སི་ཁྲོན་ཞིང་ཆེན་ཕིང་ཝུང་རྫོང་པའོ་ཨེན་དགོན།

ཕིང་ཝུང་པའོ་ཨེན་དགོན་གྱི་འདྲ་རིས་བྲིས་མ།

སྟོང་རྒྱུང་མཐུ་ཆེན་གྱིས་བཞེངས་པ་གྲགས་པའི་འགྲོ་བ་རིགས་དྲུག་འཁོར་ལོ།
ཕིང་ཝུང་པའོ་ཨེན་དགོན་གྱི་མདུན་སྒོ།

　　ཤར་དུང་རིའི་ལྷོ་ཕྱོགས་ཕིང་ཝུའུ་རྫོང་གི་པའོ་ཨེན་དགོན་ཞེས་པ"རྒྱ་ཡིག་གི་པའོ་ཨེན་ཞེས་པ་དེ་ནི་དྲིན་ལན་མཇལ་བ་ཞེས་པའི་དོན་ཡིན།" དེ་ནི1440ལོ་ནས་བཞེངས་འགོ་བརྩམས་པ་དང1460ལོར་གྲུབ་པ་ཞིག་རེད་ལ། བཤད་ཚུལ་ལ་དཔོན་པོ་ཝང་ཞིའི་ཞེས་པ་དེས་བཞེངས་པར་གྲགས། ལྷ་ཁང་ཆེ་ཆུང་བཅི་བཞི་ཡན་ཙམ་ཡོད་པ་དང་། བཟོ་སྐྲུན་སྤུས་ལེགས་ཤིང་དབྱིབས་ཧ་ཅང་མཛེས་པ་དེ་སངས་རྒྱས་ཀྱིས་ནུས་མཐུ་དང་བྱིན་རླབས་ཀྱིས་གྲུབ། མཐོང་ན་དད་པ་དག་སྣང་བསྐྱེད། དེའི་རྟེན་ལ། སྔ་རབས་འདས་པའི་སྟོན་པ་རབ་བདུན་དང་། གྲུབ་ཆེན་བཅོ་བརྒྱད། སྲིད་པའི་རྒྱལ་མོ་དབུ་བརྒྱ་ཕྱག་སྟོང་། འགྲོ་བ་རིགས་དྲུག་གི་འཁོར་ལོ་སོགས་གདུལ་བྱའི་ལམ་སྣ་འདྲེན་པའི་རྟེན་ཁྱད་པར་ཅན་ཤིན་ཏུ་མང་། དགོན་པ་དེ་ནི་རྒྱ་བོད་ཆང་གསུམ་གྱི་དགོན་གནས་ཆེན་པོ་ཞིག་ཡིན་པ་དང་། འགྲོ་བ་རིགས་དྲུག་འཁོར་ལོ་དེ་རིག་འཛིན་སྟོང་རྒྱུང་མཐུ་ཆེན་གྱིས་བཞེངས་ཞེས་གྲགས། གནས་ཆེན་ཤར་དུང་རིར་གནས་བསྐོར་སོགས་ཕྱིན་སྐབས་མཇལ་སྐོར་བ་ཚང་མས་དགོན་འདི་དང་རིགས་དྲུག་འཁོར་ལོ་དེ་མཇལ་ཐུབ་པའི་ལུགས་སྲོལ་སོགས་ཆགས་ཡོད་ལ། དེང་གི་དུས་སུའང་གནས་བསྐོར་བོད་ཆང་རྒྱ་གསུམ་སོགས་ཉིན་རེར་རྒྱལ་ཁབ་ཕྱི་ནང་གི་གནས་མཇལ་བ་དང་བལྟ་སྐོར་བ་མང་བོ་ཡོང་བཞིན་ཡོད། དགོན་རྙིང་འདི་ནི་དེང་གི་ཆ་ལ་མཚོན་ན་བོན་དང་འབྲེལ་བའི་རྒྱ་ཡུལ་དུ་ཡོད་པའི་དགོན་རྙིང་རྩ་ཆེན་ཞིག་ཡིན།