༄༅ །། རྣམ་བཅུ་དབང་ལྡན།
ཚོན་རིས་ཅན་གྱི་རྣམ་བཅུ་དབང་ལྡན།
རྣམ་བཅུ་དབང་ལྡན་ཞེས་པ་ནི་དཔལ་དུས་ཀྱི་འཁོར་ལོའི་གཟུངས་སྔགས་ལཉྫའི་ཡི་གེ་ཧྃ་ཀྵམ་ལ་ཝ་ར་ཨཽྃ་བརྩེགས་ནས་གྲུབ་པའི་རི་མོའི་གཟུགས་ཐུན་མོང་མིན་པ་ཞིག་ཡིན། རྟེན་གཞལ་ཡས་ཁང་གི་འོག་གཞི་རླུང་མེ་སའི་དཀྱིལ་འཁོར་བཞི་ཡ་ར་ཝ་ལ་དང་། རི་རབ་གཞལ་ཡས་ཁང་བཅས་པ་མ། བརྟེན་པ་སྐུ་གསུང་ཐུགས་ཀྱི་ལྷ་རྣམས་ཀྵ། ཐུགས་དཀྱིལ་འཁོར་གྱི་ལྷ་རྣམས་ཧ། བདེ་ཆེན་འཁོར་ལོ་ལྷའི་སྐུ་གསུང་ཐུགས་ཟླ་ཚེས་ཐིག་ལེ་ནཱ་ད་སྟེ། རྟེན་དང་བརྟེན་པའི་ལྷ་རྣམས་མཚོན་པར་བྱེད་གསུང་རུང་། ལྷས་ཁྲེན་ཀོན་ཆུས་ཀྱིས་ཕྱག་བྲིས་གནང་བའི་རྣམ་བཅུ་དབང་ལྡན་གྱི་འགྲེལ་བཤད་ལ། 〝གཉིས་མེད་དུས་ཀྱི་འཁོར་ལོའི་རྣམ་བཅུ་དབང་ལྡན་དུ་གྲགས་པ་དེ་ནི་འབྱུང་བ། རླུང་། མེ། ས། ཆུ། རི་རབ་སྟེ་སྟོན་པ་རྣམ་ལྔ་དང་། འདོད་གཟུགས་དང་། གཟུགས་མེད། ཉི་ཟླ། ཟླ་བ་གཉིས་བཅས་གཡོ་བ་རྣམ་པ་བཞི། ཀུན་ཁྱབ་སྒྲ་གཅན་ནམ་མཁའི་ལྡིང་དང་བཅས་པ་བཅུ་བོ་དེ་འཇིག་རྟེན་གྱི་སྣོད་བཅུད་དུ་གྲུབ་པའི་ཁང་བཟང་གི་རྒྱན་དུ་སྤྲས་ན་རྟེན་འབྲེལ་གྱི་དགོས་པ་ཁྱད་པར་ཅན་ཡོད་པར་མཚོན་ནོ།།〞ཞེས་བྲིས་པར་རྒྱུ་མཚན་ཆེ་ཙམ་འདུག་སྙམ།
