མཁར་སྟེང་དགོན།
རྩོམ་པ་པོ།：ཆོས་འཕེལ།
ཡོང་ཁུངས།：བོད་ཀྱི་རྩོམ་རིག་སྒྱུ་རྩལ།
དུས་ཚོད།：2008-06-20
ཀློག་གྲངས།：
མཚན་རྒྱས་པར་ “མཉལ་ཤོར་པོ་མཁར་སྟེང་དགོན” ཞེས་ཞུ། གཉལ་སྡེ་དྲུག་གི་ཁོངས་ཡིན། རྩེད་ཐང་ནས་འཁོར་ལམ་བརྒྱུད་ཡར་སྟོད་བྲག་ལ་དང༌། དེ་ནས་ཤོར་པོ་ལྟག་ལ་བརྒྱབ་སྟེ་སྤྱི་ལེ་བརྒྱ་དང་བཅུ་གསུམ་ཙམ་སོང་ན་རླངས་འཁོར་ལམ་ཟུར་དུ་དགོན་དེ་མཇལ་རྒྱུ་ཡོད། དགོན་དེ་ནི་ཐོག་མར་བཀའ་བརྒྱུད་པའི་བླ་མ་རོང་པོ་རྡོ་རྗེ་རྒྱལ་མཚན་ཞུ་བས་ཕྱག་བཏབ་གནང་མཛད་དེ་གླིང་ཁག་ཁ་ཤས་ཡོད་པ་ལ་ཇུན་གར་བའི་དམག་གིས་གཏོར་བཤིག་ཚབས་ཆེན་བཏང༌། དེར་རྗེས་ད་ལྟའི་དགོན་དེ་ཆགས་ཡུལ་ནི་དགོན་དེའི་གླིང་གཅིག་ཡིན་པར་གྲགས་ལ། དེ་རྗེས་གུང་ཐང་པ་མཛེས་པ་དཔལ་ལྡན་སོགས་ཀྱི་དུས་ནས་རིམ་བཞིན་དགེ་ལུགས་པའི་སྔགས་ཆོག་གི་དགོན་པ་ཞིག་ཏུ་གྱུར།དགེ་འདུན་ཞལ་གྲངས་བརྒྱ་མ་ཟིན་ཙམ་བར་འཕེལ། སྔོན་དགོན་དེར་འདུ་ཁང་ཀ་བ་སུམ་ཅུ་ཅན་གྱི་ནང་སྨན་འདམ་གྱི་འཇིམ་སྐུ་དུས་གསུམ་སངས་རྒྱས་ཐོག་སོ་གཅིག་ཙམ་དང༌། གཙོ་སྐུའི་ཐུགས་ཀར་ཤེལ་གྱི་ཐུབ་དབང་མཐོ་གང་པ།གཞན་ཡང་གནས་བརྟན་བཅུ་དྲུག་སོགས་ཀྱིས་གཏམས་ཡོད།
ད་ལྟ་དབུ་རྩེ་ཉམས་གསོ་ཞུས་པའི་སྔོན་གྱི་འདུ་ཁང་ནང་སྔོན་གྱི་དུས་གསུམ་སངས་རྒྱས་ལ་ཉམས་གསོ་ཞུས་པ་དང༌། གསར་བཞེངས་རྒྱལ་བ་ལྔ་པའི་འདྲ་སྐུ་སོགས་མཇལ་རྒྱུ་ཡོད།
ད་ལྟ་དབུ་རྩེ་ཉམས་གསོ་ཞུས་པའི་སྔོན་གྱི་འདུ་ཁང་ནང་སྔོན་གྱི་དུས་གསུམ་སངས་རྒྱས་ལ་ཉམས་གསོ་ཞུས་པ་དང༌། གསར་བཞེངས་རྒྱལ་བ་ལྔ་པའི་འདྲ་སྐུ་སོགས་མཇལ་རྒྱུ་ཡོད།
འབྲེལ་ཡོད་འོས་སྦྱོར།
