ངོ་མཚར་བའི་ཚྭ་འདམ་གཞོང་གི་ཐུན་མིན་མཛེས་སྡུག

       སྐྱ་སྡུག་དང་སྔོ་ལྗང་གི་མཛེས་པ་མཉམ་དུ་གནས་པ་དང་། ལུང་སྟོང་དང་ནོར་མཛོད་ལྷན་སྐྱེས་སུ་ལྡན་ཞིང་། བྱེ་ཐང་དང་མཚེའུ་གཅིག་ལ་གཅིག་བརྟེན་དུ་ཆགས་ལ། རྩྭ་ཐང་དང་གངས་རི་ཕན་ཚུན་འབྲེལ་ནས་ཡོད་པ་བཅས་ནི། མེས་རྒྱལ་གྱི་ནོར་གཞོང་དང་ངོ་མཚར་བའི་ཚྭ་འདམ་ཅེས་འབོད་པའི་མཚོ་སྔོན་ཞིང་ཆེན་མཚོ་ནུབ་སོག་རིགས་བོད་རིགས་རང་སྐྱོང་ཁུལ་ཡིན། མཚོ་ནུབ་ཀྱི་ས་དབྱིབས་ནི་རྣམ་པ་སྣ་མང་ཡིན་ཞིང་། རང་བྱུང་ཡུལ་ལྗོངས་སྡུག་ཅིང་བརྗིད་ཆགས་ལ། ཡངས་ཤིང་རྒྱ་ཆེ་བའི་བྱེ་ཐང་ནི་མཐའ་ཡས་པ་དང་། ཟངས་རིའི་ས་དབྱིབས་རྣམ་པ་འདྲ་མིན་དུ་ཆགས་ཡོད། ཉེ་བའི་ལོ་འགའི་རིང་། མཚོ་ནུབ་ཁུལ་གྱིས་ཚྭ་མཚོ་དང་ཁུ་ནུ། ཟངས་རི་སོགས་ཀྱིས་མཚོན་པའི་དྲ་གྲགས་ཡུལ་ལྗོངས་དར་སྤེལ་དུ་བཏང་སྟེ། མཁའ་ལམ་ཡུལ་སྐོར་དང་དར་གོས་ཚོང་ལམ། གསར་བརྗེའི་རིག་གནས་ཡུལ་སྐོར་བཅས་ཚྭ་འདམ་གཞོང་གི་ཡུལ་སྐོར་ལམ་ཐིག་ལེགས་ཤོས་ལ་གསོན་ཤུགས་དང་འཕེལ་རྒྱས་གང་ལེགས་བྱུང་ཡོད། །