དཔའ་རིས་ཀྱི་མིང་གྲགས་དགེ་ལུགས་པའི་དགོན་པ་དོར་ཞི་དགོན་བསྐྱར་སྐྲུན་བྱེད་པ།

དོར་ཞི་དགོན་བསྐྱར་སྐྲུན་མཛད་སྒོའི་ཡུལ་དངོས།(པར་རིས་ཡོང་ཁུངས། བོད་མིའི་རིག་གནས་དྲ་བ)

        དེ་ཡང་དཔའ་རིས་དོར་ཞི་ཞང་གི་མང་ཚོགས་ཀྱི་རེ་ཞུ་ཆེན་པོ་དང་། དོར་ཞི་ཞང་གི་ཡུལ་གཞན་དུ་ལས་ཀ་སྒྲུབ་མཁན་དང་། ཞིང་ཆེན་ཕྱི་ནང་དང་རྒྱལ་ཁབ་ཕྱི་ནང་། དེ་མིན་དོར་ཞི་རིན་པོ་ཆེའི་ལས་འབྲེལ་དགེ་ཕྲུག་རྣམས་ཀྱི་རེ་འདོད། སྒོས་སུ་མཚོ་སྔོན་གྱི་ཚོས་པོའོ་ལིན་དང་། པེ་ཅིང་གི་ཤུའུ་དབྱིན་ཐིན། ས་གནས་ཀྱི་ཀྲང་རིན་ཆེན་སོགས་དགེ་བསྙེན་རྣམས་ཚབ་བྱས་པའི་དད་ལྡན་དག་གིས་སེམས་བསྐྱེད་ཆེན་པོའི་འོག 《ཝུ་ཝེ་གྲོང་ཁྱེར་མི་རིགས་ཆོས་ལུགས་ཅུའི་ཡིག་ཆ[ཝུ་ཝེ་མི་རིགས་ཆོས་ལུགས་ཅུས་སྤེལ](2006)ཨང07》(2006ལོའི་ཟླ2པའི་ཚེས17ཉིན་སྤེལ)འདིས་བརྒྱུད་སྤེལ་བྱས་པའི《ཀན་སུའུ་ཞིང་ཆེན་ཆོས་ལུགས་ལས་དོན་ཅུའི་ཡིག་ཆ(2006)ཨང2》དང་། 《ཀན་སུའ་ཞིང་ཆེན་ཆོས་ལུགས་ལས་དོན་ཅུའི་འབྲེལ་ཡོད་ཆོས་ལུགས་བྱེད་སྒོ་སྤེལ་གནས་འཛུགས་པའི་ཆོག་མཆན》(2006ལོའི་ཟླ1པོའི་ཚེས24ཉིན་སྤེལ)སོགས་ཡིག་ཆའི་དགོངས་ཚུལ་ལྟར། དཔའ་རིས་བོད་རིགས་རང་སྐྱོང་རྫོང་དོར་ཞི་དགོན་གྱིས་ལོ་ངོ་བཅུ་ལྷག་ལ་གྲ་སྒྲིག་དང་། གནས་འདེམ། འཆར་ཇུས་བཅས་བྱས་རྗེས། 2013ལོའི་ཟླ6པའི་ཚེས27ཏེ་ལུགས་རྙིང་གི་ཟླ5བའི་ཚེས20ཉིན་བསྐྱར་སྐྲུན་དངོས་སུ་མགོ་བརྩམས་པ་རེད།

དོར་ཞི་དགོན་བསྐྱར་སྐྲུན་ལས་འགོ་ཚུགས་པའི་མཛད་སྒོ།(པར་རིས་ཡོང་ཁུངས། བོད་མིའི་རིག་གནས་དྲ་བ)

        བསྐྱར་སྐྲུན་མགོ་རྩོམ་ཉིན་མོར། ཀན་སུའུ་ཞིང་ཆེན་ནང་བསྟན་མཐུན་ཚོགས་དང་། ཀན་སུའུ་ཞིང་ཆེན་བོད་མིའི་རིག་གནས་ཡར་སྐུལ་ཚོགས་པ། ཝུ་ཝེ་གྲོང་ཁྱེར་ཆོས་ལུགས་ཅུའུ། དཔའ་རིས་རྫོང་མི་དམངས་སྲིད་གཞུང་། དོར་ཞི་ཞང་སྲིད་གཞུང་འབྲེལ་ཡོད་སྡེ་ཁག་གི་འགན་ཁུར་བློ་མཐུན། དགོན་བདག་དོར་ཞི་རིན་པོ་ཆེ། དེ་མིན་དཔའ་རིས་དགོན་པ་སོ་སོའི་ཚབ་བྱེད་པ་དང་། སེར་སྐྱ་མང་ཚོགས་བཅས་བསྡོམས་པས་མི500ལྷག་ཐེངས་འདིའི་ལས་མགོ་ཚུགས་པའི་མཛད་སྒོར་ཞུགས་ཤིང་། དགོན་བདག་དོར་ཞི་རིན་པོ་ཆེས་ཀན་སུའུ་ཞིང་ཆེན་རིམ་པ་སོ་སོའི་སྲིད་གཞུང་གིས་ཐུགས་ཁུར་དང་གཟིགས་རྟོགས་གནང་བར་བཀའ་དྲིན་ཞུ་བ་དང་། དགོན་པ་བསྐྱར་སྐྲུན་བྱས་པར་བརྒྱུད་ཏང་གི་ཆོས་ལུགས་སྲིད་ཇུས་དངོས་འབེབས་དང་དད་ལྡན་མང་ཚོགས་ལ་རྒྱལ་གཅེས་ཆོས་གཅེས་ཀྱི་སྣེ་ཁྲིད་པ། འཆམ་མཐུན་བདེ་འཇགས་ཀྱི་ཁྱིམ་གཞིས་སྐྲུན་ཐུབ་པར་རེ་ཞིང་། མཚུངས་སུ་དཔའ་རིས་ས་གནས་ཀྱི་ཆོས་ལུགས་རིག་གནས་ཡུལ་སྐོར་ལས་རིགས་མཐོར་འདེགས་དང་། ཆོས་ལུགས་ལས་དོན་བདེ་ཐང་འཕེལ་རྒྱས་ལ་སྐུལ་འདེད་གཏོང་བར་བྱས་རྗེས་འཇོག་ཐུབ་པར་སྨོན།

དོར་ཞི་དགོན་བསྐྱར་སྐྲུན་གྱི་ཇུས་འགོད་པར་རིས།(པར་རིས་ཡོང་ཁུངས། བོད་མིའི་རིག་གནས་དྲ་བ)