logo

༄༅།།དམར་གཙང་དགོན།

རྩོམ་པ་པོ།:ངེད་དྲ་བ། ཡོང་ཁུངས།:མཚོ་སྔོན་པོ་དྲ་བ། དུས་ཚོད།:2020-10-19 ཀློག་གྲངས།:
དམར་གཙང་དགོན་འདི་ལ་ནང་བསྟན་མ་བཙུགས་གོང་དུ་བོད་མིས་བྲག་དམར་ལྷ་ཆེན་དུ་འབོད། སྤྱི་ལོ་དུས་རབས་དགུ་བའི་ཡར་སྔོན་དུ་བོད་བཙན་པོས་རྒྱལ་བསྟན་སྣུབ་སྒབས་དབུས་ནས་དགེ་སློང་གསུམ་མཚོ་སྔོན་རྨ་ཆུའི་ལུང་གཞུང་དུ་བྲོས་ཕེབས་ཀྱིས་སྒོམ་སྒྲུབ་གནང་བས་མཁས་པ་མི་གསུམ་དུ་གྲགས། དེ་གའི་རྫི་བོ་མུ་ཟི་གསོལ་བ་ཆོས་སྒོར་ཚུད་དེ་སྡོམ་པ་མནོས། ཁོང་བློ་རིག་རྣོ་བརྩོན་ཆེ་བས་བླ་ཆེན་དགོངས་པ་རབ་གསལ་གྱི་གུས་མཚན་གསོལ་ཞིང་རྨ་ཙོང་གི་ཕྱོགས་འདིའི་དགེ་སློང་དང་པོར་གྱུར།
དུས་རབས་བཅུ་བའི་ཡར་སྔོན་དུ་དབུས་ནས་ཡུལ་འདིར་འདུལ་བའི་སྡོམ་རྒྱུན་ཡོད་པ་ཐོས་པས་མི་བཅུ་ལེན་དུ་མངགས། ཁོང་རྣམས་ཕྱིར་ཕེབས་ཏེ་ཆོས་སྤེལ་ཞིང་དགོན་སྡེ་བཙུགས་པས་དུས་རབས་ཕྱེད་ལྷག་རིང་བསྣུབས་པའི་རྒྱལ་བསྟན་སླར་གསོ་ཐུབ་པ་བྱུང་། བོད་ཀྱི་ཆོས་འབྱུང་དག་ལས་འདི་ལ་བསྟན་པ་ཕྱི་དར་ཟེར། བླ་ཆེན་གྱིས་དན་ཏིག་དང་དགོན་འདི་གཉིས་བཏབ་པ་ནི་རྨ་ཙོང་གི་ཡུལ་འདིར་ཆེས་སྔ་བའི་དགོན་པ་ཡིན། མཁས་པ་མི་གསུམ་སྐུ་གྲོངས་རྗེས་སྨན་འདམ་ལས་དེ་གསུམ་དང་རྒྱའི་དགེ་སློང་གཉིས་ཀྱི་འདྲ་སྐུ་བཞེངས་ཤིང་མཁས་པ་མི་གསུམ་གྱི་འཁྲུངས་ཡུལ་ལས་དམར་གཙང་ཞེས་བཏགས། དགོན་འདི་ཡང་རིམ་གྱིས་བསྟན་པ་ཕྱི་དར་གྱི་གནས་ཆེན་དུ་གྱུར་བས་སྙན་གྲགས་བོད་ཁམས་ཡོངས་ལ་ཁྱབ།
དུས་རབས་བཅུ་དྲུག་པའི་སྨད་དུ་རྒྱལ་དབང་གསུམ་པ་བསོད་ནམས་རྒྱ་མཚོ་དགོན་འདིར་མཇལ་བར་ཕེབས་སྐབས་ཆིབས་རྟ་དཀར་པོ་གནས་འདིར་ཤི་བར་དྲན་རྟེན་དུ་དགོན་པས་རྟ་དཀར་ཞིག་བཞེངས་པར་བརྟེན་རྒྱས་པེ་མ་ཟི་ཟེར་བ་བྱུང་།
དུས་རབས་བཅུ་དྲུག་པའི་རྗེས་སུ་ཟིང་འཁྲུག་ཐེངས་གསུམ་ནང་བཅོམ་བརླག་བྱུང་ནའང་དགོན་ལུང་དང་ཉེ་འཁོར་གྱི་གྲོང་མིས་དགོན་སྲུང་བྱས་བས་ཆགས་འཇིག་ཇི་འདྲ་བྱུང་ཡང་རྨ་ཙོང་གི་ཡུལ་ཁམས་འདིར་འོད་སྟོང་འབར་བཞིན་ད་བར་དུ་གནས་ཐུབ་པར་མ་ཟད། ད་ལྟ་ཞིང་ཆེན་རིམ་པའི་སྲུང་སྐྱོང་སྡེ་ཁག་ཏུ་གྱུར་ཡོད།
འབྲེལ་ཡོད་འོས་སྦྱོར།