ཨ་མདོ་བྱམས་པ།

ཨ་མདོ་བྱམས་པ།

            བོད་ཀྱི་སྲོལ་རྒྱུན་རི་མོ་བ་མཁས་ཆེན་ཨ་མདོ་བྱམས་པ་ནི་སྤྱི་ལོ1914ལོར་མཚོ་སྔོན་གཅན་ཚ་རྫོང་དུ་འཁྲུངས།   ཁོང་ལ་བོད་ལྗོངས་ཀྱི་པིས་ཅའ་སའོ་ཞེས་པའི་མཚན་སྙན་ལྡན་པ་དང༌།  ཁོང་གིས་བརྩམས་པའི་རི་མོ་དག་ལས་ང་ཚོས་བོད་ཀྱི་ཆོས་ལུགས།  ཁོར་ཡུག་མི་སྣའི་ལས་དབང་བཅས་མངོན་སུམ་དུ་ཚོར་ཐུབ། 

ཨ་མདོ་བྱམས་པས་དམར་བྲིས་བྱེད་ཀྱིན་པའི་ཚུལ།

            སྤྱི་ལོ1921ལོར་ཁོང་གཅན་ཚ་རྫོང་གི་ངང་རུང་དགོན་པར་ཞུགས་ནས་རབ་ཏུ་བྱུང༌།  སྐབས་དེ་ནས་བཟུང་དགོན་པའི་ལྡེབས་རིས་དང་ལྷ་སྐུ་དག་ལ་བརྟེན་ཏེ་བོད་ཀྱི་སྲོལ་རྒྱུན་རི་མོ་རང་སྦྱོང་བྱས།  1936ལོར་ཁོང་བླ་བྲང་བཀྲ་ཤིས་འཁྱིལ་གྱི་ཆོས་གྲྭར་ཞུགས།  1942ལོར་དགུང་ལོ28སྟེང་ལྷ་སར་གནས་མཇལ་དུ་སོང་སྟེ་འབྲས་སྤུངས་དགོན་པའི་ཆོས་གྲྭར་ཞུགས1955ལོར་དགུང་ལོ41སྟེང་ཕོ་བྲང་པོ་ཏ་ལར་སླེབས་ནས་དེ་གའི་རི་མོ་བའི་འགན་བཞེས། 1956ལོར་ཕོ་བྲང་ནོར་བུ་གླིང་ག་རུ་མིང་གྲགས་ཅན་གྱི་རི་མོ་《སྟོན་པའི་ཆོས་གསུང་པ་དང་》《ཁམས་གསུམ་ལ་བསམ་གཞིགས་གཏོང་བ》གཉིས་ཕྱག་བྲིས་གནང༌།  1981ལོར་རིག་རྫས་དོ་དམ་ཨུ་ཡོན་ལྷན་ཁང་དུ་ཕྱག་ལས་གནང་ཞིང༌།  བོད་ཀྱི་ལོ་རྒྱུས་ཞིབ་འཇུག་པ་དང༌།བོད་ལྗོངས་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱི་སྐབས་དང་པོའི་ཀྲུའུ་ཞི་བཅས་ཀྱི་འགན་བཞེས།  1981ལོར་རྒྱ་གར་ནས་《བོད་ཀྱི་བཙན་པོ་རྣམ་གསུམ》ཞེས་པའི་རི་མོ་ཕྱག་བྲིས་གནང1999ལོར་ཁོང་གིས་ལྷ་སའི་ཨ་མདོ་བྱམས་པའི་སྒེར་བཙུགས་མཛེས་རྩལ་སློབ་གྲྭ་གསར་དུ་བཙུགས་པ་དང༌།དགུང་ལོ85ལོན་པའི་ཁོང་ཉིད་ཀྱིས་སློབ་གྲྭ་དེའི་འགོ་འཛིན་དང་དགེ་རྒན་གྱི་འགན་བཞེས2002ལོའི་ཟླ3པའི་ཚེས28ཉིན་ལྷ་སར་འགྲོ་བའི་ལམ་བར་དུ་སྐུ་གཤེགས།