉིས་ལ་སྲིད་ཀྱི་དབང་སྐུར་མཛད། ཡབ་ཡུམ་གཉིས་པོ་སིང་ག་ལ་ལ་ལྷ་ཆོས་ཞུ་བར་ཕེབས།
ཞབས་དྲུང༌། གཞུང༌། ལྡབ་སྐྱོར།
དགེ་རྒན། གཞུང༌། ཡབ་ཡུམ་གཉིས་པོ་རིམ་པར་སྐུ་ཚེའི་འཕེན་པ་རྫོགས། ལྕམ་སྲིང་གསུམ་གྱི་མཆོད་འབུལ་གསེར་འབུམ་སྟོང་ཚོ་བཞེངས།
ཞབས་དྲུང༌། གཞུང༌། ལྡབ་སྐྱོར།
དགེ་རྒན། གཞུང༌། ཉི་མ་དེ་རིང་ཆོས་ཀྱི་རྒྱལ་པོ་དྲི་མེད་ཀུན་ལྡན་གྱི་གསུང་རབ་རྣམ་ཐར་སརྦ་མངྒ་ལམ། མཇུག་ཏུ་བཀྲ་ཤིས་གསུང་སྐོར་འདི་འདྲ་ཡོད་པ་ཡིན།
རྣམ་ཐར། མི་འགྱུར་ལྷུན་པོ་སྐུ་ཡི་བཀྲ་ཤིས་ཤོག ཡན་ལག་དྲུག་ཅུ་གསུང་གི་བཀྲ་ཤིས་ཤོག ཏ་ལའི་ལ་མོའི་རྩེ་ནས། ཕྱི་བལྟས་ལན་གསུམ་སློག་པས། སྐྱིད་པོའི་བྱང་ཕྱོགས་ལྔ་ལྡན། སྔར་ལས་དར་ཞིང་རྒྱས་པ། མཆོད་ཅིག
（རྟེན་འབྲེལ་མཚོན་བྱེད་དུ་རྔོན་པའི་འཇིང་ཟོར་ནས་ཕྲན་ཙམ་ཕུལ་བ་དང་བཀྲ་ཤིས་ཞོལ་པའི་རྔ་འཛིང་ཡང་རྒྱབ།）
ཞབས་དྲུང༌། ལྡབ་སྐྱོར།
དགེ་རྒན། དེའང་རྒྱལ་བའི་བཀའ་འགྱུར་རིན་པོ་ཆེ་ལས་རྒྱལ་རབས་གསལ་བའི་མེ་ལོང་ཇི་སྙེད་ཅིག་ཡོད་པ་ཡིན། ཉི་མ་དེ་རིང་གི་སྐབས་སུ་གཙོ་བོ་མགོ་འདྲེན་དཔོན་པོ་དང་ཡང་སྒོས་བརྒྱ་སྡེ་ཁྲོམ་པར་ཆོས་ཀྱི་རྒྱལ་པོ་དྲི་མེད་ཀུན་ལྡན་གྱི་རྣམ་ཐར་ལེའུ་ནས་འབུལ་རྒྱུ་ཡིན།
ཞབས་དྲུང༌། ལྡབ་སྐྱོར།
དགེ་རྒན། གཞུང༌། དེའང་ཨོཾ་མ་ཎི་པདྨེ་ཧཱུྃ།། འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། སྔོན་སྐལ་པ་དཔག་ཏུ་མེད་པའི་སྔ་རོལ་ན་ཡུལ་བྷེ་ཏའི་གྲོང་ཁྱེར་ཆེན་པོ་རུ། རྒྱལ་པོ་ས་སྐྱོང་གྲགས་པའི་དཔལ་ཞེས་བྱ་བ། བློན་པོ་སུམ་སྟོང༌། རྒྱལ་ཕྲན་དྲུག་ཅུ་ལ་དབང་མཛད་པ་ནོར་བུ་བསམ་འཕེལ་ལ་སོགས་ནོར་བུའི་རིགས་ཆས་ཀྱང་བསམ་གྱིས་མི་ཁྱབ་པ་ཡོད་པ་ཡིན།
ཞབས་དྲུང༌། ལྡབ་སྐྱོར།
དགེ་རྒན། གཞུང༌། གཞན་ཡང་གང་ལས་ལྷག་པའི་ནོར་བུ་དགོས་འདོད་ཀུན་བྱུང་ཞེས་པ་རང་གི་བསམ་པའི་དོན་ཐམས་ཅད་སྐད་ཅིག་ཉིད་ལ་གྲུབ་པ་ཞིག་ཀྱང་ཡོད།
ཞབས་དྲུང༌། ལྡབ་སྐྱོར།
དགེ་རྒན། གཞུང༌། འོན་ཀྱང་སྟོབས་དང་ལྡན་པའི་རྒྱལ་པོ་དེ་ལ་རིགས་རྒྱུད་དང་ལྡན་པའི་བཙུན་མོ་ལྔ་བརྒྱ་ནོར་ལོངས་སྤྱོད་དང་ལྡན་པའི་བཙུན་མོ་ལྔ་བརྒྱ། ཤིན་ཏུ་མཛེས་པའི་བཙུན་མོ་ལྔ་བརྒྱ་བཅས་བཙུན་མོ་ཕྱེད་དང་ཉིས་སྟོང་ཁབ་ན་ཡོད་ཀྱང་སྲས་གཅིག་ཀྱང་མེད་པས་རྒྱལ་པོ་ཐུགས་མི་བདེ་ཞིང་མོ་དང་རྩིས་བྱ་དགོས་ཐུགས་ལ་དགོངས་སོ།
ཡབ་ས་སྐྱོང་གྲགས་པ་དང་ཡུམ་དགེ་ལྡན་བཟང་པོ་ཕྱགས་ཕེབས་ཤིག
ཡབ། གཞུང༌། ཡུམ་ཆེན་ཨ་མ་ལགས་ལ་ཞུ་བར་བྱེད་པ་ལ། རང་ཅག་གཉིས་ཕོ་བྲང་བཀའ་ཞལ་མཐིལ་དུ་སྐལ་པ་བཟང་པོ་གང་འདྲ་ར་ཞིག་མིན་འདུག་གམ།
ཡུམ་དགེ་ལྡན་བཟང་མོ། གཞུང༌། སྐལ་པ་འདི་རུ་མ་བཟང་གང་རུ་བཟང༌། ཉམས་བཟང་འདི་རུ་མ་བཟང་གང་རུ་བཟང༌།
ལྡབ་སྐྱོར་རྣམ་ཐར།
དགེ་རྒན། གཞུང༌། ཆོས་བློན་ཟླ་བ་བཟང་པོ་ཕྱག་ཕེབས་ཤིག ཆོས་གནས་མོ་པ་ཕྱག་ཕེབས་ཤིག
ཟླ་བ་བཟང་པོ། སྐད་ཆ། ཆོས་གནས་ལགས་ལ་ཞུ་རྒྱུར། ང་ཚོའི་རྒྱལ་པོར་བཙུན་མོ་ཉིས་སྟོང་ལྔ་བརྒྱ་ཡོད་ཀྱང་སྲས་གཅིག་ཀྱང་མེད་སྟབས། ཁྱེད་ཀྱིས་ཕྱག་མོ་ཞིག་གནང་རོགས་གནང༌།
ཆོས་གནས། སྐད་ཆ། མོ་ངས་རྒྱབ་ཆོག་ཀྱང༌། ཞབས་བརྟན་གནང་ཡས་དེ་ཚོ་ཡག་པོ་གནང་དགོས།
ཟླ་བ་བཟང་པོ། སྐད་ཆ། དེ་ཚོ་གནང་དག་ཡོག་མ་རེད།
ཆོས་གནས། སྐད་ཆ། ངའི་མོ་ལ་བབ་ཡས་ལ། ཡར་དཀོན་མཆོག་ལ་མཆོད་པ་དང༌། མར་ངན་སློང་ལ་སྦྱིན་པ། བར་དགེ་འདུན་ལ་བསྙེན་བཀུར་བཅས་ཞུས་ན། བཙུན་མོ་ཕྱེད་ཉིས་སྟོང་གི་ནང་ནས་དགེ་ལྡན་བཟང་མོར་བྱང་ཆུབ་སེམས་དཔའི་སྤྲུལ་པ་ཡིན་པའི་སྲས་ཤིག་འཁྲུངས་པ་ཡོད་ཟེར་བ་བབས་སོང༌།
ལྡབ་སྐྱོར་རྣམ་ཐར།
དགེ་རྒན། གཞུང༌། མོ་པའི་ཐུགས་དམ་ལ་མཆོད་འབུལ་རྒྱ་ཆེར་བསྒྲུབ་ན། བུད་མེད་ཀྱི་སྐྱོན་ལྔ་སྤངས་ཤིང་ཡོན་ཏན་བརྒྱད་དང་ལྡན་པའི་བཙུན་མོ་དགེ་ལྡན་བཟང་མོར་སྲས་ཁྱད་པར་ཅན་ཞིག་འཁྲུངས་ཞེས་གསལ། གཞན་ཡང་བཙུན་མོ་དེ་ལ་རྨི་ལམ་ཤིན་ཏུ་བཟང་བ་ཞིག་རྨིས་པ་དེ་ཡབ་ལ་ཞུ་དགོས་དགོངས།
དགེ་ལྡན་བཟང་མོ། རྣམ་ཐར། མི་དབང་ཡབ་ཆེན་རྒྱལ་པོ་བདག་ལ་གསོན། གཉིད་ཀྱི་མཐུན་མཚམས་བཟང་པོ་ང་ལ་བྱུང༌།
ཡབ། རྣམ་ཐར། སེམས་ཉིད་མཐུན་པའི་དགེ་ལྡན་བཟང་མོ་དང༌། བདག་ཉིད་སྐད་ཅིག་མི་བྲལ་འགྲོགས་པ་ཡིན།
