ཡུས་ཧྲུའུ་ཡི་སྣོད་བཅུད།

       ཡངས་ཤིང་རྒྱ་ཆེ་བའི་ཡུས་ཧྲུའུ་རྩྭ་ཐང་དུ་གཙོད་ཁྱུ་གང་དགར་རྒྱུ་ལ། དེ་དག་གི་མགོ་བོ་ཀྲོག་ཀྲོག་བྱེད་ཅིང་། མིག་ཟུང་དོགས་ཟོན་དང་མཚར་སྣང་གིས་ཁེངས། དྲོད་འབབ་དུས། སྐལ་བཟང་མེ་ཏོག་གི་འཛུམ་རྒྱ་གཅིག་རྗེས་གཉིས་མཐུད་ཀྱིས་གྲོལ་ཏེ་གློ་སྐྱ་དང་དཀར་པོ། སྨུག་མདོག་བཅས་ཀྱིས་མཐའ་མེད་པའི་རྩྭ་ཐང་བརྒྱན། གནམ་གཤིས་ཇེ་གྲང་དུ་གྱུར་རྗེས། ལོ་མ་དམར་པོ་དང་སེར་པོས་ལུང་གཞུང་ཐམས་ཅད་ཁེངས། ལན་རེར་ཝ་དམར་མིག་ལམ་དུ་རྒྱུ་ཞིང་། དམར་ལ་གནག་སྣུམ་གྱི་རྔ་མ་ས་ངོས་སུ་དྲུད་པས། མཛེས་ཤིང་ལྟ་ན་སྡུག ཁ་བ་བབས་རྗེས་ཀྱི་ཡུས་ཧྲུའུ་འཇམ་ཐིང་ངེར་གནས་ཤིང་། རྩྭ་ཐང་དུ་ཁ་བས་ཡོངས་སུ་གཡོགས་པ་ནི་ཕྱིང་དཀར་ཐང་དུ་བཏིངས་པ་དང་འདྲ།