བླ་བྲང་བཀྲ་ཤིས་འཁྱིལ་དགོན་པས་རྒྱ་ལོ་སྨོན་ལམ་ལ་གོས་སྐུ་བཤམས་པ།

བླ་བྲང་བཀྲ་ཤིས་འཁྱིལ་དགོན་པས་རྒྱ་ལོ་སྨོན་ལམ་ལ་གོས་སྐུ་བཤམས་པ།

        ལུགས་རྙིང་གི་ཟླ1པོའི་ཚེས13ཉིན་ཏེ་སྤྱི་ཟླ2པའི་ཚེས22ཉིན། བླ་བྲང་བཀྲ་ཤིས་འཁྱིལ་དགོན་པས་གོས་སྐུ་བཤམས་པ་དང་། དགོན་པའི་གྲྭ་བཙུན་རྣམས་གོས་སྐུ་བཤམས་པའི་ཆོ་གར་ཞུགས་ཏེ་ལོ་གསར་བའི་ནང་ཐམས་ཅན་བདེ་ལེགས་སུ་འགྱུར་བའི་སྨོན་ལམ་འདེབས་ཤིང་། དེ་ནི་བླ་བྲང་དགོན་པའི་ཆོས་ལུགས་ཀྱི་ཆོ་ག་གལ་ཆེན་ཞིག་ཏུ་གྱུར་ཡོད།

གོས་སྐུ་ཁུར་བའི་ལམ་བར་གྱི་རྣམ་པ།

          ཡུལ་དངོས་སུ་དད་ལྡན་པ་རྣམས་ཀྱིས་གོས་སྐུ་ལ་ཁ་བཏགས་འཐེན་པ་དང་ཐོད་པ་གཏུག་ནས་སྨོན་ལམ་འདེབས་པ་དང་། ལོ་རེར་ས་གནས་རང་དང་བོད་ཁུལ་གཞན་དག་གི་དད་ལྡན་རྣམས་དུས་ཚོད་དམ་འཛིན་གྱིས་བླ་བྲང་བཀྲ་ཤིས་འཁྱིལ་དགོན་པས་རྒྱ་ལོ་སྨོན་ལམ་ལ་གོས་སྐུ་བཤམས་པར་མཇལ་དུ་ཡོང་བ་རེད།