དགེ་རྒན། གཞུང༌། ཡུམ་གྱིས་རྨི་ལམ་བཟང་པོ་ཡབ་ལ་ཞུས། ཡབ་ཀྱིས་དེ་དོན་དཔྱད་པ་མཛད་པ་ལ། སྤྱི་བོ་བདེ་བ་ཆེན་པོའི་འཁོར་ལོ་རུ། གསེར་གྱི་རྡོ་རྗེ་འབར་བ་སྐྱེས་པ་དེ། སྐྱོང་བྱེད་ཀུན་གྱི་རྗེ་བོ་ཡོང་བ་ཡིན། འཇའ་དང་འོད་ཀྱི་གུར་ཁང་ཕུབས་པ་དེ། སངས་རྒྱས་སྤྲུལ་པའི་སྐུ་ཞིག་བྱོན་པ་ཡིན། ཡར་ལ་དཀོན་མཆོག་མཆོད་པའི་བྱིན་རླབས་དང༌། མར་ལ་སྦྱིན་པ་བཏང་བའི་འབྲས་བུ་དང༌། སྐྱབས་གནས་བསླུ་བ་མེད་པའི་དཀོན་མཆོག་གིས། བུ་མེད་རྒྱལ་པོར་བུ་ཞིག་འཁྲུངས་པའི་རྟགས། ཁྱེད་ཚོས་ཅིས་ཀྱང་རིམ་འགྲོ་སྒྲུབ་ལ་བརྩོན། དེ་ནས་ཟླ་དགུ་ངོ་བཅུ་སོང་མཚམས་སུ། ཡུམ་ལ་ཁྱད་པར་ཅན་གྱི་སྲས་ཤིག་འཁྲུངས། མཚན་ལ་དྲི་མེད་ཀུན་ལྡན་ཞེས་སུ་གསོལ། རྒྱལ་པོ་དྲི་མེད་ཀུན་ལྡན་བློན་འབངས་འཁོར་བཅས་ཕྱག་ཕེབས་ཤིག
དྲི་མེད་ཀུན་ལྡན། རྣམ་ཐར། ད་ཡང་མི་སྡོད་ད་ཡང་བཏང་ནས་འགྲོ། ཡབ་ཡུམ་བཞུགས་པའི་ཕྱོགས་སུ་བཏང་ནས་འགྲོ།
ལྡབ་སྐྱོར་རྣམ་ཐར།
ཨོཾ་མ་ཎི་པདྨེ་ཧཱུྃ་ཧྲེ། ཡར་གསུམ་དཀོན་མཆོག་གསུམ་ལ་ཕྱག་འཚལ་ལོ།
དགེ་རྒན། གཞུང༌། དྲི་མེད་ཀུན་ལྡན་དགུང་ལོ་ལྔར་ཕེབས་དུས། གཏམ་དང་ཡིག་རྩིས་རྣམས་ཀྱང་བྱང་ཞིང་ཆུབ། སེམས་ཅན་རྣམས་ལ་སྙིང་རྗེ་དགོངས་ནས་ནི། ཡང་ཡང་སྤྱན་ཆབ་བསིལ་བ་མང་དུ་བྱུང༌།
ཡབ། རྣམ་ཐར། ང་ཡིས་བསམ་ན་དྲི་མེད་ཀུན་ལྡན་དོན་གྲུབ་ཁྱེད། དང་པོ་མ་སྐྱེས་སྡུག་བསྔལ་བསམ་མི་ཁྱབ།
ལྡབ་སྐྱོར་རྣམ་ཐར།
དགེ་རྒན། གཞུང༌། བདག་གིས་བསགས་པའི་ནོར་རྫས་ཐམས་ཅད་ནི། བུ་ཁྱོད་ཅི་དགར་འཁྱེར་ལ་སྦྱིན་པ་ཐོངས། སྦྱིན་པ་ཞུ་མཁན་རྣམས་ཕྱག་ཕེབས་ཤིག
སྦྱིན་པ་ཞུ་མཁན། སྐད་ཆ། རྒྱལ་པོ་དྲི་མེད་ཀུན་ལྡན། བདག་ལ་སྦྱིན་པ་གནང་བར་ཞུ།
བློན་པོ། སྐད་ཆ། སྤྲང་པོ་ཁྱོད་ཚོ་རྒྱལ་པོའི་ཕོ་བྲང་སྒོ་འགྲམ་ལ་ག་རེ་བྱེད་ཀྱི་ཡོད།
སྦྱིན་པ་ཞུ་མཁན། སྐད་ཆ། ང་ཚོ་སྦྱིན་པ་ཞུ་མཁན་ཡིན།
བློན་པོ། སྐད་ཆ། སྦྱིན་པ་ཞུ་མཁན་ཡིན་ན་འགྲིག་ཞག ང་ཚོའི་ཆོས་ཀྱི་རྒྱལ་པོ་དྲི་མེད་ཀུན་ལྡན་ལ་ཞུས་ན་ཐུགས་མཉེས་པོ་གནང་གི་རེད། ཁྱོད་ཚོ་བྷ་ཛ་གུ་རུ་བགྲངས་ནས་སྡོད་ཨ། རྒྱལ་པོ་རིན་པོ་ཆེ། ང་ཚོའི་ཕོ་བྲང་གི་སྒོ་འགྲམ་ལ་སྦྱིན་པ་ཞུ་མཁན་མི་ཉུང་བ་ཞིག་སླེབས་འདུག
དྲི་མེད་ཀུན་ལྡན། སྐད་ཆ། སྙིང་རྗེ། ཁོ་ཚོ་ཡར་སྐད་ཐོངས། སྦྱིན་པ་གནང་ནས་མ་ཎི་བགྲོངས་ཞེས་གསུངས།
ལྡབ་སྐྱོར་རྣམ་ཐར།
དགེ་རྒན། འདོན། རྒྱལ་པོས་སྦྱིན་པ་དཔག་ཏུ་མེད་པ་གནང་སྟབས་ཐམས་ཅད་དབུལ་པོའི་སྡུག་བསྔལ་ལས་སྒྲོལ། དེ་ནས་བདུད་བློན་ཏཱ་ར་འཛིན་དེ་ཡབ་ཀྱི་དྲུང་དུ་ཕྱག་ཕེབས་ཤིག
ཏཱ་ར་འཛིན། རྣམ་ཐར། དེ་བས་རྒྱལ་པོ་དྲི་མེད་ཀུན་ལྡན་ལ། བཙུན་མོ་བླངས་ན་ནོར་ལ་བསྡམས་པ་གྲགས། ལྡབ་སྐྱོར་རྣམ་ཐར།
དགེ་རྒན། གཞུང༌། དེ་ནས་བདུད་བློན་ཏཱ་ར་འཛིན་དེ་ཡིས། མི་དབང་རྒྱལ་པོ་ཆེན་པོ་བདག་ལ་དགོངས། ཁྱེད་ཀྱིས་བསགས་པའི་ནོར་རྫས་ཐམས་ཅད་ནི། དྲི་མེད་ཀུན་ལྡན་དེ་ཡིས་མེད་པར་བྱས། དེ་བས་རྒྱལ་པོ་དྲི་མེད་ཀུན་ལྡན་ལ། བཙུན་མོ་བླངས་ན་ནོར་ལ་བསྡམས་པ་གྲགས། ཞེས་གསུངས་རྒྱལ་བློན་རྣམས་ཀྱིས་གྲོས་བྱས་ནས། ཡུལ་ལུང་པད་མ་ཅན་ཞེས་བྱ་བ་ལ། རྒྱལ་པོ་ཟླ་བ་བཟང་པོ་ཞེས་བྱ་བའི། སྲས་མོ་མན་ཏེ་བཟང་མོ་ཞེས་བྱ་བ། ལྷ་ཡི་བུ་མོ་ལྟར་གྱི་ཡིད་འོང་མ། ཆོས་ཀྱི་རྒྱལ་པོ་དྲི་མེད་ཀུན་ལྡན་གྱི། བཙུན་མོར་གདན་འདྲེན་པར་ཞུ་ཞིག བློན་པོ་རྣམས་ཀྱིས་བཀྲ་ཤིས་བདེ་ལེགས་ཀྱི་མཇལ་དར་ཕུལ།
མན་ཏེ་བཟང་མོ། རྣམ་ཐར། དྲི་མས་མ་འགོས་རྒྱལ་བ་རྣམས་དང་མཚུངས། ཀུན་དང་མཐུན་པས་ཡོན་ཏན་བསམ་ལས་འདས།
དྲི་མེད་ཀུན་ལྡན། རྣམ་ཐར། བཟང་མོ་རབ་མཛེས་ལྷ་མོ་ཁྱོད་མཐོང་ནས། ང་ཡང་དགའ་ཞིང་སེམས་ཀྱང་རབ་ཏུ་སྤྲོ།
