ཧི་མ་ལ་ཡའི་རི་རྒྱུད་ངོ་སྤྲོད་མདོར་བསྡུས།
ཧི་མ་ལ་ཡའི་རི་རྒྱུད།
འདི་ནི་བོད་ཀྱི་ལྷོ་མཐའི་རྒྱུད་དུ་ཆགས་ཤིང་རང་སྐྱོང་ལྗོངས་ཀྱི་གཞུང་རྒྱུག་རི་རྒྱུད་ཆེ་ཤོས་ཤིག་ཡིན། རི་རྒྱུད་འདིའི་རིང་ཚད་ལ་སྤྱི་ལེ་ཉིས་སྟོང་བཞི་བརྒྱ་ཙམ་དང་ཞེང་ཚད་ལ་སྤྱི་ལེ་ཉིས་བརྒྱ་ནས་སུམ་བརྒྱའི་བར་ཟིན། རི་རྒྱུད་འདི་སྣེ་གཉིས་ནང་དུ་གུག་ཅིང་དཀྱིལ་རྒྱུད་ལྷོ་ཕྱོགས་སུ་འབུར་བ་དབྱིབས་གཞུ་དང་མཚུངས་ལ་རི་བོ་མཐོ་ཞིང་གཟར། ཆ་སྙོམས་མཐོ་ཚད་ལ་མཚོ་ངོས་ལས་སྤྱི་ཁྲེ་དྲུག་སྟོང་ཡན་ཟིན་གྱི་ཡོད།
ཧི་མ་ལ་ཡའི་རི་རྒྱུད།
རི་རྒྱུད་འདིའི་ཁྲོད་དུ་རི་ཆེན་གནམ་གྱི་ཀ་བ་འདྲ་བ་དུ་མ་ཡོད་པ་སྟེ་མཐོ་ཚད་ལ་མཚོ་ངོས་ལས་སྤྱི་ཁྲེ་བདུན་སྟོང་ཡན་ཟིན་པའི་རི་ཆེན་ལྔ་བཅུ་ལྷག་ཙམ་དང་། མཐོ་ཚད་སྤྱི་ཁྲེ་བརྒྱད་སྟོང་བརྒལ་བའི་རི་ཆེན་བཅུ་བཅས་ཡོད། རི་ཆེན་མང་པོ་འདི་ལྟ་བུའི་རི་རྒྱུད་གཅིག་གི་ཐོག་ཕྱོགས་གཅིག་ཏུ་འཁེལ་བ་འདི་འདྲ་འཛམ་གླིང་ཐོག་རི་རྒྱུད་གང་ལའང་མཐོང་རྒྱུ་མེད་ཅིང་། འཛམ་གླིང་གི་རི་བོ་མཐོ་ཤོས་ཇོ་མོ་གླང་མ་དེ་ཡང་རི་རྒྱུད་འདིའི་དཀྱིལ་རྒྱུད་ཀྱི་ཀྲུང་བལ་ས་མཚམས་ཀྱི་རྒྱུད་དུ་ཆགས་ལ། མཐོ་ཚད་མཚོ་ངོས་ལས་སྤྱི་ཁྲེ8848.13ཡོད།
རི་བོ་ཧི་མ་ལ་ཡ་འདི་བོད་ལྗོངས་ས་མཐོའི་ལྕགས་རི་ཆེན་པོ་ཞིག་དང་འདྲ་བར་རླུང་གི་རྒྱུན་བཀག་སྟབས་བོད་ཀྱི་སྐྱེ་དངོས་དང་གནམ་གཤིས་སོགས་ལ་བག་ཆགས་ཆེན་པོ་བཞག་ཡོད་པ་ཡིན།
《བོད་ལྗོངས་ཡུལ་སྐོར་སྣེ་ཤན》ལས་བཏུས།
