logo

༄༅།།གྲོ་ཚང་རྡོ་རྗེ་འཆང་། 

རྩོམ་པ་པོ།:མི་གསལ། ཡོང་ཁུངས།:མཚོ་སྔོན་པོ་དྲ་བ། དུས་ཚོད།:2020-10-09 ཀློག་གྲངས།:
མིང་རྒྱལ་རབས་སྐབས་སུ་བཞེངས་པའི་གྲོ་ཚང་རྡོ་རྗེ་འཆང་ནི་མཚོ་སྔོན་ཞིང་ཆེན་ཟི་ལིང་གྲོང་ཁྱེར་གྱི་ཤར་ཕྱོགས་སུ་མངའ་བའི་གྲོ་ཚང་རྫོང་ཁོངས་སུ་གནས་ཤིང་། ཀྲུང་གོའི་ནུབ་བྱང་ས་ཁུལ་དུ་མིག་སྔའི་བར་དུ་བདག་སྐྱོང་བྱས་པ་ཅུང་ལེགས་པའི་དགོན་སྡེ་ཞིག་ཡིན།
དགོན་རྙིང་འདི་ནི་མིང་རྒྱལ་རབས་ཀྱིས་བོད་བརྒྱུད་ནང་བསྟན་ལ་བརྟེན་ནས་བོད་ཁམས་སུ་དབང་མཛད་པའི་ཆབ་སྲིད་ཀྱི་རྒྱབ་ལྗོངས་འོག་བཀའ་བརྒྱུད་པའི་བླ་མ་སངས་རྒྱས་བཀྲ་ཤིས་ལགས་ཀྱིས་སྤྱི་ལོ1392ལོར་བཞེངས་པ་ཡིན། སྤྱི་ལོ1959ལོར་མཚོ་སྔོན་གྱི་ཞིང་ཆེན་རིམ་པའི་རིག་དངོས་སྲུང་སྐྱོབ་ཀྱི་དགོན་གནས་སུ་བཞག་པ་དང་། སྤྱི་ལོ1982ལོར་རྒྱལ་ཡོངས་ཀྱི་རིག་དངོས་སྲུང་སྐྱོབ་ཀྱི་དགོན་གནས་གཙོ་བོའི་གྲས་སུ་བཞག
གྲོ་ཚང་རྡོ་རྗེ་འཆང་གི་ཕྱིའི་བཟོ་བཀོད་ལ་བོད་རྒྱ་ལུགས་གཉིས་ཀྱི་ཁྱད་ཆོས་ལྡན་ཞིང་། པེ་ཅིང་གི་ཕོ་བྲང་རྙིང་མ་དང་མཚུངས་པས་ཕོ་བྲང་རྙིང་མ་ཆུང་བ་ཞེས་ཀྱང་འབོད། འདི་ཉིད་ཐོག་མ་བོད་བརྒྱུད་ནང་བསྟན་གྱི་ཀརྨ་བཀའ་བརྒྱུད་ཀྱི་དགོན་སྡེ་ཞིག་ཡིན་ལ། ཕྱིས་སུ་དགེ་ལུགས་པའི་གྲུབ་མཐའ་རིམ་གྱིས་འཕེལ་རྒྱས་བྱུང་བ་དང་མཉམ་དུ་དགེ་ལུགས་པའི་དགོན་སྡེ་རུ་གྱུར། 
ཆོས་སྡེ་འདི་གའི་རྟེན་གཙོ་བོ་ལ་གསེར་གྱི་ཐམ་ག་དང་། བ་སོའི་ཐམ་ག བ་སོའི་ཕྱག་ཕྲེང་། རྡོ་བརྐོས་མི་ལ་རས་པའི་སྐུ་བརྙན་སོགས་ཡོད་ཅིང་། སྒོས་སུ་རིང་ཚད་ལ་སྨི་གྲུ་བཞི་མ800ལྷག་ཡོད་པའི་ལྡེབས་རིས་ནི་རྒྱལ་ནང་གི་བོད་བརྒྱུད་ནང་བསྟན་ཁྲོད་ལོ་རྒྱུས་ཀྱི་དུས་ཡུན་རིང་བོའི་ལྡེབས་རིས་གྲས་ཀྱི་གཅིག་ཡིན།
ཆོས་སྡེ་ཆེན་མོ་འདི་ནི་བོད་སོག་ཧོར་བཅས་མི་རིགས་གསུམ་གྱི་གདན་ས་ཆེན་མོ་ཞིག་ཡིན་པ་ཟད། ལོ་ངོ་དྲུག་བརྒྱ་ལྷག་གི་ལོ་རྒྱུས་ལྡན་པས་ལོ་རྒྱུས་ཞིབ་འཇུག་གི་རིན་ཐང་ཡང་དོད་པོ་ལྡན་ནོ། 
འབྲེལ་ཡོད་འོས་སྦྱོར།