དགེ་རྒན། གཞུང༌། མན་ཏེ་བཟང་པོས་དྲི་མེད་ཀུན་ལྡན་ལ། དྲི་མས་མ་འགོས་རྒྱལ་བ་རྣམས་དང་མཚུངས། ཀུན་དང་མཐུན་པས་ཡོན་ཏན་བསམ་ལས་འདས། ཞེས་གསུངས་རྒྱལ་པོས་མན་ཏེ་བཟང་མོ་ལ། ཡེ་ནས་མ་བཅོས་མཛེས་སྡུག་ལྷ་མོའི་སྐུ། བདེ་བའི་གར་འགྱུར་སྙན་པའི་གླུ་དབྱངས་འབྱིན། བཟང་མོ་རབ་མཛེས་ལྷ་མོ་ཁྱོད་མཐོང་ནས། ང་ནི་དགའ་ཞིང་སེམས་ཀྱང་རབ་ཏུ་སྤྲོ། རང་ཅག་གཉིས་པོ་སྨོན་ལམ་དབང་གིས་འཛོམས། ཕོ་བྲང་དགའ་བའི་བསམ་གླིང་དམ་པ་རུ། དགའ་བདེའི་དཔལ་ལ་སྤྱོད་དོ་དགའ་བར་བགྱིས། དེ་ནས་དུས་ཚོད་འགའ་ཞིག་སོང་མཚམས་སུ། རིགས་སྲས་ལྕམ་སྲིང་གསུམ་ཡང་རིམ་བཞིན་འཁྲུངས། ཆེ་བར་ལེགས་ལྡན་འབྲིང་བར་ལེགས་དཔལ་དང༌། ཆུང་བ་སྲས་མོར་ལེགས་མཛེས་མ་ཞེས་གསོལ། སྲས་ལྕམ་སྲིང་གསུམ་ཕྱག་ཕེབས་ཤིག
ལྡབ་སྐྱོར་རྣམ་ཐར།
ལེགས་ལྡན། རྣམ་ཐར། ཕ་གཅིག་བླ་མ་རྣམས་ལ་ཕྱག་འཚལ་ལོ། ཡང་ཅིག་དཀོན་མཆོག་གསུམ་ལ་སྐྱབས་སུ་མཆི།
དགེ་རྒན། གཞུང༌། སྲས་ལྕམ་སྲིང་གསུམ་པོ་རིམ་པར་བལྟམས། ཡབ་ཡུམ་གཉིས་པོ་ཐུགས་སེམས་ཤིན་ཏུ་མཉེས། དེ་ནས་དྲི་མེད་ཀུན་ལྡན་རྒྱལ་བློན་གཉིས། མེ་ཏོག་ལྡུམ་རའི་ནང་དུ་ཕྱག་ཕེབས་ཤིག
ལྡབ་སྐྱོར་རྣམ་ཐར། ཕོ་བྲང་ཕྱི་ནས་རྒྱལ་པོ་དྲི་མེད་ཀུན་ལྡན། སྦྱིན་པ་གནང་བར་ཞུ་ཞེས་པའི་སྐད་སྒྲ་སྒྲོག
གཞུང༌། རྒྱལ་བློན་གཉིས་པོ་ལྡུམ་རའི་ནང་ཕྱག་ཕེབས་ཤིག ཕོ་བྲང་སྒོ་རྩར་དཀྲེས་ལྟོགས་ཀྱིས་མནར་བའི་སྤྲང་པོ་མང་པོ་ཡོད་པ་གཟིགས། དེ་ལྟར་གཟིགས་པས་ཐུགས་སེམས་མི་བདེ་བར་སྤྱན་ཆབ་གནང་བཞིན་ཕོ་བྲང་དུ་ཕེབས། ཡབ་ས་སྐྱོང་གྲགས་པའང་ཐུགས་བློ་མི་བདེ་བར་སྲས་ཀྱི་དྲུང་དུ་ཕེབས།
ཡབ། རྣམ་ཐར། བདག་གི་དྲི་མེད་ཀུན་ལྡན་དོན་གྲུབ་པ། ཕོ་བྲང་ནང་དུ་ཅི་དགའ་མི་བྱེད་པར། མྱ་ངན་འདི་འདྲ་བྱེད་དོན་ཅི་ཞིག་ཡིན།
དགེ་རྒན། གཞུང༌། བུ་ཁྱོད་མྱ་ངན་བྱེད་དོན་ཅི་ཞིག་ཡིན། མ་གསང་དྲང་པོའི་གཏམ་དག་ང་ལ་ཤོད། ཅེས་གསུངས་རྒྱལ་བུ་དྲི་མེད་ཀུན་ལྡན་གྱིས། ཕོ་བྲང་སྒོ་ཕྱིར་འདུས་པའི་སྡུག་བསྔལ་མཐོང༌། དབུལ་ཞིང་ཕོངས་པའི་སྐྱེ་བོ་འབྱོར་མེད་ལ། ཡབ་ཀྱིས་ཡུན་དུ་བསགས་པའི་ནོར་རྫས་རྣམས། བདག་གིས་སྦྱིན་པ་བཏང་ན་མྱ་ངན་སྒྲོལ། ཞེས་ཞུས་རྒྱལ་པོས་བུ་ལ་འདི་ལྟར་གསུངས། བདག་ལ་བསམ་རྒྱུ་བུ་ལས་གཞན་མེད་པས། བུ་རང་ཅི་དགར་བགྱིས་ལ་སྦྱིན་པ་ཐོངས། ཞེས་གསུངས་ནོར་རྣམས་གཅིག་ཏུ་སྤུངས་ནས་སྦྱིན་པ་བཏང༌།
སྦྱིན་པ་ཞུ་མི་རྣམས་ཕྱག་ཕེབས་ཤིག
བློན་པོ། སྐད་ཆ། ཁྱེད་ཚོ་ལྟོགས་ཅོར་ཚ་པོ་དེ་འདྲ་ག་རེ་བྱེད་མཁན་ཡིན་ནམ།
སྤྲང་པོ། སྦྱིན་པ་ཞུ་མཁན་ཡིན།
བློན་པོ། སྐད་ཆ། ས་ཆ་ག་ནས་ཡིན།
སྤྲང་པོ། འཛམ་བུ་གླིང་གི་མི་ཡོད། བློན་པོ་རྒྱལ་པོའི་དྲུང་དུ་ཕྱིན།
བློན་པོ། སྐད་ཆ། རྒྱལ་པོ་རིན་པོ་ཆེ། ང་ཚོའི་ཕོ་བྲང་གི་སྒོ་འགྲམ་དུ་འཛམ་བུ་གླིང་གི་མི་སྣ། སྣ་ཚོགས་སྦྱིན་པ་ཞུ་བར་སླེབས་འདུག
དྲི་མེད་ཀུན་ལྡན། སྐད་ཆ། སྙིང་རྗེ། ཁོ་ཚོ་ཡར་འཁྲིད་ཤོག རྒྱལ་པོས་སྦྱིན་པ་གནང་ནས་མ་ཎི་བགྲངས་ཞེས་གསུངས། （རྒྱལ་པོས་སྦྱིན་པ་ཞུ་མི་རྣམས་ལ་སྦྱིན་པ་ཚིམས་པར་གནང་ནས་མ་ཎི་བགྲང་དུ་བཅུག）
དགེ་རྒན། གཞུང༌། དྲི་མེད་ཀུན་ལྡན་གྱི་མཚན་སྙན་འཛམ་གླིང་ས་ཕྱོགས་གང་སར་ཁྱབ། དེ་ལྟའི་མཛད་པ་རྒྱལ་པོ་ཤིང་ཁྲི་བཙན་པོས་གོ་ནས་བློ་སྣ་ལོག་པ་སྐྱེས། རྒྱལ་པོ་ཤིང་ཁྲི་བཙན་པོ་ཕྱག་ཕེབས་ཤིག
ལྡབ་སྐྱོར་རྣམ་ཐར།
ཤིང་ཁྲི་བཙན་པོ། རྣམ་ཐར། ང་ཡི་བཀའ་ཡི་བློན་པོ་རྣམ་པ་ཚོ། རྣ་བ་མ་གཡེང་ང་ཡི་གཏམ་ལ་ཉོན།
དགེ་རྒན། གཞུང༌། ཡུལ་ཕྱོགས་བྷེ་ཏའི་གྲོང་ཁྱེར་ཆེན་པོ་ན། རྒྱལ་བུ་དྲི་མེད་ཀུན་ལྡན་ཞེས་བྱ་བས། ནོར་རྣམས་ཕྱོགས་མེད་སྦྱིན་པར་གཏོང་བ་ཐོས། ཁོང་གི་ནོར་བུ་དགོས་འདོད་ཀུན་བྱུང་དེ། སློང་བར་འགྲོ་ནུས་སུ་ཡོད་ད་ལྟ་སྨྲོས། རྒྱལ་སྲིད་ཕྱེད་ཙམ་བརྔན་པར་བསྟེར་རྒྱུ་ཡིན། ཞེས་གསུངས་པས་བློན་པོའི་ཚོགས་དེ་དག་གི་ཁྲོད་དུ་བྲམ་ཟེ་རྒན་པོ་ཁ་ནང་སོ་མུ་ཏིག་ཙམ་མེད་པ་བྲམ་ཟེ་བློ་གྲོས་ཞུ་བ་ཕྱག་ཕེབས་ཤིག
བྲམ་ཟེ། རྣམ་ཐར། རྒྱལ་པོའི་བཀའ་བཞིན་བདག་གི་ཕྱིན་པས་ཆོག ལམ་ཆས་མཁོ་ཆས་རྒྱལ་པོས་གནང་བར་ཞུ།
ཤིང་ཁྲི་བཙན་པོ། རྣམ་ཐར། ང་ཡི་བཀའ་བཞིན་ཁྱོད་ཀྱིས་ཕྱིན་ཟེར་ན། ལམ་ཆས་ཡོ་་བྱད་ང་ཡིས་སྤྲད་པས་ཆོག
དགེ་རྒན། གཞུང༌། བྲམ་ཟེ་བློ་གྲོས་དེ་ཡིས་རང་ཡུལ་བྱེ་མ་ཤིང་དྲུང་ནས། ཡུལ་ཕྱོགས་བྷེ་ཏའི་གྲོང་ལ་ཕྱག་ཕེབས་ཤིག
བློན་པོ། སྐད་ཆ། ཨ་ཙི་རྒད་པོ་ཁྱོད་ཡུལ་ག་ནས་ཡོང་པ།
