༄༅། །དབྱར་དུས་གཙང་གསུམ་འབྱུང་ཡུལ་དུ་རྩ་ཆེའི་འདབ་ཆགས་བྱ་རིགས་མང་པོ་སླེབས།

        རྒྱུས་ལོན་པ་ལྟར་ན། གཙང་གསུམ་འབྱུང་ཡུལ་རྒྱལ་ཁབ་སྤྱི་གླིང་ནི་མཐོ་སྒང་གི་སྐྱེ་དངོས་སྣ་མང་རང་བཞིན་གཅིག་འདུས་ཆེ་ཤོས་ཀྱི་ས་ཁུལ་ཞིག་དང་རྒྱལ་ཡོངས་ཀྱི་སྐྱེ་དངོས་སྣ་མང་རང་བཞིན་གྱི་སྔོན་ཐོན་ཁུལ༣༢གྲས་ཀྱི་གཅིག་ཡིན་པས། མདོ་དབུས་མཐོ་སྒང་ན་དམིགས་བསལ་དུ་ཡོད་པའི་སྐྱེ་དངོས་རིགས་དང་རྩ་ཆེ་ལ་སྟོང་ཉེན་ཆེ་བའི་སྐྱེ་དངོས་རིགས་མང་པོ་འཚོ་གནས་བྱ་ཡུལ་དུ་གྱུར་ཡོད། དེའི་ཁྲོད། བྱ་རིགས་ལ་ཁག༡༦དང་ཚན་པ༤༥། རིགས༡༩༦ཡོད། དེ་དག་ལས་ཁྲུང་ཁྲུང་སྐེ་ནག་དང་གླག་སྐེ་སེར། གོ་བོ་སོགས་རིགས༡༣རྒྱལ་ཁབ་ཀྱི་རིམ་པ་དང་པོའི་སྲུང་སྐྱོབ་སྲོག་ཆགས་དང་། བཞད་ནག་དང་ནེའུ་ལེ། བྱ་རྒོད་སོགས་རིགས༣༧རྒྱལ་ཁབ་ཀྱི་རིམ་པ་གཉིས་པའི་སྲུང་སྐྱོབ་སྲོག་ཆགས་ཀྱི་གྲས་ཡིན། ཉེ་བའི་ལོ་འདི་དག་གི་རིང་ལ། གཙང་གསུམ་འབྱུང་ཡུལ་རྒྱལ་ཁབ་སྤྱི་གླིང་གི་སྐོར་སྲུང་ལས་དོན་ནུས་ལྡན་དུ་སྤེལ་བས་བྱ་རིགས་མང་པོར་བདེ་འཇགས་དྲོད་སྐྱིད་ཀྱི་འཚོ་སྡོད་བྱ་ཡུལ་ཞིག་མཁོ་འདོན་བྱ་ཐུབ་ཡོད། རྩ་ཆེའི་འདབ་ཆགས་བྱ་རིགས་ཡང་ཡང་སླེབས་པ་དང་ཆབས་ཅིག་གཙང་གསུམ་འབྱུང་ཡུལ་ཀྱི་སྣོད་བཅུད་ཀྱི་བཀོད་པའང་ལེགས་སུ་ཕྱིན་ནས་སྐྱེ་དངོས་སྣ་མང་རང་བཞིན་ལ་སྲུང་སྐྱོབ་ཐོབ་བའི་དུས་མཚམས་རང་བཞིན་གྱི་གྲུབ་འབྲས་ཀྱང་མངོན་སུམ་གྱིས་བླངས་ཡོད།