༄༅།།སི་ཁྲོན་དཀར་མཛེས་ཀྱི་རི་ཁུལ་རིག་གནས་ཡུལ་སྐོར་དུས་ཆེན་ལི་ཐང་དུ་འགོ་ཚུགས་པ།

སྤྱི་ཟླ7པའི་ཚེས29ཉིན།“དག་གཙང་དཀར་མཛེས་སུ་མཉམ་དུ་འཛོམས་ནས་སྒེར་འཁོར་ཡུལ་སྐོར་ལ་རོལ་མྱོང་བྱེད་པ”བརྗོད་དོན་གཙོ་བོར་བཟུང་བའི2020ལོའི་སི་ཁྲོན་དཀར་མཛེས་ཀྱི་རི་ཁུལ་རིག་གནས་ཡུལ་སྐོར་དུས་ཆེན་དེ་ས་བབ་མཐོ་ཚད་སྨི3800ཡོད་པའི་སི་ཁྲོན་ལི་ཐང་རྫོང་དུ་འགོ་ཚུགས་ཤིང་། སྲིད་གཞུང་དང་། ཡུལ་སྐོར་ལས་རིགས། ལུས་རྩལ་ལས་རིགས། རྩོམ་རིག་ལས་རིགས། ཁེ་ལས་ལས་རིགས་བཅས་ནས་ཡོང་བའི་རྒྱལ་ཁབ་ཕྱི་ནང་གི་སྐུ་མགྲོན་དང་བོད་རིགས་མང་ཚོགས་ཁྲི4ལྷག་ཙམ“མཁའ་དབྱིངས་ཀྱི་གྲོང་ཁྱེར”ལི་ཐང་དུ་འཛོམས་ནས་སྤྲོ་སྐྱིད་ལྡན་པའི་དུས་ཆེན་ལ་རོལ། ཐེངས་འདིའི་བྱ་འགུལ་ནང་གཙོ་བོ་རྟ་རྒྱུག་འགྲན་བསྡུར་དང་། གླུ་གར། གསར་ཡག་འདེམས་པ། ཕྱི་རོལ་དུ་རྩེད་མོ་རོལ་བ་བཅས་ཚུད། དེའི་ནང་རྟ་རྒྱུག་འགྲན་བསྡུར་ཐེངས་ལྔ་ལ་བཀོད་སྒྲིག་བྱས་པས“ཉིན་རེར་རྟ་མཆོག་བང་རྩལ་འགྲན་པ་དང་། ཉིན་རེར་རྟ་རྒྱུག་འགྲན་བསྡུར”ལ་གཟིགས་ཆོག་པ་ཡིན།
ཤེས་རྟོགས་བྱུང་བ་ལྟར་ན། ལི་ཐང་རྫོང་གི་ཚོགས་ར་གཙོ་བོའི་བྱ་འགུལ་ཕུད། ཐེངས་འདིའི་རི་ཁུལ་རིག་གནས་ཡུལ་སྐོར་དུས་ཆེན་གྱི་བྱ་འགུལ་ཁག15དེ་ད་དུང་ཉག་ཆུ་དང་ཕྱག་ཕྲེང་སོགས་གྲོང་ཁྱེར་དང་རྫོང13། དེ་བཞིན་གངས་དཀར་རི་བོའི་དུང་དཀར་ལུང་བ་དང་འདབ་པ་སོགས་ཀྱི་གཙོ་གནད་མཛེས་ལྗོངས་ཁུལ་དུའང་སྤེལ་རྒྱུ་རེད།