༄༅།།ལྷ་སའི་དངོས་གྲུབ་ཆུ་མགོ།

ལྷ་སའི་དངོས་གྲུབ་ཆུ་མགོ་དེ་ལྷ་སའི་ཤར་ངོས་རག་གྲོང་ཚོའི་མདུན་ངོས་སུ་ཡོད།  ཆུ་དེ་དཔལ་རོང་གྲོང་ཚོར་བབས་རྗེས་ཆུ་མདའ་མོ་རྡོ་གཤགས། བྲག་ཉ་མགོ་གཟུགས་ཟེར་བ་ནས་ཆུ་ཡུར་གསུམ་དུ་ཁ་གྱེས་ཏེ། བྱང་རྒྱུད་འདམ་རར་བབས་པ་དང་དབུས་རྒྱུད་ནོར་གླིང་དུ་རྒྱུག་པ།  ལྷོ་རྒྱུད་སྐུ་འབུམ་ཐང་རྒྱུད་ནས་རྒྱུག་པ་ཡིན།  ཆུ་བོ་དེས་ས་ཞིང་སོན་ཁལ་ཁྲི་ལ་ཉེ་བའི་ཞིང་ཆུ་དང་།  མི་ཟོག་ཁྲི་སྟོང་གི་འཐུང་ཆུ་ཡང་བྱེད། སྔར་ཆུ་མགོ་ནས་ལྷ་ས་བར་གཞིས་ཁག་མང་པོ་ཡོད་པ་སྟེ། ར་ཁ་བཤག་གཞིས་ཀ་དང་། དྭགས་འབྲུམ་གཞིས་ཀ  གླིང་ཚང་གཞིས་ཀ  ཚེས་གསུམ་ཕུན་ཁང་གཞིས་ཀ  སྒང་སྟོད་ལྕགས་གྲག་གཞིས་ཀ  ཁང་ཆུང་དཀར་པོ་གཞིས་ཀ  རི་སྐྱ་གཞིས་ཀ   གླང་རུ་གཞིས་ཀ  རྭ་ཁ་ཆུ་འཁོར་གཞིས་ཀ  གྲོང་གསར་གཞིས་ཀ  ལྕང་རོང་གཞིས་ཀ་སོགས་ཤིན་ཏུ་མང་བ་དང་གཙང་རལ་གྲོང་ཚོ་དང་། ལག་སྟོད་པ།  གཙང་རལ་བཙན་ཁང་། ལྕང་རོང་སོགས་གྲོང་ཚོ་མང་པོ་ཡོད།