མདོ་ལ་རི་བོའི་རྒྱལ་ཁབ་སྤྱི་གླིང་དེ་སློབ་གྲྭ་ཆུང་འབྲིང་དག་གི་སློབ་སྦྱོང་བྱེད་ཡུལ་གྱི་གནས་སུ་གྱུར་པ།

        ང་ཚོས་ད་ཐེངས་ཀྱི་དབྱར་ཚུགས་ཕྱི་རོལ་བྱ་འགུལ་ལ་བརྟེན་ནས་སློབ་མ་དག་ལ་སྐྱེ་ཁམས་སྲུང་སྐྱོབ་ཀྱི་ས་བོན་གཞོན་ནུའི་དུས་སུ་སེམས་ལ་འཇགས་པ་དང་ཁོ་ཚོ་མདོ་ལ་རི་བོར་དགའ་ཞིང་། རང་བྱུང་ཁམས་ལ་དགའ་པ། རང་བྱུང་ལ་སློབ་སྦྱོང་བྱེད་པའི་ཁྲོད་ཕྱོགས་བསྡུས་བྱང་ཚད་མཐོར་འདེགས་སུ་བཏང་སྟེ། ཁྱོན་ཡོངས་ནས་འཕེལ་རྒྱས་ལ་སྐུལ་འདེད་དང་སྐྱེ་ཁམས་དཔལ་ཡོན་འདུ་ཤེས་ཅན་གྱི་དུས་རབས་གསར་པའི་རྒྱུན་འཛིན་པ་ཞིག་ལ་འགྱུར་དུ་འཇུག་དགོས།

        ཟླ7པའི་ཟླ་དཀྱིལ་ལ། མེ་ཏོག་དང་ན་ཆུང་དག་གིས་མདོ་ལ་རི་བོར་སོ་སྲུང་བྱེད་པའི་རང་བྱུང་སློབ་གསོའི་རིམ་བསྟར་སྐྱེ་ཁམས་ཚན་རིག་རྟོག་ཞིབ་ཀྱི་དབྱར་ཚུགས་ཕྱི་རོལ་བྱ་འགུལ་དེ་མདོ་ལ་རི་བོའི་རྒྱལ་ཁབ་སྤྱི་གླིང་དུས་ཡུན་རིང་བོའི་ཚན་རྩལ་ཞིབ་འཇུག་རྟེན་གཞི་རུ་རྒྱལ་ཁའི་ངང་བཏབ་པ་དང་། ཐེམ་ཆེན་རྫོང་སློབ་འབྲིང་དང་མདའ་བཞི་རྫོང་མདོ་ལ་རི་བོའི་སློབ་འབྲིང་ནས་ཐོན་པའི་དགེ་སློབ50ལྷག་ཐེངས་འདིའི་བྱ་འགུལ་ལ་ཟབ་ཞུགས་བྱས་ཡོད།

        བྱ་འགུལ་ཁྲོད་རང་བྱུང་སློབ་གསོའི་ནུས་པ་ལ་བརྟེན་ནས་སློབ་མ་དག་ལ་རང་བྱུང་ཁམས་ཀྱི་སློབ་གསོ་དེ་ཁང་བའི་ནང་རོལ་ཚན་རིག་ཡོངས་ཁྱབ་འགྲེམས་སྟོན་ཚོམས་ཆེན་དུ་སྤེལ་བ་དང་། ཡོངས་ཁྱབ་རང་བཞིན་གྱི་སྒོ་ནས་མཐོ་སྒང་གི་རྩི་ཤིང་ལ་འབྲེལ་བ་ཡོད་པའི་ཤེས་བྱ་བརྒྱུད། འདབ་ཆགས་ཀྱི་གསུང་སྐད་ལ་ཉན་པ་དང་སྡོང་ལོར་ཞིབ་ལྟ་བྱེད་པ། རི་སྐྱེས་སྲོག་ཆགས་ཀྱི་རྐང་རྗེས་འཚོལ་བ། སྐོར་ཞིབ་སོ་སྲུང་འཁྲབ་སྦྱོང་བཅས་ཀྱིས་སློབ་མ་དག་ལ་ལྟ་རྟོག་ནན་མོ་དང་གསར་རྙེད་ལས་འཚོལ་ཞིབ་བརྒྱུད། ཁྱབ་ཁོངས་མི་འདྲ་པའི་རྩི་ཤིང་གི་ཁྱད་ཆོས་ལ་རྒྱུས་ལོན་མི་འདྲ་པ་བྱས་ཏེ། མདོ་ལ་རི་བོའི་རྒྱལ་ཁབ་སྤྱི་གླིང་རང་བྱུང་མཛེས་ལྗོངས་ལ་ཉམས་ཞིབ་སྒོས་ཁོ་ཚོར་ཤེས་རབ་ལ་བརྩི་འཇོག་དང་རང་བྱུང་གི་འདུ་ཤེས་ལ་བརྩི་བཀུར། རང་བྱུང་ལ་དགའ་ཞེན་ཆེ་བ་ནས་རང་བྱུང་ལ་སྲུང་སྐྱོབ་བྱེད་པའི་འདུ་ཤེས་ཤིག་ཆགས་སུ་བཅུག་ཡོད།

        ཐེངས་འདིའི་སྐྱེ་ཁམས་ཚན་རྩལ་རྟོག་ཞིབ་དབྱར་ཚུགས་ཕྱི་རོལ་ཡུལ་སྐོར་བྱ་འགུལ་སྤེལ་བ་བརྒྱུད། སློབ་གྲོགས་དག་གིས་སྐྱེ་ཁམས་མ་ལག་དང་མིའི་རིགས་ཀྱི་བདེ་སྐྱིད་ལ་འབྲེལ་བ་དམ་པོ་ཞིག་ཡོད་པ་གསལ་བོར་ཤེས་པ་མ་ཟད། རི་སྔོ་ཆུ་དྭངས་ལ་སྲུང་སྐྱོབ་དང་སྐྱེ་ཁམས་སོ་སྲུང་པ་ལེགས་པོ་ཞིག་བྱེད་པའི་སྐྱེ་ཁམས་དཔལ་ཡོན་གྱི་འདུ་ཤེས་བརྟན་པོའི་ས་བོན་སེམས་ཀྱི་ཟབ་ས་རུ་བཏབ་ཡོད།