རྫོང་རྒྱབ་ཀླུ་ཁང༌།
རྩོམ་པ་པོ།：མི་གསལ།
ཡོང་ཁུངས།：མཚོ་སྔོན་པོ་དྲ་བ།
དུས་ཚོད།：2008-06-22
ཀློག་གྲངས།：
ཀླུ་ཁང་ནི་རྩེ་པོ་ཏ་ལའི་བྱང་ངོས་སུ་གནས་ཤིང་སྔ་ས་ནས་དེ་ནི་ལྷ་སའི་མཛེས་ལྗོངས་ཀྱི་གྲས་ཤིག་ཡིན། དེ་ཡང་སྤྱི་ལོ་༡༦༤༥ཤིང་བྱ་ལོར་སྡེ་སྲིད་བསོད་ནམས་རབ་བརྟན་གྱིས་རྩེ་ཕོ་བྲང་དཀར་པོ་དང་། སྡེ་སྲིད་སངས་རྒྱས་རྒྱ་མཚོས་ཕོ་བྲང་དམར་པོ་བཅས་སྔ་རྟིང་གིས་བཞེངས་སྐབས་རྫོང་རྒྱབ་འདི་ནས་སའི་གཏེར་ཁ་འཛད་མེད་བླངས་པ་དེས་རིམ་གྱིས་རྒྱ་ཁྱོན་སྤྱི་ལེ་གྲུ་བཞི་མ་ལྔ་ཙམ་ཟིན་པའི་མ་བཅོས་རང་བྱུང་གི་མཚེའུ་ཞིག་ཏུ་གྱུར། རྗེས་སུ་པོ་ཏ་ལ་བསྐྱར་བསྐྲུན་ཟིན་མཚམས་དེའི་རྒྱུ་ཆ་ལྷག་མ་རྣམས་ཀྱིས་རྫིང་བུའི་འཇིང་དུ་ཕོ་བྲང་ཟུར་བརྒྱད་ཅིག་བསྐྲུན་ནས་ཀླུ་མོ་མལ་གྲོ་གཟི་ཅན་གྱི་གནས་མཁར་དུ་ཕུལ་བར་གྲགས།
སྤྱི་ལོ་༡༧༠༠ཙམ་ལ་གོང་ས་སྐུ་ཕྲེང་དྲུག་པ་ཚངས་དབྱངས་རྒྱ་མཚོས་བོད་ཡོངས་ལ་ཆར་ཆུ་དུས་འབེབས་ཆེད་ཀླུའི་ཕོ་བྲང་རྟེན་དང་བརྟེན་པར་གསར་བཞེངས་གནང་ནས་གོང་ས་མཆོག་ཀྱང་རྒྱུན་དུ་ཕེབས། ཀླུ་ཁང་གི་རྫིང་དབུས་ཕོ་བྲང་བསིལ་ཞིང༌། མཉེན་ལྕུག་རྒྱ་ལྕང་གི་གྲིབ་སོ་སྣུམ་པ། གཡུ་ལྟར་སྔོ་བའི་རྫིང་བུའི་ཀློང་དུ་རྔམས་ཤིང་བརྗིད་པའི་པོ་ཏ་ལ་ལྷམ་མེར་གསལ་བས་སྐྱེ་བོའི་བློ་ངོར་རྫིང་བུའི་ཀློང་དུ་པོ་ཏ་ལ་དེ་ཉིད་གནས་པ་དང་མཉམ་པའི་སྣང་བ་ཅིག་ཅར་དུ་འཆར་བཞིན་གདའ།
སྤྱི་ལོ་༡༧༠༠ཙམ་ལ་གོང་ས་སྐུ་ཕྲེང་དྲུག་པ་ཚངས་དབྱངས་རྒྱ་མཚོས་བོད་ཡོངས་ལ་ཆར་ཆུ་དུས་འབེབས་ཆེད་ཀླུའི་ཕོ་བྲང་རྟེན་དང་བརྟེན་པར་གསར་བཞེངས་གནང་ནས་གོང་ས་མཆོག་ཀྱང་རྒྱུན་དུ་ཕེབས། ཀླུ་ཁང་གི་རྫིང་དབུས་ཕོ་བྲང་བསིལ་ཞིང༌། མཉེན་ལྕུག་རྒྱ་ལྕང་གི་གྲིབ་སོ་སྣུམ་པ། གཡུ་ལྟར་སྔོ་བའི་རྫིང་བུའི་ཀློང་དུ་རྔམས་ཤིང་བརྗིད་པའི་པོ་ཏ་ལ་ལྷམ་མེར་གསལ་བས་སྐྱེ་བོའི་བློ་ངོར་རྫིང་བུའི་ཀློང་དུ་པོ་ཏ་ལ་དེ་ཉིད་གནས་པ་དང་མཉམ་པའི་སྣང་བ་ཅིག་ཅར་དུ་འཆར་བཞིན་གདའ།
འབྲེལ་ཡོད་འོས་སྦྱོར།
