དགེ་རྒན་ལགས། འོ་བརྒྱལ་ཞུ།

དགེ་རྒན་ལགས།  འོ་བརྒྱལ་ཞུ།
      གྲགས་པ། མཐོ་གཅིག་གཉིས་པ།

མི་རིགས་ཤིག་གི་འཕེལ་འགྲིབ་ཀློང་ན
བྲེལ་འཚུབ་ཀྱིས་འདུར་རྒྱུག་བྱེད་ཅིང
སྐད་ཡིག་ཅིག་གི་རྒྱུན་ཐག་སྣེ་ན
རྔུལ་ཆུའི་རྒྱུན་ཐག་ཆད་པའི་དགེ་རྒན
ལང་ཚོའི་མེ་ཏོག་གི་གང་བུ
ས་སྨྱུག་དང་ལྷན་དུ་ཟད་ཀྱང་རུང་ལ
འབྲི་ཤོག་དང་མཉམ་དུ་རུལ་ཡང་ཆོག
ཡོད་ཚད་ཀྱི་ཡོད་ཚད
མིའི་རིགས་ཀྱི་བྲ་སྲོག་གི་གད་རྒྱངས་ལ་བསྟིམ་ཅིང
མིའི་རིགས་ཀྱི་རྣམ་དཔྱོད་ཀྱི་བཟོ་བཀོད་ལ་ཐིམ་ཡོད
མུན་ནག་གི་འཁུན་སྒྲ་དབྱངས་རྟར་བཅིབས་པའི་སློབ་བུ་ང་ཚོས
བདེ་སྐྱིད་ཀྱི་གནས་མལ་དྲོན་མོ་དེ་འཚོལ་དུས
ཁྱེད་རང་དགོས་འདོད་ཀྱི་ཆར་བ་ཕབ་པའི་འདོད་ལྷ་དང
ཚེ་སྲོག་ལ་འོད་སྣང་སྦྱིན་མཁན་གྱི་དྲིན་ཅན་གྱི་ཕ་མ་གཉིས་པ
ལས་དབང་ལ་ཁ་དོག་བསྐྲུན་མཁན་གྱི་དཀོན་མཆོག་ཉིད
ཁྱེད་ཡོད་པས
ང་ཚོར་ནམ་ཡང་ཕུགས་བསམ་ལ་བཞི་ཤད་མི་འཇོག་པའི་སྤོབས་སེམས་ཡོད་ལ
ཁྱེད་རང་ཡོད་པས
ང་ཚོའི་མི་ཚེ་ཕྱུགས་རྗེས་ནས་མི་སྐྱེལ་བའི་དམ་ཚིག་གསལ
ཁྱེད་ནི་མི་རིགས་དང་མེས་རྒྱལ་གྱིས་བྲེལ་ལ་བཏེགས་ཀྱང
གཞན་དོན་དང་ལྷག་བསམ་གྱིས་འོད་དུ་འཚེར
དགེ་རྒན་ལགས
 ཁྱེད་ལ་ལྷིང་འཇགས་ཀྱི་ཁོར་ཡུག་དབེན་ལ
ཁྱེད་ལ་ངལ་གསོ་ཡི་གོ་སྐབས་ཉུང
ཡིན་ནའང
ཁྱེད་ཀྱིས་སློབ་གསོའི་ལས་དོན་རྒྱབ་ཏུ་་ཁུར་ཏེ
ཨ་ཐང་ཆད་པའི་དབུགས་རིང་ཞིག་ཀྱང་འཐེན་མ་མྱོང་ལ
ཁྱེད་ཀྱིས་མི་རིགས་ལས་དོན་གཉེར་ཏེ
ངལ་གསོ་ཅུང་ཙམ་ཐོབ་པའི་རྣམ་འགྱུར་ཞིག་ཀྱང་བསྟན་མ་མྱོང
དགེ་རྒན་ལགས   འོ་རྒྱལ་ཞུ
དེ་རིང་གི་འཆར་ཀའི་མཛེས་སྡུག
ཁྱེད་ཀྱི་དུས་སྟོན་བསུ་བའི་ལེགས་སྐྱེས་ཀྱི་དྭངས་མ་ཡིན་པས
བསྟར་སྒྲིག་པའི་ལས་དོན་གྱི་བར་གསེང་ནས
འབབ་བཞིན་པའི་དུས་ཚོད་ཀྱི་ཧྲག་བར་ནས
དབུགས་དབྱུང་ཐེངས་གཅིག་གི་ངལ་གསོ་གནང་རོགས
དགེ་རྒན་ལགས  འོ་བརྒྱལ་ཞུ