༄༅། །ལེའུ་དྲུག་པ། བཅའ་ཁྲིམས་ཀྱི་འགན་འཁྲི།

  དོན་ཚན་སོ་བརྒྱད་པ། རྒྱལ་ཁབ་ལས་དོན་པས་ཆོས་ལུགས་ལས་དོན་གྱི་དོ་དམ་ལས་ཀའི་ཁྲོད་འགན་དབང་གང་བྱུང་དུ་སྤྱོད་པ་དང༌། ལས་འགན་སྣང་མེད་དུ་འཇོག་པ། ཉེར་ཕྱོགས་གཡོ་ཟོལ་བཅས་བྱས་ཏེ་ཉེས་པ་བསགས་ཚེ་ཁྲིམས་ལྟར་ཉེས་དོན་འགན་འཁྲི་རྩད་གཅོད་བྱེད་པ་དང་ཉེས་པ་གསོག་ཚད་ལ་སླེབས་མེད་ན་ཁྲིམས་ལྟར་སྲིད་འཛིན་ཆད་པ་གཅོད་རྒྱུ།

　དོན་ཚན་སོ་དགུ་པ། སྤྱི་དམངས་ལ་བཙན་ཤེད་ཀྱིས་ཆོས་ལ་དད་པ་བྱེད་དུ་བཅུག་པའམ་ཆོས་ལ་དད་པ་བྱེད་དུ་མི་བཅུག་པའམ་ཡང་ན་ཆོས་ལུགས་ཚོགས་པ་དང་ཆོས་ལུགས་བྱེད་སྒོ་སྤེལ་ཡུལ་གྱི་རྒྱུན་གཏན་ཆོས་ལུགས་བྱེད་སྒོ་སྤེལ་རྒྱུར་འགོག་རྐྱེན་བཟོས་ཚེ་ཆོས་ལུགས་ལས་དོན་སྡེ་ཚན་གྱིས་ཡོང་བསྲང་བྱ་རྒྱུའི་བཀའ་ཕབ་དགོས་པ་དང་བདེ་འཇགས་དོ་དམ་ལ་རྒྱབ་འགལ་བྱེད་པའི་བྱེད་སྤྱོད་ཡོད་ཚེ་ཁྲིམས་ལྟར་བདེ་འཇགས་དོ་དམ་གྱི་ཆད་པ་གཅོད་རྒྱུ།

　ཆོས་ལུགས་ཚོགས་པ་དང༌། ཆོས་ལུགས་བྱེད་སྒོ་སྤེལ་ཡུལ། ཆོས་དད་སྤྱི་དམངས་ཀྱི་ཁྲིམས་མཐུན་ཁེ་དབང་བཅས་ལ་བཙན་གནོད་བཏང་ཚེ་ཁྲིམས་ལྟར་དམངས་དོན་འགན་འཁྲི་ཁུར་དགོས་པ་དང་ཉེས་པ་བསགས་ཚེ་ཁྲིམས་ལྟར་ཉེས་དོན་འགན་འཁྲི་རྩད་གཅོད་བྱ་རྒྱུ།

　དོན་ཚན་བཞི་བཅུ་པ། ཆོས་ལུགས་སྤྱད་དེ་རྒྱལ་ཁབ་ཀྱི་བདེ་འཇགས་དང༌། སྤྱི་པའི་བདེ་འཇགས་ལ་གནོད་འཚེ་གཏོང་བ་དང་སྤྱི་དམངས་ཀྱི་མི་ལུས་དབང་ཆ་དང་དམངས་གཙོའི་དབང་ཆར་བཙན་གནོད་བྱེད་པ་དང་སྤྱི་ཚོགས་དོ་དམ་གྱི་སྒྲིག་ལམ་ལ་གནོད་འཚེ་གཏོང་བ། གཞུང་སྒེར་གྱི་རྒྱུ་ནོར་ལ་བཙན་གནོད་གཏོང་བ་སོགས་ཁྲིམས་འགལ་བྱེད་སྒོ་སྤེལ་ནས་ཉེས་པ་བསགས་ཚེ་ཁྲིམས་ལྟར་ཉེས་དོན་འགན་འཁྲི་རྩད་གཅོད་བྱེད་པ་དང་ཉེས་པ་གསོག་ཚད་ལ་སླེབས་མེད་ཚེ་འབྲེལ་ཡོད་གཙོ་གཉེར་སྡེ་ཚན་གྱིས་ཁྲིམས་ལྟར་སྲིད་འཛིན་ཆད་པ་གཅོད་རྒྱུ་དང་སྤྱི་དམངས་དང་ཁྲིམས་མིའམ་ཡང་ན་རྩ་འཛུགས་གཞན་དག་བཅས་ལ་གྱོང་གུན་བཟོས་ཚེ་ཁྲིམས་ལྟར་དམངས་དོན་འགན་འཁྲི་རྩད་གཅོད་བྱ་རྒྱུ།

