༄༅། ། གངས་དཀར་ཏི་སེ།
རྩོམ་པ་པོ།：མི་གསལ།
ཡོང་ཁུངས།：མཚོ་སྔོན་པོ་དྲ་བ།
དུས་ཚོད།：2008-06-22
ཀློག་གྲངས།：
འཛམ་གླིང་གི་ཡང་སྟེང་དང༌། བོད་གངས་ཅན་གྱི་ནུབ་ངོས། མངའ་རིས་ཀྲོན་ཆུས། པུ་ཧྲེང་རྫོང་དུ་ཡོད་པའི་གངས་རི་ཆེན་པོ་ཏི་སེ་ནི་ཕྱི་སྣོད་ཀྱི་འཇིག་རྟེན་དང་ལྷན་ཅིག་ཏུ་འཛམ་གླིང་ས་མཐོའི་སྟེང་དུ་བརྗིད་ཆགས་པར་གནས་ཡོད་ལ། དེའི་དབྱིབས་དང༌། མཐོ་ཚད་སོགས་ཇི་ལྟ་བུ་ཡོད་ཅེ་ན། མདོ་སྡེ་ཕལ་མོ་ཆེ་དང་དྲན་པ་ཉེ་བར་བཞག་པའི་མདོ་སོགས་ནས་ཏི་སེའི་རི་བོ་རྡོ་རྗེ་རྩེ་ལྔ་པའི་དབྱིབས་ཅན་དང༌། མཐོ་ཚད་དཔག་ཚད་ལྔ་བརྒྱའོ། ཞེས་གསུངས་པ་དང༌། གཞན་ཡང་སྐྱེས་ཆེན་དམ་པ་རྣམས་ཀྱི་སྤྱོད་ཡུལ་དང༌། སྐལ་ཆེན་དག་པའི་གཟིགས་ངོར་ཏི་སེ་དང༌། མ་ཕམ་གཡུ་མཚོ་སོགས་ལ་ངོ་མཚར་གྱི་བཀོད་པ་མཐའ་ཡས་པར་
གཟིགས་པ་ཐུན་མོང་གི་སྣང་ངོར་ཡང་རང་རང་གི་བློ་ཡུལ་དང་མཐུན་པའི་གངས་འདུལ་གྱི་བཀོད་པ་སྣང་ཞིང་ངོ་བོ་དཔལ་འཁོར་ལོ་སྡོམ་པའི་དཀྱིལ་འཁོར་ལ་རྣམ་པ་གངས་ཅན་ཏི་སེ་ཞེས་པར་གྲུབ་པ་ཡིན་པར་གསུངས་སོ། །
ཏི་སེའི་ནུབ་ངོས་སུ་པ་ཀི་སི་ཐན་གྱི་ཀ་ར་ཀོ་རམ་རི་རྒྱུད་དང༌། ཏི་སེའི་བྱང་ངོས་སུ་ཤིང་བོད་མཚམས་ཀྱི་ཁུ་ནུ་ལའི་རི་རྒྱུད། ཏི་སེའི་ཤར་ངོས་སུ་རྨ་རྒྱལ་སྤོམ་རིའི་རི་རྒྱུད། ཏི་སེའི་ལྷོ་ངོས་སུ་ཧི་མ་ལ་ཡའི་རི་རྒྱུད་བཅས་མུ་མཐའ་མེད་པའི་བརྗིད་ཆགས་ལྡན་པའི་གངས་རིའི་ཕྲེང་བ་ཚར་དུ་དངར་བ་རྣམས་ཀྱིས་ཡོངས་སུ་བསྐོར་བའི་དབུས་སུ་གངས་དཀར་ཏི་སེ་དང༌། མ་ཕམ་གཡུ་མཚོ། ཏྲེ་ཏ་པུ་རི་བཅས་གནས་ཡོད་པ་དང༌། རང་རྒྱལ་གྱི་རི་རྒྱུད་ཆེ་ཤོས་ཀྱི་གྲས་སུ་གྲགས་པའི་ཧི་མ་ལ་ཡའི་རི་རྒྱུད་དང༌། ཏེ་སེའི་རི་རྒྱུད། ཁུ་ནུ་ལའི་རི་རྒྱུད་དེ་གསུམ་ནི་རླབས་ཀྱི་ཕྲེང་བ་བཞིན་སྟར་དུ་འབྲེལ་ཏེ་མངའ་རིས་ས་མཐོ་ནས་རང་རྒྱལ་གྱི་ཤར་ངོས་