བྲམ་ཟེ། ངས་ས་ནག་པོ་འདོམས་ལ་འཇལ། སྤྲིན་དཀར་མོ་ཚད་ལ་བཙུགས་ནས་རྒྱལ་པོ་དྲི་མེད་ཀུན་ལྡན་ལ་སྦྱིན་པ་ཞུ་བར་ཡོང་བ་ཡིན། བློན་པོས་དེ་ལྟར་རྒྱལ་པོར་སྙན་སེང་ཞུས་པས་ཡར་ཁྲིད་ཤོག་གསུངས།
དགེ་རྒན། གཞུང༌། རྒྱལ་པོ་དང་བྲམ་ཟེ་བང་མཛོད་ནང་དུ་ཕྱག་ཕེབས་ཤིག
བྲམ་ཟེ། སྐད་ཆ། ནོར་བུ་དེ་ག་རེ་ཟེར་ཡས་དེ་རེད།
བློན་པོ། སྐད་ཆ། འདི་ནི་ནོར་བུ་བསམ་འཕེལ་རེད།
བྲམ་ཟེ། སྐད་ཆ། ནོར་བུ་འདི་ང་ལ་དགོས་པ་མིན་འདུག
རྣམ་ཐར། ནོར་བུ་བསམ་འཕེལ་བསམས་ནས་ཡོང་བ་མིན། དགོས་འདོད་ཀུན་བྱུང་བསམས་ནས་ཡོང་བ་ཡིན།
དྲི་མེད་ཀུན་ལྡན། གཞུང༌། བྲམ་ཟེ་ཁྱེད་ནི་ཐུགས་ཚབ་མ་མཛད་ཅིག ནོར་བུ་རིན་ཆེན་དགོས་འདོད་ཀུན་བྱུང་འདི། རྒྱ་མཚོའི་གཏིང་གི་ཀླུ་མོ་དཀར་པོ་ཡིས། སངས་རྒྱས་འོད་དཔག་མེད་ལ་ཕུལ་བ་ཡིན། འོད་དཔག་མེད་ཀྱིས་བདག་གི་ཡབ་ལ་གནང༌། ཡབ་ཀྱིས་བདག་ལ་གནང་བ་མ་ཡིན་ཀྱང༌། སྦྱིན་པ་ཆོས་ཀྱི་སྙིང་པོ་ཡིན་གྱུར་པས། འཆི་བ་སྲོག་ལ་བབས་ཀྱང་ཁྱེད་ལ་སྟེར། བྲམ་ཟེ་ཤིན་ཏུ་དགའ་བར་གྱུར།
བྲམ་ཟེ། རྣམ་ཐར། འགྲོ་དྲུག་འཁོར་བ་འཇོམས་པའི་དམག་དཔོན་ཅན། རྒྱལ་པོ་དཔའ་རྩལ་ཅན་ལ་ཕྱག་འཚལ་བསྟོད།
བློན་པོ། སྐད་ཆ། ད་མགྱོགས་ཙམ་མ་ཕེབས་ན། ཡབ་རྒྱལ་པོས་མཁྱེན་ན་སྲས་ལ་བཀའ་བཀྱོན་གནང་གི་རེད།
བྲམ་ཟེས་ནོར་བུ་རྒྱལ་པོ་ཤིང་ཁྲི་བཙན་པོར་ཕུལ།
དགེ་རྒན། གཞུང༌། བྲམ་ཟེ་བློ་གྲོས་བྱེ་མ་ཤིང་དྲུང་དུ་འབྱོར། ནོར་བུ་རིན་ཆེན་ཤིང་ཁྲི་བཙན་པོར་ཕུལ། རྒྱལ་པོས་ནོར་བུར་རྟེན་འབྲེལ་གནང་ནས་ནི། བློན་པོ་བྲམ་ཟེར་བྱ་དགའ་གྱ་ནོམ་གནང༌། ཆོས་ཀྱི་རྒྱལ་པོ་དྲི་མེད་ཀུན་ལྡན་དེ། ནོར་བུ་སྦྱིན་པས་ཐུགས་སེམས་མི་བདེ་བྱུང༌། དེ་ནས་བདུད་བློན་ཏ་ར་འཛིན་དེ་ཡང༌། ཡབ་ཆེན་རྒྱལ་པོའི་དྲུང་དུ་ཕྱག་ཕེབས་ཤིག
དམངས། རྟ་འདུར། གཞོན་པས་མདའ་མོ་ཞིག་མ་བཏང༌། གཞོན་པས་མདའ་མོ་ཞིག་བཏང་ཡོད། གཞོན་པས་མདའ་མོ་སྟེང་ཕྱོགས། ལྷ་ཡི་ཡུལ་ལ་བཏང་ཡོད།
ཏ་ར་འཛིན། རྣམ་ཐར། རྗེ་ཡི་ནོར་བུ་དགོས་འདོད་ཀུན་བྱུང་དེ། སྲས་ཀྱིས་ཕངས་མེད་དགྲ་ལ་སྦྱིན་ནས་འདུག
ཡབ། སྐད་ཆ། བློན་པོ་ཏ་ར་འཛིན་ལགས་དེ་ཚོ་དངོས་གནས་རེད་པས།
ཏ་ར་འཛིན། སྐད་ཆ། བདག་གིས་ཞུས་པ་བདེན་པར་མ་འཛིན་ན། རྒྱལ་པོ་བང་མཛོད་ནང་དུ་གཟིགས་པར་ཕེབས། རྒྱལ་པོ་ཁོང་ཁྲོ་ཆེན་པོས་སྲས་ཀྱི་རྩར་ཕེབས།
ཡབ། སྐད་ཆ། བློན་པོ་ཏ་ར་འཛིན་གྱིས་གསུངས་ཡས་ལ་ཁྱོད་ཀྱིས་ནོར་བུ་དགོས་འདོད་ཀུན་བྱུང་ཡང་སྟེར་བ་རེད་ཟེར་གྱི་འདུག དེ་བདེན་པ་ཡིན་མིན་ཁྱོད་ཀྱིས་གསལ་པོར་ཤོད།
དྲི་མེད་ཀུན་ལྡན། རྣམ་ཐར། ང་ནི་སྦྱིན་པའི་ལམ་ལ་ཤིན་ཏུ་མོས། སློང་མི་བྱུང་ན་བུ་དང་ཆུང་མ་སྟེར།
ཡབ། སྐད་ཆ། ཤར་གྱི་ཉི་མ་རྒས་ནས་ནུབ་ཏུ་བཞུད། རྒྱལ་པོའི་ཆབ་སྲིད་རླུང་ལ་བསྐུར་ནས་སོང༌། ཁྱོད་ཀྱི་སྲོག་དང་དགོས་འདོད་ཀུན་བྱུང་གཉིས། གཞན་ལ་སྟེར་རྒྱུའི་ཁ་ཆད་བྱས་ནས་མེད། རྒྱལ་པོ་ཁོང་ཁྲོ་ཆེན་པོས་དྲི་མེད་ཀུན་ལྡན་ལ་ཉེས་རྡུང་དྲག་པོ་བཏང༌།
ལྡབ་སྐྱོར་རྣམ་ཐར།
དགེ་རྒན། གཞུང༌། རྒྱལ་པོས་སྲས་ལ་ཕྱག་འཇུག་ཤིན་ཏུ་དྲག་པོ་གནང༌། ད་དུང་ཁྲིམས་ལ་སྦྱར་དགོས་དགོངས་ནས་བཤན་པ་གསུམ་པོ་འབོད།
བཤན་པ། གཞས། ས་མ་འདྲིས་བྱང་ཐང་སྐྱོ་མོ་རེད། འདྲིས་ཚར་ན་རང་གི་ཕ་ཡུལ་རེད།
ཏ་ར་འཛིན། སྐད་ཆ། མི་དབང་ཡབ་ཆེན་རྒྱལ་པོའི་བཀའ་བཞིན་དྲི་མེད་ཀུན་ལྡན་དེ་སྔ་ཐག་དང་ཕྱི་ཐག་བརྒྱབ་ནས་ཁྲིམས་གཅོད་ཡག་པོ་ཐོངས་ཤིག་གསུངས་ནས་འདུག
བཤན་པ། རྣམ་ཐར། ད་ཡང་འདི་རུ་མི་སྡོད་བཏང་ནས་འགྲོ། གནས་མཆོག་རྒྱལ་པོ་བཞུཊ་སར་བཏང་ནས་འགྲོ།
མན་ཏེ་བཟང་མོ། རྣམ་ཐར། ཀྱེ་མ་ཀྱི་ཧུད་དེ་འདྲའི་སྡུག་བསྔལ་ལ། ཀྱེ་མ་ཀྱི་ཧུད་ཇི་ལྟར་བྱས་ན་དགའ།
ཟླ་བ་བཟང་པོ། རྣམ་ཐར། ཨེ་མ་འཛམ་བུ་གླིང་གི་ངོ་མཚར་ཅན། ངོ་མཚར་རྨད་བྱུང་སངས་རྒྱས་སྤྲུལ་པའི་སྐུ།
ཡབ། རྣམ་ཐར། ལོ་ནི་བཅུ་གཉིས་བདུད་རིའི་རི་ལ་སྡོད། ད་ལྟ་སོང་ལ་ཡུལ་འདིར་མ་སྡོད་ཅིག