　ཆོས་ལུགས་བྱེད་སྒོ་ཆེ་གྲས་སྤེལ་རིང་སྤྱི་པའི་བདེ་འཇགས་ལ་གནོད་འཚེ་གཏོང་བའམ་ཡང་ན་སྤྱི་ཚོགས་ཀྱི་སྒྲིག་ལམ་ལ་གཏོར་བཤིག་ཚབས་ཆེན་བཏང་བའི་གནས་ཚུལ་ཐོན་ཚེ་འདུ་འཛོམས་དང་ཁྲོམས་སྐོར་རྔམ་སྟོན་དང་འབྲེལ་ཡོད་བཅའ་ཁྲིམས་དང་སྲིད་འཛིན་ཁྲིམས་སྲོལ་ལྟར་ས་ཆ་དངོས་སུ་ཐག་གཅོད་དང་ཆད་པ་གཅོད་རྒྱུ་དང་གཙོ་གཉེར་བྱེད་མཁན་ཆོས་ལུགས་ཚོགས་པ་དང་དགོན་སྡེ་དང་ལྷ་ཁང་ལ་འགན་འཁྲི་ཡོད་ཚེ་འགོད་དོ་དམ་ལས་ཁུངས་ཀྱིས་དེའི་ཐོ་འགོད་མེད་པ་བཟོ་རྒྱུ།

　ཆོས་ལུགས་བྱེད་སྒོ་ཆེ་གྲས་རང་མཚམས་སུ་གཉེར་ཚེ་ཆོས་ལུགས་ལས་དོན་སྡེ་ཚན་གྱིས་བྱེད་སྒོ་སྤེལ་མཚམས་འཇོག་རྒྱུའི་བཀའ་འབེབས་རྒྱུ་དང་ཁྲིམས་འགལ་གྱི་ཐོབ་ཆ་ཡོད་ཚེ་ཁྲིམས་འགལ་ཐོབ་ཆ་གཞུང་བཞེས་གཏོང་རྒྱུ་དང་ཁྲིམས་འགལ་ཐོབ་ཆའི་ལྡབ་གཅིག་ཡན་དང་ལྡབ་གསུམ་མན་གྱི་དངུལ་ཆད་གཅོད་ཆོག་དེའི་ནང་ནས་ཆོས་ལུགས་བྱེད་སྒོ་ཆེ་གྲས་ཆོས་ལུགས་ཚོགས་པ་དང་ཆོས་ལུགས་བྱེད་སྒོ་སྤེལ་ཡུལ་གྱིས་རང་མཚམས་སུ་གཉེར་ཚེ་ཐོ་འགོད་དོ་དམ་ལས་ཁུངས་ཀྱིས་ད་དུང་ཆོས་ལུགས་ཚོགས་པ་དང་ཆོས་ལུགས་བྱེད་སྒོ་སྤེལ་ཡུལ་གྱིས་ཐད་ཀའི་འགན་འཁྲི་ཡོད་མཁན་གྱི་གཙོ་གཉེར་མི་སྣ་བརྗེ་འཐེན་བྱ་རྒྱུའི་བཀའ་འབེབས་ཆོག་པ།

