བར་སྣང་ནས་གུ་གེ་རྒྱལ་རབས་ཀྱི་གནའ་ཤུལ་པར་བླངས་པ།

       གུ་གེ་རྒྱལ་རབས་གནའ་ཤུལ་ནི་བོད་ལྗོངས་མངས་རིས་ས་ཁུལ་རྩྭ་མདའ་རྫོང་ཁོངས་སུ་གནས་ཤིང་། དེ་ནི་རྒྱལ་ཁབ་རིམ་པའི་གཙོ་གནད་རིག་དངོས་སྲུང་སྐྱོང་སྡེ་ཚན་ཡིན། ད་ཡོད་གནའ་ཤུལ་རི་ལ་བརྟེན་ནས་འཛུགས་སྐྲུན་བྱས་ཡོད་པ་དང་། དེ་ནི་ཁང་བ300ལྷག་དང་བྲག་ཕུག300ལྷག ས་འོག་གི་བགྲོད་ལམ2བཅས་ཀྱིས་གྲུབ་པས། སྤྱིའི་ས་ངོས་རྒྱ་ཁྱོན་སྨི་གྲུ་བཞི་མ་ཁྲི18ཟིན་ཞིང་། བལྟོས་བཅས་མཐོ་དམའི་བར་ཁྱད་སྨི175ཡོད། གུ་གེ་རྒྱལ་རབས་གནའ་ཤུལ་དེ་ནི་བོད་ལྗོངས་ཀྱི་ལོ་རྒྱུས་ལ་ཞིབ་འཇུག་དང་། ལྷག་པར་དུ་བོད་ཀྱི་གནའ་བོའི་བཟོ་བཀོད་ལོ་རྒྱུས་ཐད་དངོས་རྫས་རྒྱུ་ཆ་གལ་ཆེན་མཁོ་འདོན་བྱས་ཡོད། །