དགེ་རྒན། གཞུང༌། དེ་ལྟར་ཡབ་ཀྱི་བཀའ་བཞིན་བཤན་པ་སྤུན་གསུམ་གྱིས། དྲི་མེད་ཀུན་ལྡན་ཡུམ་སྲས་རྣམས་རྒྱན་གོས་དཀྲོལ། སྔ་ཐག་ཕྱི་ཐག་བརྒྱབ་ནས་ཉིན་མོ་ཕོ་བྲང་སྐོར་བ་བྱས། མཚན་མོ་ཤིན་ཏུ་ནག་པའི་མུན་པའི་བཙོན་ཁང་ནང་དུ་བཅུག དེ་ནས་མན་ཏེ་བཟང་མོ་ཐུགས་སྐྱོས་གདུང་བར་བྱས། དྲི་མེད་ཀུན་ལྡན་ལེགས་པའི་ལམ་ལ་མོས་ནའང༌། གོ་བ་མེད་པའི་རྒྱལ་བློན་ཁག་ཅིག་གིས། སྙིང་རྗེ་མེད་པའི་ཁྲིམས་གཅོད་འདི་འདྲ་བྱས། འདི་འདྲ་ཐོག་ཏུ་བབ་པ་ཅི་ཡིན་ནམ། ད་དུང་རྒྱལ་པོས་འདིར་ཚོགས་བློན་འབངས་རྣམས། འདི་ལ་ཆད་པ་གཅོད་རྒྱུ་ཅི་ཞིག་འདུག ཅེས་གསུངས་ཆོས་བློན་ཟླ་བ་བཟང་པོ་དེས། གཙུག་གི་རྒྱན་བྱེད་དྲི་མེད་ཀུན་ལྡན་འདི། ཕོ་བྲང་ཕྱི་ལ་སྐོར་བ་བྱེད་པའི་དུས། མན་ཏེ་བཟང་མོ་སྲས་དང་བཅས་པ་རྣམས། ཡབ་ཀྱི་ཕྱིར་འབྲངས་ཞལ་ལ་ལྟ་བཞིན་འདུག གྲོང་མི་རྒན་གཞོན་ཁྱེའུ་ཕོ་མོ་ཀུན། ཀུན་ལྡན་དེ་ལ་བལྟ་བཞིན་མྱ་ངན་བྱེད། དྲི་མེད་ཀུན་ལྡན་ཡུམ་གྱི་དྲུང་དུ་ཕྱག་ཕེབས་ཤིག
ལྡབ་སྐྱོར་རྣམ་ཐར།
དྲི་མེད་ཀུན་ལྡན། རྣམ་ཐར། དུས་གསུམ་བདེ་གཤེགས་ཐམས་ཅད་སྐྱེས་པའི་ཡུམ། ཚད་མེད་བཞི་དང་ཕ་རོལ་ཕྱིན་བཅུ་ལྡན།
དགེ་རྒན། གཞུང༌། དགོས་འདོད་རེ་བསྐོངས་འབྲས་བུ་སྨིན་པའི་མ། ཡུམ་ཆེན་ཨ་མ་བདག་ལ་ཚུར་གསོན་དང༌། བདག་གི་ནོར་བུ་རིན་ཆེན་དགྲ་ལ་སྦྱིན། ཡབ་ཀྱིས་བདག་ལབཀའ་བཀྱོན་ཆད་པ་མང་དུ་གནང༌། བདུད་རི་ཧ་ཤང་ཀེམ་ཀེམ་དེ་ལ་ནི། ལོ་ནི་བཅུ་གཉིས་བར་དུ་རྒྱང་འབུད་མཛད། ཡུམ་ཤིན་ཏུ་ཐུགས་སྐྱོ།
ཡུམ། རྣམ་ཐར། ཕྱོགས་བཅུར་བཞུགས་པའི་ཐུབ་དབང་རྒྱ་མཚོ་་མཆོག དེ་དག་ཐམས་ཅད་བདག་ལ་དགོངས་སུ་གསོལ།
དགེ་རྒན། གཞུང༌། བདག་གི་བུ་འདི་ལམ་ལ་བཞུགས་པའི་ཚེ། ལོག་པར་མི་འགྱུར་ཐར་ལམ་འདྲེན་པར་ཤོག མདོར་ན་ས་ཕྱོགས་གང་དུ་ཕེབས་རྒྱུར་ཀྱང༌། སྡུག་བསྔལ་མེད་ཅིང་བདེ་སྐྱིད་ལྡན་པར་ཤོག འགལ་རྐྱེན་ཞི་ཞིང་མཐུན་རྐྱེན་ཕུན་ཚོགས་ནས། རྒྱལ་པའི་སྲས་པོ་དྲི་མེད་ཀུན་ལྡན་འདི། ཐུགས་དགོངས་དཔག་བསམ་ཤིང་ལོ་རྒྱས་པར་ཤོག གལ་ཏེ་ཚེ་འདིར་མཇལ་བར་མ་གྱུར་ཀྱང༌། ཕྱི་མ་བདག་ཞིང་མཉམ་དུ་སྐྱེ་བར་ཤོག
ཡུམ། རྣམ་ཐར། ཀྱེ་མ་ཀྱི་ཧུད་དེ་འདྲའི་སྡུག་བསྔལ་ལ། ཀྱི་ཧུད་ཀྱི་ཧུད་ཇི་ལྟར་བྱས་ན་དགའ། དེ་ལྟར་ཡུམ་སྲས་ཞལ་བྲལ་མི་ཕོད་བཞིན་དུ་ཞལ་བྲལ།
ལྡབ་སྐྱོར་རྣམ་ཐར།
དགེ་རྒན། གཞུང༌། དབྱར་གསུམ་གཡུ་འབྲུག་སྔོན་མོའི་སྐད་ཐོས་ཚེ། དེ་དུས་ཨ་མ་དྲན་པའི་བརྡ་ཡིན་པས། བུ་ཁྱོད་ཨ་མ་ཟེར་ཞིང་ལན་གསུམ་འབོད། དགེ་ལྡན་བཟང་མོ་ཟེར་ཞིང་ལན་གསུམ་འབོད། མ་ངས་བུ་ཁྱོད་ཟེར་ཞིང་ལན་གསུམ་འབོད། དྲི་མེད་ཀུན་ལྡན་ཟེར་ཞིང་ལན་གསུམ་འབོད། དེ་ལྟར་ཡུམ་སྲས་ཞལ་བྲལ་མི་ཕོད་བཞིན། དྲི་མེད་ཀུན་ལྡན་ཡུམ་སྲས་ལྔ་པོ་ཕྱག་ཕེབས་ཤིག ཡང་ལམ་བར་རྒྱལ་པོ་དྲི་མེད་ཀུན་ལྡན་ལགས། བདག་ལ་བྱིན་པ་གནང་རོགས་ཞེས་ཞུས།
དྲི་མེད་ཀུན་ལྡན། སྐད་ཆ། ད་སྦྱིན་པ་ག་རེ་སྤྲོད་དགོས་རེད།
སྤྲང་པོ། རྟ་མཆོག་གནང་རོགས་གནང༌།
དྲི་མེད་ཀུན་ལྡན། གཞུང༌། རྟ་མཆོག་རིན་ཆེན་རླུང་གི་ཤུགས་ལྟར་མགྱོགས། ཤིང་རྟ་ཡིད་འོང་མེ་ཏོག་ཕྲེང་བས་མཛེས། ལྷག་བསམ་རྣམ་པར་དག་པའི་སྦྱིན་པ་ཡིས། རྫུ་འཕྲུལ་སྟོབས་ཀྱིས་ཤུགས་དང་ལྡན་པར་ཤོག ཅེས་གསུངས་ནས་རྟ་མཆོག་རིན་ཆེན་སྦྱིན་པ་གནང༌། ཡང་གོང་བཞིན་སྦྱིན་པ་ཞུ་མཁན་ཡོང༌།
གཞུང༌། གླང་པོ་རིན་ཆེན་འགྲོ་བར་བཟང་བ་ཡིས། རིན་ཆེན་གླིང་ཡང་སྐོར་བར་བྱེད་པ་ཡིན། བདག་ལ་ཤིན་ཏུ་དགོས་པ་ཆེས་ནའང༌། ཁྱེད་ལ་དགོས་ན་སྦྱིན་པ་ཕུལ་བ་ཡིན། ཞེས་གསུངས་ནས་གླང་པོ་རིན་ཆེན་དེའང་གནང༌།
དགེ་རྒན། གཞུང༌། ཡུམ་གྱི་ཐུགས་སྨོན་ལྟར་གནང་བ་བཞིན་དུ། དྲི་མེད་ཀུན་ལྡན་ཟེར་ཞིང་སྤྱན་ཆབ་གནང༌། དགུན་གསུམ་བསིལ་ཟེར་རླུང་བུ་ལྡང་བའི་དུས། བུ་ཁྱོད་ཨ་མ་དྲན་པའི་གསོལ་འདེབས་ཡོད། དེ་དུས་ཨ་མ་ཟེར་ཞིང་ལན་གསུམ་འབོད། དགེ་ལྡན་བཟང་མོ་ཟེར་ཞིང་ལན་གསུམ་འབོད། མ་ངས་བུ་ཁྱོད་ཟེར་ཞིང་ལན་གསུམ་འབོད། དྲི་མེད་ཀུན་ལྡན་ཟེར་ཞིང་ལན་གསུམ་འབོད། གལ་ཏེ་ཚེ་འདིར་མཇལ་བ་མ་བྱུང་ཡང༌། ཕྱི་མ་དག་ཞིང་མཉམ་དུ་སྐྱེ་བར་ཤོག དེ་ནས་བདུད་རིའི་ཕྱོགས་སུ་རིམ་བཞིན་ཕེབས། ལྕམ་སྲིང་གསུམ་པོ་ཞབས་སྐྲངས་ནས་ཕེབསམ་ཐུབ། ཡབ་ཀྱིས་བདེན་ཚིག་ཐུགས་སྨོན་གནང་བ་ཡིས། བདུད་རི་དཔག་ཚད་ལྔའི་བར་དུ་ཉེ་རུ་ཕྱིན། དེ་ནས་བྲམ་ཟེ་དབུལ་པོ་མི་གསུམ་ཡང༌། རྒྱལ་པོའི་མདུན་དུ་ཕྱག་ཕེབས་ཤིག རྒྱལ་པོ་དྲི་མེད་ཀུན་ལྡན་ལགས། བདག་ལ་སྦྱིན་པ་གནང་རོགས་ཞེས་ཞུས། ལྡབ་སྐྱོར་རྣམ་ཐར། བྲམ་ཟེ་གསུམ་གྱིས་སྲས་ལྕམ་སྲིང་གསུམ་པོ་སྦྱིན་པར་གནང་རོགས་ཞེས་ཞུས། དྲི་མེད་ཀུན་ལྡན་གྱིས་ཡུམ་མན་ཏེ་བཟང་མོ་ཐུགས་སྐྱོ་ཡི་རེད་དགོངས་ནས་ཤིང་ཏོག་འཚོལ་དུ་བཏང༌།
