༄༅།།འབའ་རྫོང་ཞོལ་མ་ཡུལ་ཚོ་སྲིད་གཞུང་བྱང་ཕྱོགས་ཀྱི་མཛོ་མོ་ནུ་རྩེ།

མཛོ་མོ་ནུ་རྩེ་ནི་རི་རྩེ་ཞིག་སྟེ། ཞོལ་མ་ཡུལ་ཚོ་སྲིད་གཞུང་གི་བྱང་ཕྱོགས་སུ་སྤྱི་ལེ5ལྷག་གི་མཚམས་ན་ཡོད། འདི་ནི་རྩེ་དྲུག（ཤ་བོ་རི་རྩེ་དང་། མཛོ་མོ་ནུ་རྩེ། བྱ་དུར་རྒོད་རྩེ།     སྤ་ར་སྟག་རྩེ། ཆུ་དམར་མཐོང་རྩེ། མཛོད་སྲུང་ཁྱུང་རྩེ་བཅས）སྙིང་བདུན（ཆུ་ནག་སྒྲོ་སྙིང་དང་། གད་པ་གཡག་སྙིང་། མ་མོ་མཁྲིས་སྙིང་། པཎ་ཆེན་ཤེའུ་སྙིང་། གློ་བ་གླང་སྙིང་།    ཁྲ་མོ་འུག་སྙིང་ངམ་གད་པ་འུག་སྙིང་། གསེར་སྙིང་བཅས）དུ་གྲགས་པའི་རྩེ་དྲུག་ནང་གི་གཅིག་ཡིན།འདིའི་རྒྱབ་ཕྱོགས་ནི་མཛོ་མོ་དགུ་མཐའ་ལུང་བ་དང་འབྲེལ་ལ། མདུན་ཕྱོགས་ནི་སྟག་བསོད་ཆུ་དང་འབྲེལ་ཡོད། དབུ་རྩེའི་མཐོ་ཚད་ལ་མཚོ་ངོས་ལས་སྨི4671ཡོད་ཅིང༌།  འབའ་རྫོང་མངའ་ཁོངས་ཀྱི་ཆེས་མཐོ་བའི་རི་རྩེ་ཡིན། མཛོ་མོ་ནུ་རྩེ་ཡོད་པའི་རྫ་རྒྱུད་འདི་ནི་རྨ་ཆེན་གངས་རིའི་ར་ལག་ཅིག་ཡིན་ཞིང༌། མུ་ཝོས་རི་འཛིག་གི་རྫ་རྒྱུད་དང་ར་རྒྱ་དགོན་པའི་བར་ན་ཡོད་ཅིང༌། བྱང་ཤར་གྱི་མཚམས་ནས་བཟུང་རླབས་ཕྲེང་གི་དབྱིབས་སུ་ལྷོ་ནུབ་ཕྱོགས་ཀྱི་རྨ་ཆུ་ཁའི་བར་དུ་བསྲིངས་འདུག སྤྱིའི་རིང་ཚད་ལ་སྤྱི་ལེ30ཙམ་ཡོད། རི་རྒྱུད་འདིའི་དབུ་རྩེའི་ཚུགས་ཀ་ནི་མཛོ་མོའི་ནུ་མའི་དབྱིབས་དང་མཚུངས་པས་མིང་ཡང་དེ་སྐད་དུ་ཐོགས།