༄༅།།ཁྱིམ་ཚང་དུ་འཛུལ་བའི་གསའ་ཕྱིར་རི་ལ་བཏང་བ།
རྩོམ་པ་པོ།：མི་གསལ།
ཡོང་ཁུངས།：ཀྲུང་གོ་བོད་ཀྱི་དྲ་བ།
དུས་ཚོད།：2021-03-19
ཀློག་གྲངས།：
ཟླ3པའི་ཚེས11ཉིན། གསའ་ཞིག་མཚོ་སྔོན་ཞིང་ཆེན་མཚོ་བྱང་ཁུལ་མིན་ཡོན་རྫོང་ཞི་ཐན་ཤང་སློང་ཆུང་ཉེ་འགྲམ་དུ་སླེབས་པ་དང་། ཁྱིམ་ཚང་ཞིག་གི་དྲ་མའི་ནང་དུ་འཛུལ་སྐབས་མགོར་རྨས་ཕོག་དེ་ཐོད་པར་ཁྲག་བཞུར་བཞིན་ཡོད། འབྲེལ་ཡོད་སྡེ་ཁག་ལ་གནས་ཚུལ་འབྱོར་རྗེས་འཕྲལ་དུ་ཡུལ་དངོས་སུ་སོང་ནས་གསའ་དེ་འཛིན་བཟུང་དང་སྨན་བཅོས་བྱས།
མཚོ་སྔོན་རི་སྐྱེས་སྲོག་ཆགས་སྐྱོབ་བཅོས་རྒྱུད་སྤེལ་ལྟེ་གནས་ཀྱི་ལས་བྱེད་མི་སྣས་ཞིབ་བཤེར་བྱས་པ་བརྒྱུད། གསའ་དེ་ཕོ་ཞིག་ཡིན་པ་དང་གཟུགས་པོ་བདེ་ཐང་ཡིན་པ་རེད། རྨས་ཆུང་ཆུང་ལས་ཕོག་མེད། གསའ་དེ་ལ་རྨས་སྐྱོན་གཞན་མེད་པ་བརྡར་ཤ་བཅད་རྗེས་ཕྱིར་རི་ལ་བཏང་བ་རེད།
ཤེས་རྟོགས་བྱུང་བར་གཞིགས་ན། འདི་ནི་རང་རྒྱལ་གྱི་གཅན་གཟན་གསའ་སྲོག་སྐྱོབ་ཕྱིར་གཏོང་དང་ཚན་ཞིབ་ལྟ་ཞིབ་ཚད་ལེན་གཉིས་ཟུང་འབྲེལ་བྱས་པའི་དཔེ་གཞི་ཐོག་མ་ཡིན་ལ། མཚོ་སྔོན་ཞིང་ཆེན་གྱིས་གཅན་གཟན་གསའ་ལ་སྲུང་སྐར་སྐེ་རྒྱན་བཏགས་པའི་རྣམ་གྲངས་ཐོག་མའང་ཡིན། དེས་རང་རྒྱལ་གྱི་གཅན་གཟན་གསའ་ཡི་བྱ་སྤྱོད་རིག་པ་སོགས་ཞིབ་འཇུག་ལ་རྨང་གཞིའི་རྒྱུ་ཆ་མཁོ་སྤྲོད་བྱེད་སྲིད།