དྲི་མེད་ཀུན་ལྡན། རྣམ་ཐར། ལེགས་ལྡན་ལེགས་མཛེས་ལེགས་དཔལ་མ་དང་གསུམ། ཡུན་རིང་འགྲོགས་པའི་ཐ་མ་དེ་རིང་ཡིན།
ལེགས་དཔལ། རྣམ་ཐར། མ་འགྲོ་ཟེར་ན་ཡབ་ཀྱི་དམ་བཅའ་འགལ། འགྲོ་ཁར་མ་དང་མ་འཕྲད་བདག་ཡིད་སྐྱོ།
ལྕམ་སྲིང༌། རྣམ་ཐར། ལེགས་མཛེས་ཟེར་བའི་ན་ཆུང་རྨ་བྱ་ང། རིགས་ངན་བྲམ་ཟེའི་གཡོག་ཏུ་འགྲོ་དགོས་སྐྱོ། ལྡབ་སྐྱོར་རྣམ་ཐར།
དགེ་རྒན། གཞུང༌། མཐུན་པར་འགྲོགས་ནས་ཐ་མ་བྲལ་བ་དེ། འདུས་བྱས་མི་རྟག་ཀུན་གྱི་མཚན་ཉིད་ཡིན། འགྲོ་བ་རིགས་དྲུག་སེམས་ཅན་ཐམས་ཅད་ཀྱང༌། འདུས་ནས་བྲལ་བ་འདུག་གོ་ལྕམ་སྲིང་གསུམ། བྲམ་ཟེ་ཐུགས་དགོངས་རྫོགས་ཕྱིར་སོང་ཞིག་ཨང༌། མན་ཏེ་བཟང་མོ་དེའང་ཤིང་ཏོག་བསྣམས་ནས་རྒྱལ་པོའི་དྲུང་དུ་ཕྱག་ཕེབས་ཤིག
མན་ཏེ་བཟང་མོ། རྣམ་ཐར། ཁོག་པའི་སྙིང་དང་འདྲ་བའི་མིང་སྲིང་གསུམ། མ་ཤི་ཐུག་པའི་དུས་ཤིག་ཡོང་བར་ཤོག
དགེ་རྒན། ཉི་མ་ལྟ་བུའི་རབ་མཛེས་མིང་སྲིང་གསུམ། གློ་བུར་བྲམ་ཟེའི་སྤྲིན་ཚོགས་ཀྱིས་འཁྲིགས་ནས། བདག་གི་ལོ་ཏོག་མྱ་ངན་སེར་བས་བཅོམ། བླ་མ་ལྷ་དང་དཀོན་མཆོག་རྣམ་པ་གསུམ། བདག་ཅག་མ་བུ་རྣམས་ཀྱིས་ལམ་སྣེ་དྲོངས། ཞེས་གསུངས་ཐུགས་འཕྲེང་ཤིན་ཏུ་མཛད་པ་ཡིས། རྒྱལ་པོས་སྦྱིན་པའི་བགེགས་སུ་མ་བྱེད་གསུངས། དེ་ནས་བདུད་རིའི་ཕྱོགས་སུ་ཕེབས་པ་ལ། ལམ་བར་ཆུ་བོ་ཆེན་པོ་ཞིག་དང་འཕྲད། རྒྱལ་པོས་ཐུགས་སྨོན་མཛད་པས་ཆུ་བོ་དེ། སོ་སོར་གྱེས་ནས་ལམ་ཁ་དེ་བར་བྱུང༌། དེ་ནས་སླར་ཡང་ཆུ་བོ་གཅིག་ཏུ་འདྲེས། ཚངས་པ་བརྒྱ་སྦྱིན་གཉིས་ཀྱང་འདི་ལྟར་དགོངས། རྒྱལ་པོའི་སྦྱིན་པ་ཀུན་རྫོབ་སྦྱིན་པའམ། ཡང་ན་དོན་དམ་སྦྱིན་པ་གང་ཡིན་པ། བརྟག་དགོས་དགོངས་ནས་བྲམ་ཟེ་གཉིས་ལ་སྤྲུལ་ནས་ཕྱག་ཕེབས་ཤིག རྒྱལ་པོར་སྦྱིན་པ་གནང་རོགས་ཞེས་འབོད།
དྲི་མེད་ཀུན་ལྡན། སྐད་ཆ། ད་སྦྱིན་པ་ག་རེ་སྟེར་དགོས་རས།
བྲམ་ཟེ། སྐད་ཆ། བཙུན་མོ་གནང་རོགས་གནང༌།
དྲི་མེད་ཀུན་ལྡན། རྣམ་ཐར། ད་ལན་བཟང་མོ་ཁྱེད་ནི་མ་སྦྱིན་ན། ང་ཡི་སྦྱིན་པའི་མཐའ་ཡང་མ་རྫོགས་ཤིང༌། བྲམ་ཟེ་གཉིས་ཀྱིས་བཟང་མོ་ཁྲིད་དེ་གོམ་པ་བརྒྱ་ཡི་སར་སླེབས་སྐབས་ཚངས་པ་དང་བརྒྱ་སྦྱིན་གྱིས་རང་གཟུགས་བསྟན་ནས་བཟང་མོ་རྒྱལ་པོའི་དྲུང་དུ་ཕུལ།
ལྡབ་སྐྱོར་རྣམ་ཐར།
ཚངས་པ་བརྒྱ་སྦྱིན། རྣམ་ཐར། ཨ་ཀྱང་ཀུ་རེ་ཡིན་པས་མི་དབང་རྗེ། དལ་འབྱོར་དོན་ཡོད་སྒྲུབ་པ་ངོ་མཚར་ཆེ།
ལྡབ་སྐྱོར་རྣམ་ཐར།
དགེ་རྒན། གཞུང༌། དེ་ལྟར་བཟང་མོ་རྒྱལ་པོའི་དྲུང་དུ་ཕུལ། དེ་ནས་ཚངས་པ་དང་བརྒྱ་སྦྱིན་གཉིས་ཀྱིས་ཁྱེའུ་དཀར་པོ་ཞིག་ཏུ་སྤྲུལ། ཡུལ་དེ་གྲོང་ཁྱེར་ཆེན་པོ་ཞིག་ཏུ་སྒྱུར་ནས་རྒྱལ་པོ་ལ། ཁྱེད་ལ་ཅི་དགོས་བདག་གིས་ཕུལ་བས་ཆོག་ཅེས་ཞུས། རྒྱལ་པོས་འདི་ལ་ཞེན་ཅིང་ཆགས་གྱུར་ན། ང་ཡི་དམ་ཚིག་ཉམས་པར་གྱུར། ཞེས་གསུངས་ནས་གྲོང་ཁྱེར་ཆེན་པོ་དེ། མངོན་མེད་ནམ་མཁའི་འཇའ་ལྟར་ཡལ། དེ་ནས་རྒྱལ་པོ་ཡབ་ཡུམ་གཉིས། བདུད་རི་ཧ་ཅང་སྡེ་སྣེ་ཟིན། བདུད་རིའི་གནས་བདག་རྨ་ར་དང་་སྨིན་མ་སེར་སྨུག་ཅན། ཕྱག་ཏུ་ཌ་རུ་བསྣམས་ནས་ཁྲེལ་རྒད་ཧ་ཧ་དགོད། གནས་འདི་གཅན་གཟན་གཏུམ་ལྡན་སྡོད་གནས་ལས། མི་ཡིས་འདི་ཁུལ་ཚུགས་པ་ག་ནས་ཡིན། ཁྱོད་གཉིས་ས་ཕྱོགས་གང་ནས་ཡོང་བ་ཡིན། གང་དུ་འགྲོ་བ་མ་གསང་དྲང་པོར་ཤོད། གནས་བདག་ རྨ་ར་ཅན་ཕྱག་ཕེབས་ཤིག
གནས་བདག གཅོད་རྟ། འཇམ་དབྱངས་ཕྱག་ན་རྡོ་རྗེ་སྤྱན་རས་གཟིགས། སཡི་སྙིང་པོ་གྲིབ་པ་རྣམ་པར་གསེལ། ནམ་མཁའི་སྙིང་པོ་བྱམས་པ་ཀུན་དུ་བཟང༌། ཉི་བའི་སྲས་ཆེན་བརྒྱད་ལ་བསྟོད་པར་བྱ།
སྐད་ཆ། ཧ་ཧ་ཧ་མི་ཁྱོད་ཧམ་པ་ཆེ་མདོག་ལ། སྐས་ཀ་མ་འཛེག་གོང་ཐོག་ཀར་སླེབས་པ། ཡུལ་འདིའི་ཕུའི་གངས་རི་ནས་མདའི་གཙང་ཆུ་ཡན་སའི་ས་བདག་དང་རྡོའི་རྡོ་བདག་ང་ཡིན་པ་མ་ཤེས་བསམ། མ་གཞི་ནས་མི་ཁྱོད་ལམ་འདི་བརྒྱུད་ནས་གང་དུ་འགྲོ་བ་ཡིན།