ཐད་དྲང་དུ་བརྐྱངས་ཡོད་པ་དང་རང་རྒྱལ་གྱི་ཆུ་བོ་ཆེན་པོའི་གྲས་ཡར་ཀླུང་གཙང་པོའི་སྟོད་རྒྱུད་རྟ་མཆོག་ཁ་འབབ་གཙང་པོ་ཡང་སེང་གེ་ཁ་འབབ་དང༌། གླང་ཆེན་ཁ་འབབ། རྨ་བྱ་ཁ་འབབ་བཅས་དང་འདྲ་བར་ཆུ་འགོ་གངས་རི་ཏི་སེ་དང༌། མ་དྲོས་མཚོ་ལ་ཐུག་པ་མདོ་རྒྱུད་བསྟན་བཅོས་རྣམས་སུ་གསལ་ཞིང༌། རྒྱལ་རབས་དང༌། ལོ་རྒྱུས་ཡིག་རྙིང༌། གཞན་ཡང་ས་དཔྱད་རིག་པ་བཅས་ལའང་དེ་ཁོ་ནར་བཞད་དོ།
གངས་དཀར་པོ་ཤེལ་གྱི་མཆོད་རྟེན་འདྲ་བ་སྟེ་གངས་རིན་པོ་ཆེ་འདི་ཡི་མཐོ་ཚད་ལ་རྒྱ་མཚོའི་ངོས་ལས་བརྩིས་མཐོ་ཚད་སྤྱི་ཁྲི་དྲུག་སྟོང་དྲུག་བརྒྱ་ལྔ་བཅུ་ང་དྲུག（༦༦༥༦）ཟིན་གྱི་ཡོད་ཅིང་གངས་སྐོར་གཅིག་གི་འགྱངས་ཐག་ནི་སྤྱི་ལེ་ལྔ་བཅུ་ང་གཉིས་ཡིན། བོད་རིགས་ཕལ་ཆེར་སྔ་མོ་ནས་ཉིན་འཁོར་ལ་ཕེབས་ཀྱི་ཡོད་པར་བརྗོད་པས་གངས་སྐོར་ཐེངས་གཅིག་ལ་ཆུ་ཚོད་༡༣ནས་༡༥བར་འགོར་གྱི་ཡོད་པ་དང༌། གངས་སྐོར་ལ་བརྐྱང་ཕྱལ་སྐོར་ཐེངས་གཅིག་ལ་ཉིན་༡༥_____༢༠བར་འགོར་གྱི་ཡོད་པར་གྲགས་སོ།
གངས་དཀར་ཏི་སེ་ཞེས་པའི་ཐ་སྙད་དེ་ལས་སྐད་གཉིས་ཡི་གེའི་གོ་དོན་ཡོད་པར་གསུངས་པས་དེ་ཡང་གངས་ཞེས་པ་བོད་སྐད་ཀྱི་གོ་དོན་ཁ་བ་དང༌། ཏེ་སི་ཞེས་པ་ལེགས་སྦྱར་སམ་སྐྲི་ཏའི་སྐད་ལྟར་ན་གོ་དོན་བསིལ་ཞེས་བརྗོད་པ་དང༌། ཏི་སེའི་མིང་གི་རྣམ་གྲངས་ལ་གངས་དཀར་ཏི་སེ་དང་གངས་རིན་པོ་ཆེ་ཞེས་གྲགས་སོ།
གཟིགས་པ་ཐུན་མོང་གི་སྣང་ངོར་ཡང་རང་རང་གི་བློ་ཡུལ་དང་མཐུན་པའི་གངས་འདུལ་གྱི་བཀོད་པ་སྣང་ཞིང་ངོ་བོ་དཔལ་འཁོར་ལོ་སྡོམ་པའི་དཀྱིལ་འཁོར་ལ་རྣམ་པ་གངས་ཅན་ཏི་སེ་ཞེས་པར་གྲུབ་པ་ཡིན་པར་གསུངས་སོ། །
ཏི་སེའི་ནུབ་ངོས་སུ་པ་ཀི་སི་ཐན་གྱི་ཀ་ར་ཀོ་རམ་རི་རྒྱུད་དང༌། ཏི་སེའི་བྱང་ངོས་སུ་ཤིང་བོད་མཚམས་ཀྱི་ཁུ་ནུ་ལའི་རི་རྒྱུད། ཏི་སེའི་ཤར་ངོས་སུ་རྨ་རྒྱལ་སྤོམ་རིའི་རི་རྒྱུད། ཏི་སེའི་ལྷོ་ངོས་སུ་ཧི་མ་ལ་ཡའི་རི་རྒྱུད་བཅས་མུ་མཐའ་