“ཚིག་གི་རྒྱ་མཚོ”བརྒལ་བའི་འཕྲིན་ཡིག་ཅིག

གུས་པར་འོས་པའི་དགེ་རྒན་སངས་རྒྱས་ལགས།
       ཁྱེད་རང་སྐུ་ཁམས་བདེ་བར་བཞུགས་ཡོད་དམ།
       ཁྱེད་ཉིད་ལ་འཕྲིན་ཡིག་འདི་འབྲི་སྐབས། དགུན་ཁའི་ཉི་འོད་སྒེའུ་ཁུང་ལས་ཟགས་ཏེ་ལྗིད་ཏིག་ཏིག་གི་ཚིག་མཛོད་དེ་གསུམ་པོའི་སྟེང་དུ་འཕྲོས།        ཟིན་བྲིས་འདེབས་མཁན་ཞིག་ཡིན་པའི་ཆ་ནས། ངས་སྨྱུ་གུ་ལག་ཏུ་བླངས་ནས་འབྲི་བར་བརྩམས་པའི་ཚེ་ན། འབྲི་མཁན་ནི་ང་རང་མ་ཡིན་པར་འདས་ཟིན་པའི་ལོ་ངོ་བཅུ་གསུམ་གྱི་ལོ་ཟླ་དེ་དང་། ཡིག་འབྲུ་ཁྲི་སྟོང་གི་བམ་པོ་དེས་ངའི་ལག་པ་གཡར་ནས་ཁྱེད་ཉིད་ལ་བརྗོད་པའི་སྣང་བ་ཞིག་ཤར།        ཁ་ཤས་ཤིག་གིས་ཡིག་སྒྱུར་མཉེན་ཆས་ཁྱབ་གདལ་དུ་སོང་ཡོད་པས་ད་རུང་ལམ་རྙིང་དུ་འགྲོ་དགོས་དོན་ཅི་ཡིན་ཞེས་འདྲི།
       “དགོས་མཁོའི་དབང་གིས་ཡིན”ཞེས་ཚེ་རིང་འབུམ་གྱིས་ང་ལ་དེ་ལྟར་འགྲེལ་བཤད་བྱས། ཁོས་དེའི་རྒྱབ་ལོགས་སུ་བོད་འབྲེལ་ས་ཁུལ་གྱི་མང་ཚོགས་ཀྱིས་རྒྱལ་ཁབ་ཀྱི་སྤྱི་སྤྱོད་སྐད་ཡིག་སྦྱོང་འདོད་ཀྱི་མདུན་པ་དེ་ཡོད་ལ། རིག་གནས་ཀྱི་བདག་དབང་སྲུང་སྐྱོབ་དང་མི་རིགས་མཐུན་སྒྲིལ་ལ་ཡར་སྐུལ་བྱེད་པའི་བསམ་གཞིགས་ཟབ་མོ་ཡང་ཡོད། ཚིག་མཛོད་འདི་ལག་ཆའི་དཔེ་དེབ་དཀྱུས་མ་ཞིག་མིན་པར་དེ་ནི་རྨང་རྡོ་ཞིག་དང་འདྲ་བར། མི་རིགས་གཉིས་ཀྱིས་ཕན་ཚུན་གྱི་སེམས་གཏམ་གོ་བྱེད་ཡིན།        མ་ཡིག་དག་སྒེའུ་ཁུང་འགྲམ་དུ་བརྩིགས་འདུག་ལ། དེ་ནི་དུས་ཚོད་ཀྱི་བཞུར་རྒྱུན་མཐོང་བའི་མེ་ལོང་ཞིག་དང་མཚུངས། ཚེ་རིང་འབུམ་གྱིས་མ་ཡིག་སྐོར་ཞིག་བླངས་ནས་ང་ལ་སྟོན་སྐབས་མྱོང་བ་དེ་ལྷག་ཏུ་ཟབ། ཤོག་ངོས་གཅིག་གི་སྟེང་དུའང་སྨྱུ་གུ་དམར་པོའི་བཅོས་ཤུལ་མང་པོ་མཐོང་བས། གྲགས་འགུལ་མེད་པའི་དམག་འཁྲུག་ཅིག་བརྒྱབ་མྱོང་བ་དང་མཚུངས།        ད་རུང“胸有成竹”ཞེས་པའང་དེ་བཞིན་རེད། ཁ་ཤས་ཀྱིས“ཁོང་དུ་ཆུད་པ”ཞེས་བསྒྱུར་ན་མི་ལེགས་སམ་ཟེར། འོན་ཀྱང་ཚང་མས་ཁོག་ན་མྱུག་མའི་རི་མོ་བཀྲ་བའི་བབ་བརླིང་གི་ངང་ཚུལ་དེ་ཇི་མ་ཇི་བཞིན་དུ་བོད་ཡིག་ལ་ཐོན་ན་བཟང་བར་སྙམ།