དྲི་མེད་ཀུན་ལྡན། སྐད་ཆ། ཡབ་ཀྱི་བཀའ་བཞིན་བདུད་རི་ཧ་ཤང་ལ་འགྲོ་བ་ཡིན།
གནས་བདག སྐད་ཆ། བདུད་རི་ཧ་ཤང་ཟེར་བ་འདི། འགྲོ་བ་མི་ཡི་སྡོད་གནས་མིན། གཅན་གཟན་སྡུག་པ་ཅན་གྱི་ཕ་ས་རེད། ཁྱོད་ཀྱིས་རི་མགོར་མེ་དང་རྒྱ་མཚོར་དུག མི་བསད་རྟ་སྐྱེལ་གང་བྱས་པ་ཡིན། ཡབ་ཀྱི་བཀའ་མེད་པར་ནོར་བུ་དགོས་འདོད་ཀུན་བྱུང་བྲམ་ཟེར་སྦྱིན་པ་བཏང་བས། དེའི་ཆད་པར་བདུད་རི་ཧ་ཤང་རི་ལ་ལོ་བཅུ་གཉིས་རིང་རྒྱང་འབུད་བཏང་བྱུང༌།
གནས་བདག སྐད་ཆ། མི་ཕོ་ཁྱོད་ཡུལ་གང་ནས་ཡིན།
དྲི་མེད་ཀུན་ལྡན། སྐད་ཆ། ཡུལ་བྷེ་ཏེའི་གྲོང་ཁྱེར་ནས་ཡིན།
གནས་བདག སྐད་ཆ། ཡབ་ཀྱི་མཚན་ལ།
དྲི་མེད་ཀུན་ལྡན། སྐད་ཆ། ས་སྐྱོང་གྲགས་པ་ཞུ།
གནས་བདག སྐད་ཆ། ཡུམ་གྱི་མཚན་ལ།
དྲི་མེད་ཀུན་ལྡན། སྐད་ཆ། དགེ་ལྡན་བཟང་མོ་ཞུ།
གནས་བདག སྐད་ཆ། མི་ཕོ་ཁྱེད་རང་མིང་ལ།
དྲི་མེད་ཀུན་ལྡན། སྐད་ཆ། རིགས་རྒྱལ་དྲི་མེད་ཀུན་ལྡན་ཟེར་གྱི་ཡོད།
གནས་བདག སྐད་ཆ། ཨ་ཙི་ཆོས་ཀྱི་རྒྱལ་པོ་དྲི་མེད་ཀུན་ལྡན་ཞུ་བ་དེས་ནོར་རྒྱལ་སྲིད་ཐམས་ཅད་དབུལ་པོར་སྦྱིན་པ་བཏང་བ་རེད་ཅེས་རྣ་བས་ཐོས་ཀྱང༌། དེ་རིང་དངོས་སུ་མཇལ་བ་ངའི་བསོད་ནམས་ཡིན། འོན་ཀྱང་བདུད་རི་ཧ་ཤང་དུ་འགྲོ་བ་ལ་སྟག་གཟིགས་དོམ་དྲེད་སྡུག་པ་ཅན་གྱིས་ངའི་བཀའ་དབང་མེད་པར་མི་གཏོང་། ཁྱོད་གཉིས་ངའི་བཀའ་དབང་ཡག་པོ་བྱས་ནས་ཉོན་ཅིག ལག་བརྡ་ཇི་བཞིན་ཕེབས།
（གཅན་གཟན་མང་པོ་ཡོང་ཡང་གནོད་པ་མ་བྱས།）
འདི་ནས་དཔག་ཚད་འགའ་ཞིག་ཕྱིན་པ་ན།
ན་དགའ་ར་ཡི་ཆུ་བོ་ཆེན་པོ་ཡོད།
ཆུ་བོ་གཡས་སུ་བཞག་ནས་ཕེབས་རྒྱུར་ན།
གཅན་གཟན་འགྲོ་སའི་ལམ་ཞིག་ཡོད།
དེ་ནས་རྒྱལ་པོ་བྱོན་པར་ཞུ། སླར་ཡང་མཇལ་བའི་སྐྱབས་འཇུག་ཞུ།
དྲི་མེད་ཀུན་ལྡན། རྣམ་ཐར། ཁྱེད་ཅག་འདིར་ཚོགས་གཅན་གཟན་རྣམས། ང་རྒྱལ་མ་བྱེད་ཞི་བར་གནས།（གཅན་གཟན་རྣམས་ཀྱིས་འཚེ་བ་མ་བྱས་པར་ཕྱག་བྱས།） ད་དུང་ལམ་སྣ་ཁྲིད་པའི་ཚུལ་ཡང་བྱེད།
དགེ་རྒན། གཞུང༌། གནས་བདག་ལམ་བསྟན་ཇི་བཞིན་རྒྱལ་པོ་ཡབ་ཡུམ་བདུད་རིའི་ཕྱོགས་སུ་ཕེབས། བཟང་མོ་ཐུགས་སྐྱོ་འདི་ནི་གཤིན་རྗེའི་འགྲོ་ལམ་མིན་ནམ་གསུངས། རྒྱལ་པོས་ང་ནི་གཏོང་བའི་བློ་ལྡན་ཡང༌། མན་ཏེ་བཟང་མོའི་སེམས་ཉིད་བདེ་བའི་ཆེད། གཅན་གཟན་རྣམས་ནི་ཞི་བར་གནས་པར་ཞུ། ཞེས་གསུངས་གཅན་གཟན་རྣམས་སྒོ་ཁྱིའི་ཚུལ་ལྟར་གྱུར། དེ་ནས་སླར་ཡང་རྒྱལ་པོས་གསུངས་པ་ལ། ཐུབ་པས་ལུང་བསྟན་ནགས་ཁྲོད་དམ་པ་འདིར། མི་མཐུན་གཡེང་བའི་ཅ་ཅོ་རབ་སྤངས་ནས། ཏིང་འཛིན་དགའ་ལྡན་དགེ་བའི་གནས་འདི་རུ། དགེ་སྦྱོར་འཕེལ་བས་མི་འགྲོ་འདི་རུ་སྡོད། （ཅེས་གསུངས་ནས་བསམ་གཏན་ལ་བཞུགས།）མན་ཏེ་བཟང་པོ་ཤིང་འབྲས་འཚོལ་དུ་ཕེབས།
ལྡབ་སྐྱོར་རྣམ་ཐར།
དགེ་རྒན། གཞུང༌། མན་ཏེ་བཟང་མོ་ཤིང་འབྲས་འཚོལ་དུ་ཕེབས། སྨྲ་མཁན་ནེ་ཙོ་ཕྱག་ཕེབས་ཤིག
མན་ཏེ་བཟང་མོ། རྣམ་ཐར། འདབ་ཆགས་བྱ་ཡི་རིགས་ནི་མངོན་ཤེས་མཁན། བདག་ལ་དགོས་པའི་འབྲས་བུ་གང་ན་མང༌།（ནེ་ཙོས་ཤིང་འབྲས་ཕུལ་ནས་འཕུར།）
ལྡབ་སྐྱོར་རྣམ་ཐར།
དགེ་རྒན། གཞུང༌། སྨྲ་མཁན་ནེ་ཙོས་མན་ཏེ་བཟང་མོར་ཤིང་ཐོག་ཡོད་ས་བསྟན།
མན་ཏེ་བཟང་མོས་རྒྱལ་པོར་ཤིང་འབྲས་རྣམས་ཕུལ། མན་ཏེ་བཟང་མོ་རང་ཡུལ་ཕྱོགས་སུ་ཕེབས་བློ་སྐྱེད་དེ་རྒྱལ་པོར་འདི་ལྟར་ཞུས།
མན་ཏེ་བཟང་མོ། རྣམ་ཐར། ཕར་ལ་ལོ་དྲུག་ཚུར་ལ་ལོ་ངོ་དྲུག དེ་ནི་རང་ཡུལ་ཕྱོགས་ལ་ཕེབས་པར་ཞུ།
དགེ་རྒན། གཞུང༌། ཕར་ལ་ལོ་དྲུག་ཚུར་ལ་ལོ་ངོ་དྲུག ལོ་ངོ་བཅུ་གཉིས་ཡབ་ཀྱི་བཀའ་དང་མཚུངས། ད་ནི་རང་ཡུལ་ཕྱོགས་ལ་ཕེབས་པར་ཞུ། ཞེས་ཞུས་རྒྱལ་པོ་བསམ་གཏན་ལས་བཞེངས་ཏེ། གཉིས་ཀ་བྷེ་ཏའི་ཡུལ་དུ་གཟིགས་ནས་ཕེབས།
ལྡབ་སྐྱོར་རྣམ་ཐར།
གཞུང༌། རྒྱལ་པོ་ཡབ་ཡུམ་ཡུལ་ལ་ཕེབས་པ་ལ། བྱ་བྱིའུ་རི་དྭགས་བཅས་ཀྱིས་སྐྱེལ་མ་ཞུས། འོད་འདུས་ཀླུང་གི་གནས་ཞེས་བྱ་བ་ལ། བྲམ་ཟེ་ལོང་བ་ཞིག་དང་རྒྱལ་པོ་འཕྲད། བྲམ་ཟེ་ལོང་བ་ཕྱག་ཕེབས་ཤིག
བྲམ་ཟེ། སྐད་ཆ། རྒྱལ་པོ་དྲི་མེད་ཀུན་ལྡན་ལགས། བདག་ལ་སྦྱིན་པ་གནང་བར་ཞུ།
དྲི་མེད་ཀུན་ལྡན། སྐད་ཆ། ང་ལ་སྦྱིན་པ་སྟེར་ཡས་གང་ཡང་མེད།
བྲམ་ཟེ། སྐད་ཆ། ཁྱེད་ཀྱི་སྤྱན་གཉིས་གནང་བར་ཞུ།
