༄༅།།ལྷོ་ཁ་ས་ཁུལ་གྱི་དམངས་ཁྲོད་གཏམ་རྒྱུད་དགོད་བྲོ་བའི་སྒྲུང་ལས་གཅེན་གཅུང་གཉིས།

ཉིན་ཞིག་གཅེན་གཅུང་གཉིས་ནགས་གསེབ་ཅིག་བརྒྱུད་ནས་འགྲོ་སྐབས་ལམ་བར་དུ་སྟ་རེ་གཅིག་ཡོད་པ་ཁོང་གཉིས་པོས་དུས་གཅིག་ཏུ་མཐོང་བ་རེད།  གཅེན་པོས་ལམ་སང་ང་ལ་སྟ་རེ་གཅིག་རྙེད་བྱུང་ཞེས་བརྗོད་པས་གཅུང་པོས་རང་གཅིག་པུར་རྙེད་བྱུང་ཞེས་བརྗོད་རྒྱུ་མེད། ངེས་པར་དུ་ང་གཉིས་ལ་སྟ་རེ་གཅིག་རྙེད་བྱུང་ཞེས་བརྗོད་ན་འཚམ་གྱི་རེད་ཅེས་བཤད་ཀྱང་གཅེན་པོས་མིན་ང་ལ་རྙེད་བྱུང་བས་ང་ལ་བདག་པ་རེད་ཅེས་ཨུ་ཚུགས་བྱས།  
ཁོ་གཉིས་ཁ་རྩོད་རྒྱག་བཞིན་ལམ་དུ་མུ་མཐུད་བསྐྱོད་སྐབས་གློ་བུར་དུ་རྒྱབ་ནས་སྟ་རེའི་བདག་པོས་རྗེས་འདེད་བཏང་ཡོང་བ་དང་ཆབས་ཅིག་ཁོང་ཁྲོའི་ངང་ཁྱེད་གཉིས་ངའི་སྟ་རེ་བརྐུས་ཀྱང་ཐར་ས་མེད་ཅེས་པའི་འབོད་སྒྲ་ཁོང་གཉིས་ཀྱིས་ཐོས་རྗེས་གཅེན་པོ་སྐྲག་སྟེ་དཔེ་བསགས་སོང་ད་ང་གཉིས་འགྲོ་ཐབས་བྲལ་སོང་ཞེས་བཤད་པས་གཅུང་པོས་ལམ་སེང་ཁྱེད་ཀྱིས་ནོར་སོང་།  ང་གཉིས་ཞེས་བརྗོད་རྒྱུ་མེད། ང་འགྲོ་ཐབས་བྲལ་སོང་ཞེས་བརྗོད་ན་འཚམ་གྱི་རེད་ཅེས་སྨྲས་པས་གཅེན་པོས་ལན་རྒྱག་ཐབས་བྲལ་ལོ།།