མེད་པའི་བརྗིད་ཆགས་ལྡན་པའི་གངས་རིའི་ཕྲེང་བ་ཚར་དུ་དངར་བ་རྣམས་ཀྱིས་ཡོངས་སུ་བསྐོར་བའི་དབུས་སུ་གངས་དཀར་ཏི་སེ་དང༌། མ་ཕམ་གཡུ་མཚོ། ཏྲེ་ཏ་པུ་རི་བཅས་གནས་ཡོད་པ་དང༌། རང་རྒྱལ་གྱི་རི་རྒྱུད་ཆེ་ཤོས་ཀྱི་གྲས་སུ་གྲགས་པའི་ཧི་མ་ལ་ཡའི་རི་རྒྱུད་དང༌། ཏེ་སེའི་རི་རྒྱུད། ཁུ་ནུ་ལའི་རི་རྒྱུད་དེ་གསུམ་ནི་རླབས་ཀྱི་ཕྲེང་བ་བཞིན་སྟར་དུ་འབྲེལ་ཏེ་མངའ་རིས་ས་མཐོ་ནས་རང་རྒྱལ་གྱི་ཤར་ངོས་
ཐད་དྲང་དུ་བརྐྱངས་ཡོད་པ་དང་རང་རྒྱལ་གྱི་ཆུ་བོ་ཆེན་པོའི་གྲས་ཡར་ཀླུང་གཙང་པོའི་སྟོད་རྒྱུད་རྟ་མཆོག་ཁ་འབབ་གཙང་པོ་ཡང་སེང་གེ་ཁ་འབབ་དང༌། གླང་ཆེན་ཁ་འབབ། རྨ་བྱ་ཁ་འབབ་བཅས་དང་འདྲ་བར་ཆུ་འགོ་གངས་རི་ཏི་སེ་དང༌། མ་དྲོས་མཚོ་ལ་ཐུག་པ་མདོ་རྒྱུད་བསྟན་བཅོས་རྣམས་སུ་གསལ་ཞིང༌། རྒྱལ་རབས་དང༌། ལོ་རྒྱུས་ཡིག་རྙིང༌། གཞན་ཡང་ས་དཔྱད་རིག་པ་བཅས་ལའང་དེ་ཁོ་ནར་བཞད་དོ།
གངས་དཀར་པོ་ཤེལ་གྱི་མཆོད་རྟེན་འདྲ་བ་སྟེ་གངས་རིན་པོ་ཆེ་འདི་ཡི་མཐོ་ཚད་ལ་རྒྱ་མཚོའི་ངོས་ལས་བརྩིས་མཐོ་ཚད་སྤྱི་ཁྲི་དྲུག་སྟོང་དྲུག་བརྒྱ་ལྔ་བཅུ་ང་དྲུག（༦༦༥༦）ཟིན་གྱི་ཡོད་ཅིང་གངས་སྐོར་གཅིག་གི་འགྱངས་ཐག་ནི་སྤྱི་ལེ་ལྔ་བཅུ་ང་གཉིས་ཡིན། བོད་རིགས་ཕལ་ཆེར་སྔ་མོ་ནས་ཉིན་འཁོར་ལ་ཕེབས་ཀྱི་ཡོད་པར་བརྗོད་པས་གངས་སྐོར་ཐེངས་གཅིག་ལ་ཆུ་ཚོད་༡༣ནས་༡༥བར་འགོར་གྱི་ཡོད་པ་དང༌། གངས་སྐོར་ལ་བརྐྱང་ཕྱལ་སྐོར་ཐེངས་གཅིག་ལ་ཉིན་༡༥_____༢༠བར་འགོར་གྱི་ཡོད་པར་གྲགས་སོ།
གངས་དཀར་ཏི་སེ་ཞེས་པའི་ཐ་སྙད་དེ་ལས་སྐད་གཉིས་ཡི་གེའི་གོ་དོན་ཡོད་པར་གསུངས་པས་དེ་ཡང་གངས་ཞེས་པ་བོད་སྐད་ཀྱི་གོ་དོན་ཁ་བ་དང༌། ཏེ་སི་ཞེས་པ་ལེགས་སྦྱར་སམ་སྐྲི་ཏའི་སྐད་ལྟར་ན་གོ་དོན་བསིལ་ཞེས་བརྗོད་པ་དང༌། ཏི་སེའི་མིང་གི་རྣམ་གྲངས་ལ་གངས་དཀར་ཏི་སེ་དང་གངས་རིན་པོ་ཆེ་ཞེས་གྲགས་སོ།
འབྲེལ་ཡོད་འོས་སྦྱོར།