　དོན་ཚན་ཞེ་གཅིག་པ། ཆོས་ལུགས་ཚོགས་པ་དང་ཆོས་ལུགས་བྱེད་སྒོ་སྤེལ་ཡུལ་ལ་གཤམ་གསལ་གྱི་བྱེད་སྤྱོད་གྲས་ཤིག་ཡོད་ཚེ་ཆོས་ལུགས་ལས་དོན་སྡེ་ཚན་གྱིས་ཡོ་བསྲང་བྱ་རྒྱུའི་བཀའ་འབེབས་རྒྱུ་དང་གནས་ཚུལ་ཚབས་ཆེ་ཙམ་ཡོད་ཚེ་ཐོ་འགོད་དོ་དམ་ལས་ཁུངས་ཀྱིས་ཆོས་ལུགས་ཚོགས་པ་དང་ཆོས་ལུགས་བྱེད་སྒོ་སྤེལ་ཡུལ་གྱིས་ཐད་ཀའི་འགན་འཁྲི་ཡོད་མཁན་གཙོ་གཉེར་མི་སྣ་བརྗེ་འཐེན་བྱེད་རྒྱུའི་བཀའ་འབེབས་པ་དང་གནས་ཚུལ་ཚབས་ཆེན་པོ་ཡོད་ཚེ་ཐོ་འགོད་དོ་དམ་ལས་ཁུངས་ཀྱིས་ཆོས་ལུགས་ཚོགས་པ་དང་ཆོས་ལུགས་བྱེད་སྒོ་སྤེལ་ཡུལ་གྱི་ཐོ་འགོད་མེད་པ་བཟོ་རྒྱུ་དང་ཁྲིམས་འགལ་གྱི་རྒྱུ་དངོས་ཡོད་ཚེ་གཞུང་བཞེས་གཏོང་རྒྱུ།

　（གཅིག）གཏན་འབེབས་གཞུར་བཟུང་ཐོ་འགོད་སྒྱུར་བཅོས་མི་བྱེད་པའམ་ཡང་ན་ཐོ་འགོད་སྙན་སེང་འགྲོ་ལུགས་མི་གཉེར་མཁན་དང༌།

　（གཉིས）ཆོས་ལུགས་བྱེད་སྒོ་སྤེལ་ཡུལ་གྱིས་སྲོལ་ཡིག་དེའི་དོན་ཚན་བཅོ་བརྒྱད་པའི་གཏན་འབེབས་དང་རྒྱབ་འགལ་གྱིས་འབྲེལ་ཡོད་དོ་དམ་ལམ་ལུགས་མི་འཛུགས་པའམ་ཡང་ན་དོ་དམ་ལམ་ལུགས་དེ་རེ་འདུན་དང་མི་འཚམས་པ།

　（གསུམ）ཆོས་ལུགས་བྱེད་སྒོ་སྤེལ་ཡུལ་དུ་ལས་འཛོལ་ཚབས་ཆེན་དང་དོན་རྐྱེན་ཚབས་ཆེན་ཐོན་ནས་འཕྲལ་དུ་སྙན་ཞུ་མི་བྱེད་པར་མཇུག་འབྲས་ཚབས་ཆེན་བཟོ་མཁན།

　（བཞི）སྲོལ་ཡིག་དེའི་དོན་ཚན་བཞི་པའི་གཏན་འབེབས་དང་རྒྱབ་འགལ་བྱེད་པ་དང་ཆོས་ལུགས་ཀྱི་རང་ཚུགས་རང་གཉེར་གྱི་རྩ་དོན་དང་འགལ་མཁན།

　（ལྔ）རྒྱལ་ཁབ་ཀྱི་འབྲེལ་ཡོད་གཏན་འབེབས་ལས་འགལ་ནས་རྒྱལ་ཁབ་ཕྱི་ནང་གི་ཞལ་འདེབས་དང་ལེན་བྱེད་རིགས།

　（དྲུག）ཐོ་འགོད་དོ་དམ་ལས་ཁུངས་ཀྱིས་ཁྲིམས་ལྟར་ལྟ་སྐུལ་དོ་དམ་བྱེད་པ་དང་ལེན་མི་བྱེད་མཁན་བཅས་ཡིན།

　དོན་ཚན་ཞེ་གཉིས་པ། ཆོས་ལུགས་ཀྱིས་ནང་དོན་དང་འབྲེལ་བ་ཡོད་པའི་དཔེ་སྐྲུན