སློབ་གསོའི་ངོས་འཛིན་ཐོར་བུ།

　　　　　　　　　　སློབ་གསོའི་བྱ་བ་རྣམ་གསུམ་སྟེ༎
　　　　　　　　　　ཀུན་སྤྱོད་གསོ་དང་ནུས་པ་གསོ༎
　　　　　　　　　　ནང་གི་སེམས་ཉིད་གསོ་བའོ༎
　　　　　　　　　　ཀུན་སྤྱོད་པདྨའི་འདབ་མ་འདྲ༎
　　　　　　　　　　མཛེས་བས་གཞན་ཡིད་འགུག་པར་བྱེད༎
　　　　　　　　　　ནུས་བ་འཕྲུལ་གྱི་འཁོར་ལོ་བཞིན༎
　　　　　　　　　　རེ་བའི་ས་ལ་སླེབས་པར་བྱེད༎
　　　　　　　　　　ནང་སེམས་གསེར་གྱི་རྒྱ་མ་ལྟར༎
　　　　　　　　　　འཕྲལ་ཕུགས་ལེགས་ཉེས་གསལ་བར་སྟོན༎
　　　　　　　　　　གང་ཞིག་ཀུན་སྤྱོད་མི་གསོ་བ༎
　　　　　　　　　　ཕྱི་ཡི་རྒྱན་གོས་འདོར་བ་ཉིད༎
　　　　　　　　　　གང་ཞིག་སེམས་ཉིད་མི་གསོ་བ༎
　　　　　　　　　　ནང་གི་མེ་ལོང་གཅོག་པར་ཟད༎
　　　　　　　　　　གང་དག་ནུས་རྩལ་མི་གསོ་བ༎
　　　　　　　　　　བྱ་རྒོད་གཟེབ་ཏུ་བཅུག་པའོ་༎