དྲི་མེད་ཀུན་ལྡན། རྣམ་ཐར། ལེགས་པར་ཉོན་དང་ལེགས་ལྡན་བྲམ་ཟེ་ཁྱོད། གཏོང་བར་དཀའ་བའི་མིག་གཉིས་ཁྱོད་ལ་སྟེར།
བྲམ་ཟེ། རྣམ་ཐར། བཀའ་དྲིན་ཆེའོ་རིགས་ལྡན་རྒྱལ་བའི་སྲས། འཇིག་རྟེན་མུན་པ་སེལ་བའི་སྒྲོན་མེ་མཆོག
ལྡབ་སྐྱོར་རྣམ་ཐར།
མན་ཏེ་བཟང་མོ། རྣམ་ཐར། ཀྱེ་མ་ཀྱི་ཧུད་དེ་འདྲའི་སྡུག་བསྔལ་ལ། ཀྱི་ཧུད་ཀྱི་ཧུད་ཇི་ལྟར་བྱས་ན་དགའ།
དགེ་རྒན། གཞུང༌། རྒྱལ་པོས་་གྲི་གུས་སྤྱན་གཉིས་བཏོན་ནས་ནི། བྲམ་ཟེ་ལོང་བའི་མིག་ནང་བཙུད་པར་གནང༌། ཐམས་ཅད་མཐོང་བས་བྲམ་ཟེ་ཤིན་ཏུ་དགའ། རྒྱལ་པོས་ད་ནི་སྦྱིན་མཐའ་རྫོགས་པར་ཤོག ཅེས་པའི་བདེན་པའི་ཚིག་གི་སྨོན་ལམ་གསུངས། མན་ཏེ་བཟང་མོ་སྡུག་བསྔལ་ཆེན་པོས་མནར། བྲམ་ཟེ་ལོང་བ་མིག་དང་ལྡན་པ་ནི། དྲི་མེད་ཀུན་ལྡན་སྤྱན་ཡིན་ཀུན་གྱིས་ཤེས། ས་སྐྱོང་གྲགས་པ་ཐུགས་འགྱོད་དང་བཅས་ཏེ། ཟླ་བ་བཟང་པོ་སྲས་ཀྱི་དྲུང་དུ་མངགས། ཆོས་བློན་ཟླ་བ་བཟང་པོ་རྒྱལ་པོ་ཡབ་ཡུམ་གཉིས་ཀྱི་དྲུང་དུ་ཕྱག་ཕེབས་ཤིག
ལྡབ་སྐྱོར་རྣམ་ཐར།
ཟླ་བ་བཟང་པོ། རྣམ་ཐར། ཀྱེ་ཀྱེ་བློ་དང་ལྡན་པའི་རྒྱལ་པོ་ཁྱེད། བྷེ་ཏའི་ཡུལ་དུ་ཕེབས་པར་གསོལ་བ་འདེབས།
དགེ་རྒན། གཞུང༌། ཤིན་ཏུ་དཀའ་བ་མཛད་པ་འདི་ལྟ་བུ། ངོ་མཚར་ཆེ་བ་ཡོན་ཏན་རྒྱ་མཚོའི་དཔལ། བདག་ཅག་འཁོར་འབངས་ཐུགས་སུ་འཛིན་ཕྱིར་དུ། བྷེ་ཏའི་ཡུལ་དུ་ཕེབས་པར་གསོལ་བ་འདེབས།（ཟླ་བ་བཟང་པོ་ཐུགས་ཤིན་ཏུ་སྐྱོ་པོས་རྒྱལ་པོའི་ཕྱག་གཡས་ནས་སྐྱོར་བཞིན་ཕེབས།）
དྲི་མེད་ཀུན་ལྡན། རྣམ་ཐར། ཟླ་བ་བཟང་པོའི་བསམ་པ་རྫོགས་ཕྱིར་དང༌། མན་ཏ་བཟང་མོའི་མྱ་ངན་སེལ་ཕྱིར་དུ། བདག་གི་མིག་གཉིས་སྔར་ལྟར་གསལ་བར་ཤོག
དགེ་རྒན། གཞུང༌། རྒྱལ་པོས་ཐུགས་སྨོན་མཛད་པས་སྤྱན་གཉིས་སྔར་ལྟར་གསལ། བྷེ་ཏའི་ཕྱོགས་སུ་རིམ་གྱིས་ཕེབས་པས་ཤིང་ཁྲི་བཙན་པོ་དང་བྲམ་ཟེ་དབུལ་པོ་གསུམ་མཇལ་དུ་ཡོང་བ་དང་འཕྲད། ཤིང་ཁྲི་བཙན་པོས་ནོར་བུ་དགོས་འདོད་ཀུན་བྱུང་རང་སློག་ཕུལ་ནས་མགོ་འབུལ་ཞུས། བྲམ་ཟེ་གསུམ་གྱིས་ལྕམ་སྲིང་རྣམ་གསུམ་རང་སློག་ཕུལ་བས་རྒྱལ་པོས་ནོར་རྫས་མང་པོ་གནང༌། ཤིང་ཁྲི་བཙན་པོ་དང་བྲམ་ཟེ་གསུམ། སྲས་ལྕམ་སྲིང་གསུམ་དང་བཅས་པ་ཕྱག་ཕེབས་ཤིག
དམངས། རྟ་འདུར། རྟ་པོ་ཕུན་ཚོགས་རྐྱང་པོའི་རྐྱང་གཞས་ལ། རྟ་ཕོའི་མགོ་དེ་ཚེ་དབང་བུམ་པ་འདྲ།
དགེ་རྒན། གཞུང༌། རྒྱལཔོ་ཡབ་སྲས་འཁོར་དང་བཅས་པ་རྒྱལ་པོ་ས་སྐྱོང་གྲགས་པ་དང༌། ཡུམ་དགེ་ལྡན་བཟང་མོའི་དྲུང་དུ་ཕྱག་ཕེབས་ཤིག
ཡུམ་དགེ་ལྡན་བཟང་མོ། རྣམ་ཐར། ཡབ་ཡུམ་གཉིས་དང་སྲས་གསུམ་མཇལ་བ་ཡིས། ཨ་མའི་མྱ་ངན་དེ་རིང་ནས་བཟུང་ཡལ།
ཡབ། རྣམ་ཐར། གང་ཞིག་ནུབ་ཏུ་བཞུད་པའི་ཉི་མ་ཡང༌། སླར་ཡང་ཤར་ནས་ཤར་བ་ལྟ་བུ་བྱུང༌།
ལྡབ་སྐྱོར་རྣམ་ཐར།
དགེ་རྒན། གཞུང༌། ལེགས་ལྡན་ལེགས་དཔལ་གཉིས་ལ་རྒྱལ་སྲིད་དབང་སྐུར་མཛད། ཁྲི་སྟོན་བྱེད་མི་རྣམས་ཕྱག་ཕེབས་ཤིག
གཞུང༌། རྒྱལ་སྲས་གཉིས་ཀྱི་གསུང་ཐར་ཡོད་པ་ཞུ།
ལེགས་དཔལ། རྣམ་ཐར། ཨེ་མ་ཉོན་དང་ང་ཡི་བློན་འབངས་ཚོ། ལེགས་ལྡན་ལེགས་དཔལ་གཉིས་ལ་ཚུར་ཉོན་ཅིག
ལེགས་ལྡན། རྣམ་ཐར། རྒྱལ་ཁྲིམས་གསེར་གྱི་གཉའ་ཤིང་སྐྱོང་བ་དང༌། ཆོས་ཁྲིམས་ཐར་པའི་ལམ་སྣེ་འཛིན་པར་ཤོག
ལྡབ་སྐྱོར་རྣམ་ཐར།
དགེ་རྒན། གཞུང༌། ལེགས་ལྡན་ལེགས་དཔལ་གཉིས་ལ་སྲིད་ཀྱི་དབང་སྐུར་མཛད། ཡབ་ཡུམ་གཉིས་པོ་སིང་ག་ལ་ལ་ལྷ་ཆོས་ཞུ་བར་ཕེབས།
ཞབས་དྲུང༌། གཞུང༌། ལྡབ་སྐྱོར།
དགེ་རྒན། གཞུང༌། ཡབ་ཡུམ་གཉིས་པོ་རིམ་པར་སྐུ་ཚེའི་འཕེན་པ་རྫོགས། ལྕམ་སྲིང་གསུམ་གྱི་མཆོད་འབུལ་གསེར་འབུམ་སྟོང་ཚོ་བཞེངས།
ཞབས་དྲུང༌། གཞུང༌། ལྡབ་སྐྱོར།
དགེ་རྒན། གཞུང༌། ཉི་མ་དེ་རིང་ཆོས་ཀྱི་རྒྱལ་པོ་དྲི་མེད་ཀུན་ལྡན་གྱི་གསུང་རབ་རྣམ་ཐར་སརྦ་མངྒ་ལམ། མཇུག་ཏུ་བཀྲ་ཤིས་གསུང་སྐོར་འདི་འདྲ་ཡོད་པ་ཡིན།
རྣམ་ཐར། མི་འགྱུར་ལྷུན་པོ་སྐུ་ཡི་བཀྲ་ཤིས་ཤོག ཡན་ལག་དྲུག་ཅུ་གསུང་གི་བཀྲ་ཤིས་ཤོག ཏ་ལའི་ལ་མོའི་རྩེ་ནས། ཕྱི་བལྟས་ལན་གསུམ་སློག་པས། སྐྱིད་པོའི་བྱང་ཕྱོགས་ལྔ་ལྡན། སྔར་ལས་དར་ཞིང་རྒྱས་པ། མཆོད་ཅིག
（རྟེན་འབྲེལ་མཚོན་བྱེད་དུ་རྔོན་པའི་འཇིང་ཟོར་ནས་ཕྲན་ཙམ་ཕུལ་བ་དང་བཀྲ་ཤིས་ཞོལ་པའི་རྔ་འཛིང་ཡང་རྒྱབ།）
འབྲེལ་ཡོད་འོས་སྦྱོར།
